¹ Hasikira habari kukala kuna zinaa miongoni mwehu, aina ya zimaaambayo kaikio hat kahiza mataifa. Huna habari kwamba mumwenga yunalala na mkaza abaye. ² Namwi munadzisifu! Badala ya kuhuzunika? Yuyahu ariyehendavivyo yumafaa kuuswa miongoni mwehu. ³ Ingawa sivamwenga namwi chimwiri ela! Nivamwenga namwi chiroho, dzimukuhumu kare iye ariyehenda vivyo, here virahu nirivyokala. ⁴ Mutsanganyikavho vhamwenga kahiza dzina ra Bwana wehu Jesu, na roho yangu ivhavho here kwa nguvu za Bwana wehu Jesu nidzimhukumu kare mutu yuyu ⁵ Nidzi mkabidhi kare mutu yuy kwa shetani ili kwamba mwiriwe ubanangwe, ela rohoye iwezekuokolwa kahiza tsiku ya Bwana. ⁶ Madzivuno geni si chitu chidzo. Kamumanyu tsatsu chidogo inabana nga donje zima? ⁷ Dzisafisheni mwimwi enye iyo tsatsu ya kapindi ili kwamba mukale donje rivhya, ili kwamba mukale mukahe usiohungwa, kukala wehu kwa Kristo, mwana ng’onzi wehu wa pasaka watsinzwa kare. ⁸ Kwa vivyo husherehekee na karamu si kwa tsatsu ya kapindi, tsatsu ya tabia mbii na uovu. Baadalaye, husherehekee na mukahe usiohumwa tsatsu ya unyenyekevu na ujeri. ⁹ Naandika kahiza barua yangu kukala mushirikiane na azinzi. ¹⁰ Sikukala na nimaanisha azinzi a dunia ii, au na enye tamaa au anyang’anyi au aabudu vinyago kwa kukala kure nao, bee ingamupasa muombole duniani. ¹¹ Ela! hikara naandikira musidzitsanganye na yeyosi aihiwaye ndugu au dada kahiza Kristo, ela! Ariye yunaishi kahiza uzinzi au ni mwenye kutamani, au mnanga’anyi, au mwabudu vinyago, au mukanaji au murevi. Wala msirye naye mutu wa aina iyo. ¹² Kwa vivyo nindadzihusishadze kuahukumu arioanze ya kanisa? Badalaye, mwimwi kamuaahukumire ario ndani ya kanisa? ¹³ Ela! Mulungu yuna ahukumu ario nze. Museni mtu mwovu miongoni mwehu.