¹ Ariche ara osini ario tsini ya chifungo cha uhumwa aaaharire abomu ao here enye hishima zosi. Anahenzekana kuhenda vivyo ili dzina ra Mulungu na mafunzyo gasukanwe. ² Ahumwa enye ario ana abomu aaminio asiaphurye khwa kukala ao ni ndugu. Khanda na vhavho aahumikire mono, khwa kukala abomu avizwao kazi zao ni aamini na anahenzwa. Funzya na ugatangaze mautu gaga. ³ Ichikala mtu Fulani yunafunzya ga kwangamiza na kagaphokera maelekezo gehu genye kwaminika garigo ni maneno ga Bwana wehu Jesu Kristo, ichikala karikubali funzyo rilongozaro kahiza ulungu . ⁴ Mutu iye yunadzivunya na kumanya chochosi. Khanda na vhavho yuna khondo khani dzulu ya maneno. Maneno gaga ganavyala wivu, kondo, mafyozi, shuku mbii. ⁵ Na khondo za hivha na hivha kahi za atu enye akili zirizobanangika. Anauricha ajeri, Anaza kukala ulungu wa moyo ni njira ya kukala matajiri. ⁶ Vikara ulungu wa roho na kutosheka ni faida bomu. ⁷ Khwa kukala kahudzire na chochosi duniani. Wala kahuweza kuhala chochosi kula duniani. ⁸ Khwa vivyo huchikala na chakurya na nguo na hutosheke. ⁹ Vikara ao alondao kukala na mali nikugwa majezoni, kahiza muhego. Anagwa khwa uzuzu munji na tamaa mbii, na kahiza chitu chochosi chiahondacho atu azame kuhiza kuangamika na kubanangika. ¹⁰ Khwa kukala kuhenza pesa ni chanzo cha aina zosini za ui. Atu enye anatamani vivyo, adziangamizwa kure na imani na adzidzocha enye khwa shonono nyinji. ¹¹ Ela uwe mtu wa Mulungu, gachimbire mautu gago. Tuwa hachi, ulungu , waminifu, uhenzo, uvumirivu na upore. ¹² Piga viha vidzo vya imani, gwira uzima wa milele/ kare na kare urio-ihirwa. Were ni khwa utu uu womboza ushuhuda mbere ya mashahidi anji khwa chirahu chiricho chidzo. ¹³ Nakupa lagizo riri mbere za Mulungu, avihendae vitu vyosini kwishi, na mbere ya Jesu Kristo, ariyenena iriyo jeri kwa Pontio Pilato. ¹⁴ Ritunze lagizo riri khwa ukamilifu, vhasivho mashaka, muhadi kudza kwa Bwana wehu Jesu Kristo. ¹⁵ Mulungu yunda-manyisa kudza kwa kwakwe wakati ufahao. Mulungu, mbarikiwa, mukotse wa hacheye, mutawali atawalaye Bwana alongozaye. ¹⁶ Hachaye yunaishi kare na kare na yunakala kahiza mwangaza usio sengererwa kakuna mtu awezaye kumulola wala awezaye kumlola. Kwakwe iye ikale hishima na uwezo wa kare na kare. Amina. ¹⁷ Ambire matajiri kahiza urimwengu uu asidzonye, na asikuluphire kahiza utajiri, ambao si wa kukuluvhirika. Khandana vhavho, anafaa kumkuluphira Mulungu arie yunahupha utajiri wosini wa jeri ili hufurahiye. ¹⁸ Ambire ahende madzo, atajirike kwa kazi mbidzo, akale akusediya, na utayari wa kulavya. ¹⁹ Kahi za njira iyo andadzikira musinzi mudzo khwa mutu gadzago, ili kukala aweze kugwira maisha ga jeri. ²⁰ Timotheo, rinda chira urichohewa. Dzike-khanda na malumbano ga chizuzu na mashindano yasigo na mana ambago khwa ulongo ganehiwa marifa. ²¹ Atu anjine anagatangaza mautu gaga, na khwa vivyo adziikose imani. Neema na ikale phamwenga na-uwe.