¹ Khwa vivyo kabila ya mautu gosi, ninahenza mavoyo, na duwa, na kuvoyera, na shukurani vihendeke kwa ajili ya atu osi. ² Khwa ajili ya afalume na osini ario a kahiza ulongozi, ili kukala huweze kuishi maisha ga reri na kuhurira kahiza utani wosi ulunga na hishima ³ Riri ni ridzo na ra rifaharo mbere za Mulungu mwokoli wehu. ⁴ Iye yunahena kukala atu osini aokolwe na apate kuumanya ujeri. ⁵ Khwa kukala kuna Mulungu mumwenga na kuna mupatanishi mumwenga kahi ya Mulungu na mwanadamu arie ni Kristo Jesu. ⁶ Wadzomboza mwenye khere marivho khwa osi here ushuhuda khwa muda ufahao. ⁷ Khwa sababu ii, mimi mwenye nahendwa nikale mjumbe wa injili na muhumwa (Nagomba ujeri sigomba ulongo). Mimi ni mwalimu wa atu a urimwengu kahi za imani na jeri. ⁸ Khwa vivyo nahenza alume chila phatu avoye na kunula mikoni mitsanyu bila koro na kutsamini. ⁹ Vivyo vivyo, nahenza ache adzivalishe nguo zihenzekanazo , khwa hishima na kudzizulia. Asikale na Nyere za kusongwa, au dhahabu, au lulu, au nguo za gali. ¹⁰ Pye nahenza avale nguo zifahazo ache ahadzao kumugovha akirio utiifu khwa kuchiriria mahendo madzo. ¹¹ Mwanamuche na adzifundishe kahiza hali ya kuhurira na khwa kusikisa kamare. ¹² Tsenzi mwanamche kufundisha, wala kumuroroma mukotse mwanalume ela asagale za kunyamala. ¹³ Khwa kukala Adamu waumbwa na chimbere, chisha Hawa. ¹⁴ Adamu kakengerwe, ela mwanamche wakengwa khwa Kwenda chinyume na malagizo . ¹⁵ Hata vivyo yundokolewa kwa kuchirira kuvyala ahoho kala andenderera kahi za imani na uhenzo na kahiza kutsukutswa na ikili mbidzo.