¹ Kisha nichona kahi ya mukono wa kurya wa yuyatu ariyekala adzisagala kahi za chihi cha enzi, chuo chirichoandikhwa mbere na nyuma na chekala chidzibighwa mihuri mifungahe. ² Nemona malaika mhwanye nguvu achihubiri khwa sauti bomu,''Ni hiye astahiliye kufugula chino chuo na kuvunza mihuri ye?h ³ Khakuna mutu mulunguni au duniani au tsini ya dunia awezaye kufugula cho chuo au kuchisoma. ⁴ Nerira khwa utsungu khwa sababu khakupatikanire mutu yeyosi ariyestahili kufungula chuo ama kuchisoma. ⁵ Lakini mumhwenga wa atumia achinambira,''Usirire.Kuna simba wa kabila ra Juda sina ra Daudi weshinda na anaweza kuchifugula cho chuo na mihuri ye mifungahe.'' ⁶ Kahi za chihi cha enzi na vhenye uhai ane na miongoni mhwa atumia neona mhwanang'onzi adziyema, achionekana here ariyeolaghwa.Wekala na pembe fungahe na matso mafungahe na zizi ni roho fungahe za mulungu zirizohumhwa duniani kosi. ⁷ Achenda achichihala cho chuo kula kahi za mukono wa kurya wa yuyatu ariye sagala khwenye chihi cha enzi. ⁸ Arehochihala cho chuo viumbe vine vyenye uhai na atumia mirongo miri na ane vhachizama paka tsi mbere ya mhwana ng'onzi. Kisha mumhwenga achikala na chinubi na bakuli ra dhahabu iriyoadzala uvumba ambao ni mavoyo ga atakatifu a mulungu. ⁹ Vheimba wira musha:''Unastahili kuchihala cho chuo na kufugula mihuri ye.Khwa kukala wetsinzwa, na khwa milatso yo uchimugulira mulungu atu a chila kabila,luga,jamaa na taifa. ¹⁰ Uchiahenda ufalume na makuhani khwa ajili ya kumuhumikira mulungu wehu navho vhandatawala dzulu ya tsi. ¹¹ Kisha nelola na nichisikira sauti za malaika anji vhareochizunguluka cho chihi cha enzi na viumbe vhenye uhai na atumia.Idadi yao yekala maelifu kumi khwa maelifu kumi na maelifu khwa maelifu. ¹² Vhachigomba khwa sauti bomu,''Anastahili mhwanang'onzi ambaye wetsinzwa kuhochera uwezo,utajiri,hekima, nguvu, heshima, utukifu na sifa.'' ¹³ Nichisikira chila chirichoumbwa chirichokala mulunguni na duniani na tsini ya tsi na dzulu ya bahari,chila chitu ndani ye chichamba,''Khwakhwe iye asagalaye dzulu ya chihi cha enzi na khwa mhwanang'onzi, kukale na sifa,heshima,utukufu na nguvu ya kutawala milele na milele.'' ¹⁴ Enye uhai ane vhachamba,''Amina!'' na atumia vhachidza hotsi na khwabudu.