¹ Magombi gaga ni ga kwaminika . Ichikala mtu yunahenza kukala mwimirizi, yunahenza kadzi mbidzo . ² Khwa vivyo mwimirizi ni asikale na kulaumiwa.Ni sharufi akale na chasi , mitsunzu, arie na utaratibu arie ni mumbazi. Ni lazima akale yanaweza kufundisha. ³ Asikale yunanwa uchi ,asikale wa malumbano, ela mupore,arie wa reri. Ni sharufi asikale mwa kuhenza pesa. ⁴ Inahenzekana aimirire tototo atu a mwakwe nyumbani mwenye na anae anahenzekana kumusikisa khwa kumutii kahiza hishima zosini. ⁵ Khwa kukala ichikala mutu kamanya kuamirira atu a mwakwe nyumbani yundarireradze kanisa ra Mulungu? ⁶ Asikale mwamini muvhia , ili asidze adzikulula na kugwa kahiza hukumu here yuyahu mui. ⁷ Sharuti pia akale na sifa mbidzo khwa osi ariokonze, ili asidze akagwa kwenye webu wa muhego wa yuyahu mui. ⁸ Vivyo-vivyo atuminya anahenzekana kukala enye kuhewa hishima, enye chipindugalu .Asinwe uchi kuchira chasi wala kukala na tamaa. ⁹ Aweze kuirinda khwa nia mbidzo jeri ya imani iriyofunulwa. ¹⁰ Akale pia adzonekana kwanza,akarakara , ndo kuhumika khwa kukala vhana lawama. ¹¹ Ache ao vivyo vivyo akale enye hishima. Asikale atsinziri. Akale na chasi na aaminifu khwa mautu gosini. ¹² Aimirizi/atuminya a kanisa ni sharuti akale ni alume ario na muche mumwenga.Sharuti aweze kuaimirira tototo ana ao a nyumbani mwao. ¹³ Khwa kukala ara ahumikao tototo andapata kwima tototo na ungumbao mubomo kahi za imani iriyo kwa Kristo Jesu. ¹⁴ Naandika mautu gaga kwako, na nakuluvhira kudza kwako vivi hikara. ¹⁵ Ela ichikala nindatowa, naandika ili upate kumanya undivyo weze kusagala kahiza nyumba ya Mulungu, ambaro ni kanisa ra Mulungu ariye yu moyo, nguzo na mwavizi wa jeri. ¹⁶ Na kavikahalika ka kukala ujeri wa Chimulungu urio-ikwa iwazu mubomu. Waonekana kahi za mwiri, achonewa ya karakara ni kahiza roho, achionekana ni Malaika, achonewa kahi za atu asi-amini makabila, achiaminiwa ni urimwengu, na achivhokerwa kuko dzulu kahiza utukufu.