¹ Hikara roho yunanena lwazulwazu kukala tsiku zidzazo atu anjine andairicha imani na kudulama kahiza kusikiza roho zao zikengazo na mafundisho ga chipepo gandigofundihwa ² Kahiza ulongo na unafiki. Dhamina zao zindagalushwa. ³ Andaazulia kuhala na kuphokera vyakurya virivyo Mulungu waviumba vihumirwe kwa shukrani kahi za aaminio na ario anaumanya ujeri. ⁴ Kwa kukala chila chitu chiricho Mulungu yudzochiumba ni chidzo. Kakuna chiricho hunaphokera kwa shukrani chifaacho kukahalwa. ⁵ Kwa kukala chinatakaswa kuchirira neno ra Mulungu na kahiza njira ya mavoyo. ⁶ Ichikala undageka mautu gaga mbere ya ndugu, undakala muhumiki mudzo wa Jesu Kristo, kwa sababu kukala udzjewa kahiza maneno ga imani na kahiza mafundisho madzo ambago udzigatua. ⁷ Ela zikahale ngano za chidunia zirizo zinahenzwa ni ache. Badalaye, dzifundishe mwenye kwa usafi wa roho. ⁸ Kwa kukala mazoezi ga mwiri ganafaa chidpgp, ela usafi war oho unafaa muno kahiza mautu gosini. Unatunza ahadi kahiza maisha ga hikara na garahu gadzago. ⁹ Ujumbe uu ni wakuaminiwa na unafaa kukubaliwa kabisa. ¹⁰ Kwa kukala ni kwa sababu ii hunayugika kuhenda kazi kwa bidi muno. Kwa kukala huna ujasiri kahiza Mulungu ariye moyo, arie ni mwokoli wa atu oosini, lakini kaswa kahiza aaminio. ¹¹ Uganene na kugafundisha mautu gaga. ¹² Yeyosi asiuphurye ujanao/uhohoo. Badalaye ukale mfano kahiza aaminio, kahiza magombi mwenendo, uhenzo, waminifu na usafi. ¹³ Muhadi nindakaphokudza dumu kahiza kusoma, kahiza konya, na kahiza kufundisha. ¹⁴ Usiifurye karama iriomumo ndanio ario waihewa kuchiriria unabii, kahiza kwikirwa mikono ni atuminya a kanisa. ¹⁵ Ugajali mautu gaga. Ishi kahiza gago ili kukulako kukale uwazu kwa atu osini. Zingatia muno mwenendo na mafundisho. ¹⁶ Hurira kahi za mautu gaga. Kwa kukala kwa kuhenda vivi undadziokols mwenye na arahu akusikirao nao.