¹ Mumwenga wenu achikala na tatizo na muyawe (mwenzake), Je, yunasubutu Kwenda kwa mahakama ga asio hachi kuriko mbere za aamini? ² Kamumanya kukala aamini andauhukumu urimwengu? Na ichikala mundahukumu urimwengu, kamuweza kuamua mautu gasigo muhimu? ³ Kamumanya kukala hunda ahukumu Malaika? Kwa chasi chaani zaidi hunaweza kuamua mautu ga maisha gaga? ⁴ Kala hunaweza kuhukumu mautu ga maisha gaga, kwa tuwani munasubutu kuvirika mashitaka mbere za asio iima kanisani? ⁵ Nagomba gaga kwa aibu yehu. Kakuna mwenye busara miongoni mwehu wa kutosha kwiika mautu karakara kahiza za ndugu na ndugu? ⁶ Ela! Here irivyo hikara, mwamini mumwenga nikwenda mahakamani dhidi ya muumini munjine, na mashitaka gago ganaikwa mbere za hakimu asiyeamini ⁷ Ujeri ni kwamba kuna matatizo kahikahi ya akristo garigoreha taabu kwenu. Kwa tuwani msiteseke kwa mai? Kwa tuwani mnakubali kukengwa (kudanganya)? ⁸ Ela! Mudzihenda uovu na kukenga anjine, na ao ni ndugu na dada zehu! ⁹ Kamumanya kukala asio hachi kandaurithi utawala wa Mulungu? Musiamini ulongo, asherati, aabudu vinyago, azinzi, afiraji, alawiti, ¹⁰ aivi, achoyo, alevi, anyang’anyi, aukanaji kakuna miongoni mwao andiye urithi utawala wa Mulungu. ¹¹ Na ao akala baadhi yao ni mwimwi, ela mwatakaswa kare kwa Mulungu, ela! Mudzihendwa hachii mbere za Mulungu kahiza dzina ra Bwana Jesu Kristo na kwa roho wa Mulungu wehu. ¹² Vitu vyosi ni halali kwangu, ela! Si chila chitu china faida, vitu vyosi ni halali kwangu, ela! Sindatawalwa ni chimwenga cha vivyo. ¹³ Chakurya ni kwa ajili ya ndani, ndani ni kwa ajili ya chakurya, ela! Mulungu yundaviangamiza (atavitowesha) vyosi, Mwiri kaudzaumbwa kwa ajili ya ukahaba (umalaya), badalaye, mwiri ni kwa ajili ya Bwana na Bwana yundauhudumia mwiri. ¹⁴ Mulungu wamfufula Bwana na siswi pye yundatufufula kwa nguvuze. ¹⁵ Kamumanya kukala miiri yenu inamuunganiko na Kristo? Munawezadze kuviomboza vilungo vya Kristo na kwenda kuvilunganisha na kahaba Kaiwezekana? ¹⁶ Kamumanya kukalaariyeungana na kahaba yudzikala mwiri mumwenga naye? Here andiko rinenavyo (rigombavyo, Airi andakala mwiri mumwenga. ¹⁷ Ela! Ariyeungana na Bwana yunakala roho mwenga vamwenga naye. ¹⁸ Ichimbireni zinaa! Chila dambi aihendayo mutu ni-nze na mwiri we. Ela! Mutu ahendaye zinaa yunahenda dambi dhidi ya mwiri we mwenye. ¹⁹ Kamumanya kukala miiri yehu ni hekalu ra roho mtakatifu (mweri), akalaye ndani yehu, iye ambaye mwahewa kulaa kwa Mulungu? Kamumanya kukala si mwimwi enyee? ²⁰ Kukala mwagulwa kwa thamani. Kwa vivyo mtukuzeni Mulungu kwa miiri yehu.