¹ Kugomba kuku ni kwa kuaminika. Ichikala mtu yunahenza kukala mwimirizi, yunahneza kadzi mbidzo na lawama. ² Ni lazima akale ni muhume wa muche mumwenga. Ni lazima akale na chasi, busara, mwenye utaratibu, mkarimu. ³ Asikale yunahumira vya kurevya, asikale muchokozi, ela mupore, mwenye amani. Ni lazima asikale mwenye kuhenza pesa. ⁴ Inahenzekana aimirire tototo atu a nyumbani mwakwe mwenye na anae anafaa kumutii kahiza heshima zosini. ⁵ Kwa kukala ichikala mutu kamanya kuamirira atu a nyumbani mwakwe mwenye yundawezadze kanisa ra Mulungu? ⁶ Asikale wokoka dzuzi, ili kukala asidze akadziunula na kugwa kahiza hukumu here yuyahu mui. ⁷ Lazima pia akale akagwa kahiza aibu na mhego wa ui. ⁸ Mashemasi aimirizi/atuminya a kanisa vivyo hivyo anafaa kukala enye heshima, asikale anafiki. Asihumire uchi kuchira chasi au kukala na tamaa. ⁹ Aweze kuitunza kwa nia safi ira imani ya jeri iriyofunulwa. ¹⁰ Akale pia athibitishwa kwanza, halafu aweze kuhumika kwa kukala kauna lawama. ¹¹ Ache ao vivyo hivyo akale enye heshima. Asikale enye matsinzira. Akale na chasi na aaminifu kwa mambo gosini. ¹² Aimirizi/atuminya a kanisa ni lazima akale ni alume ario na muche mumwenga. Lazima aweze kuaimirira tototo anae na a nyumbani mwao. ¹³ Kwa kukala ara ahumikao tototo anapata msimamo mudzo na ujasiri mubomo kahi za imani iriyo kwa Kristo Jesu. ¹⁴ Naandika mambo gaga kwako, na natumaini nidakudza kwako vivi hikara. ¹⁵ Ela ichikala nidachelewa, naandika ili upate kumanya namna ya kwenenda kahiza nyumba ya Mulungu, ambaro ni kanisa ra Mulungu ariye yu moyo, nguzo na musada wa jeri. ¹⁶ Na kaipingikaa ka kukala ujeri wa Chimulungu ariofunuliwa ni mubomu. Waonekana kahi za mwiri, achithibitishwa kahiza roho, achionekana ni Malaika, achitangazwa kahi za makabila, achiaminiwa ni urimwengu, na achihalwa dzulu kahiza utukufu.