¹ Ariche ara osini ario tsi ya chifungo here ahumera aaaharire abomu ao here enye heshima zosi. Anahenzekana kuhenda vivyo ili dzina ra Mulungu na mafundisho gasukanwe. ² Ahumwa enye ario ana abomu aaminio asiaphurye kwa kukala ao ni ndugu. Badalaye aahumikire mono, kwa kukala mabwana avizwao kazi zao ni aamini na anahenzwa. Fundisha na ugatangaze mautu gaga. ³ Ichikala mtu Fulani yunafundisha kwa kwangamiza na kagaphokera maelekezo gehu genge kwaminika ambago ni maneno ga Bwana wehu Jesu Kristo, ichikala karikubali fundisho rilongozaro kahiza utakatifu. ⁴ Mtu iye yunadzivuna na kumanya chochosi. Badalaye yuna fujo na mabishano dzulu ya maneno. Maneno gaga ganavyala wivu, kondo, matusi, kushukiana vibaya. ⁵ Na fujo ra khenda khenda kahi za atu enye akili zodzobanangika. Anairicha jeri, Anaza kukala usafi wa moyo ni njira ya kukala matajiri. ⁶ Hikara usafi wa rohona kutosheka faida bomu. ⁷ Kwa kukala kahudzire na chochosi duniani. Wala kahuweza kuhala chochosi kula duniani. ⁸ Badalaye, nahutosheke na chakurya na mavazi. ⁹ Hikara ao andiokala na mali anagwa kwa majezo, kwa mhego. Anagwa kwa upumbavu munji na tamaa mbii, na kwenye chitu chochosi chiahondacho atu azamo kuhiza kuangamika na kubanangika. ¹⁰ Kwa kukala kuhenza pes ani chanzo cha aina zosini za ui. Atu enye anatamani vivyo, adziangamizwa kure na imani na adzidzitsoma enye kwa huzuni nyinji. ¹¹ Ela uwe mtu wa Mulungu, gachimbire mautu gago. Tuwa haki, usafi, waminifu, mahenzo, uvumirivu na upore. ¹² Piga viha vidzo vya imani, gwira uzima wa milele/ kare na kare urioihiwa. Here ni kwa sababu ii kukala womboza ushuhuda mbere ya mashahidi anji kw achira chirahachiricho chidzo. ¹³ Nakupa amri ii mbere za Mulungu, asababishaye vitu vyosini kuishi, na mbere ya Jesu Kristo, ariyenena iriyo jeri kwa Pontio Pilato. ¹⁴ Itunze amri kwa ukamilifu, bila mashaka, muhadi kudza kwa Bwana wehu Jesu Kristo. ¹⁵ Mulungu yunamanyisa kudza kwa kwakwe wakati mudzo. Mulungu, mbarikiwa, mukotse hacheye, mfalme atawalaye Bwana alongozaye. ¹⁶ Hachere yunaishi kare na kare na yunakala kahiza mwanga usio songererwa kakuna mtu awezaye kumwona wala awezaye kumlola. Kwakwe iye ikale heshima na uweza wa kare na kare. Amina. ¹⁷ Ambire matajiri kwenye kahiza urimwengu uu asidzivune, na asikuluphire kahiza utajiri, ambao si wa uhakika. Badalaye, anafaa kumkuluphira Mulungu arie yunahupha utajiri wosini wa jeri ili hukaye nan yeni. ¹⁸ Ambire ahende madzo, atajirike kwa kazi mbidzo, akale akusediya, na utayari wa komboza. ¹⁹ Kahi za njira hiyo andadzikira musinzi mudzo kwa mutu gadzago, ili vyakukala aweze kugwira maisha ga jeri. ²⁰ Timotheo, rind achira urichohewa. Dziepushe na maneno ga chipumbavu na mashindano yasigo na mana ambago kuna udongo ganehiwa maarifa. ²¹ Baadhi ya atu anagatangaza mautu gaga, na adziikose imani. Neema na ikale phamwenga namwi.