1
Baada ya mautu gaga nelola,nichona kukala muyango wekala udzifugulwa mulunguni.Iratu sauti ya khwanza, ichamba,''Nzoo haha, nindakonyesa gandigokala baada ya mambo gaga.''
2
Mara mhwenga nekala kahi za Roho, neona khwekala na chihi cha enzi chidziikhwa mulunguni, na mutu adzichisagarira.
3
Mumhwenga ariyekala adzichisagarira weonekana here dziwe ra yapsi na akiki.Khwekala na chisichi cha mvhula chizugu luka chihi cha enzi.Chisichi cha mvhula cheonekana here zumaridi.
4
Kuzunguluka chihi cha enzi khwekala na vihi vya enzi vinjine mirongomiri na vine,na vhariosagala khwenye vihi vya enzi vhekala atumia mirongomiri na ane, vhadzivikhwa mavazi meruhe na tajiza dhahabu vitswa mhwao.
5
Kula kahi za chihi cha enzi khweombola miale ya radi,mungurumo na radi.Taa fungahe zekala zinaka mbere ya chihi cha enzi, taa ambazo ni Roho fungahe za mulungu.
6
Kisha mbere ya chihi cha enzi khwekala na bahari iriyowazi here chilolo.Kahikahi ya chihi cha enzi khwekala na viumbe vyenye uhai vine, vhadzodzala matso mbere na nyuma.
7
Chiumbe cha khwanza chenye uhai chekala here simba, chiumbe cha hiri chenye uhai chekala here ndama,chiumbe cha hahu chenye uhai chekala na uso here wa mhwanadamu, na yuyatu mhwenye uhai wa ne wekala here luhanga lurukalo.
8
Viumbe vyenye uhai vine chila mumhwenga wekala na mavhavha mahaudahu, vhadzodzala matso dzulu na tsiniye.Usiku na mutsana kharicha khwamba,''Mutakatifu, mutakatifu mutakatifu ni Bwana mulungu mutawala dzulu ya vhosi, ariyekalako na ariyeko na andeyekudza.''
9
Chila wakati viumbe vyenye uhai vhariho omboza utukufu, heshima na kushukuru mbere za ariyekala asigere khwenye cho chihi cha enzi, iye aishiye milele nadaima.
10
Atumia mirongomiri na ane vhesujudu enye mbereye ariyechisagarira chihi cha enzi.Vhezama tsini khwakhwe aishiye milele na daima na kutsuha tsini taji zao mbere za chihi cha enzi vhachamba.
11
''Unasitahili uwe, Bwana wehu na mulungu wehu, kuhochera utukufu na heshima na nguvu.Khwa kula wevyumba vitu vyosi, na khwa henzoro vyekalako na vyeumbwa.''