¹ Vikara roho yunanena lwazulwazu kukala tsiku zidzazo atu anjine andairicha imani na kukala matso kahiza kusikiza roho zao zikengazo na mafundisho ga chipepo gandigofundishwa ² Kahiza ulongo na kudzihendya . Dhaminia zao zindagaluzwa. ³ Andakahazwa kuhala na kuvukera vyakurya virivyo Mulungu waviumba vihumirwe khwa shukurani kahi za aaminio na ario anaumanya ujeri. ⁴ Khwa kukala chila chitu chiricho umbwa na Mulungu ni chidzo. Kakuna chiricho hunavokera khwa shukurani chifa acho kukahalwa. ⁵ Khwa kukala chinahendwa chikale chidzo neno ra Mulungu na khwa ya mavoyo. ⁶ Ichikala undageka mautu gaga mbere za ndugu, undakala muhumiki mudzo wa Jesu Kristo, khwa kukala udzi-imbwa kahiza maneno ga imani na kahiza mafundisho madzo ambago udzigatua. ⁷ Ela zikahale ngano za chidunia zirizo zinahenzwa ni achetu. Khanda na gaga, dzifunzye mwenye khazia ulungu. ⁸ Khwa kukala mazoezi ga mwiri ganafuha chidogo, ela ulungu anafaha muno kahiza mautu gosini. Unatunza chilagane kahiza maisha ga vikara na garahu gadzago. ⁹ Uhumwa uu ni wakwaminiwa na unafaha kuhenzwa korokoro. ¹⁰ Khwa kukala ni khwa utu-uu hunayugika kuhenda kazi khwa chadi muno. Khwa kukala huna ungumbao kahiza Mulungu ariye moyo, arie ni mwokoli wa atu osini, ela haswa ni khwa aaminio. ¹¹ Uganene na kugafunzya mautu gaga. ¹² Mutu asiuphurye ujanao/uhohoo. Ela ukale chelelezo khwa aaminio, kahiza magombi, mwenendo, uhenzo, waminifu na utana wa chiroho . ¹³ Muhadi nindakaphokudza dumu kahiza kusoma, kahiza ku-onya, na kahiza kufunzya. ¹⁴ Usichifurye chipawa urichochochihewa ario waihewa kuchiriria unabii, khwa kwikirwa mikono ni vilongozi a kanisa. ¹⁵ Ugajali mautu gaga.Kala kahiza gago ili kukulako kukale lwazu kwa atu osini. Tuwizira muno mwenendo na mafunzyo. ¹⁶ Kala kahi za mautu gaga. Kwa kukala kwa kuhenda vivi undadzitivya mwenye na arahu akusikirao.