¹ Kisha nichona mbingu mbisha na tsi mbisha khwa kukala mbingu za khwanza na tsi ya khwanza zidzichira na bahari khaikalire ko keheri. ² Neona mudzi mutakatifu, Jerusalemu mbisha uriotima haha hosi kombola khwa Mulungu ureokala udziandaliwa here bibi harusi ariyepambwa khwa ajili ya mulume we. ³ Nesikira sauti bomu kombola khwenye chihi cha enzi ichamba, “Lola! Makalo ga Mulungu gahamhwenga na anadamu, naye andaishi hamhwenga nao. Vhandakala atue Mulungu mhwenye andakala nao na andakala Mulungu wao. ⁴ Andafuta chila tsozi kombola kahi za matso gao kahandakala na chifo keheri au kuomboleza, au kurira au maumivu. Mautu ga kare gadzichira. ⁵ Iye ambaye wekala asegere dzulu ya chihi cha enzi achamba, “Lola, nahenda mautu gosi kukala masha.” Achamba, “Andika riri khwa sababu maneno gaga ni ga hakika na ujeri.” ⁶ Wenambira, “mautu gaga gadzitimira! Mimi ni Alfa na Omega, mhwanzo na mhwisho. Khwa yeyosi ariye na chihu nindamupatira madzi bila garama kombola kahi za dzitso renye madzi ga uzima. ⁷ Iye ashindaye andagarithi mautu gaga na nindakala Mulungu we naye andakala mhwanangu. ⁸ Lakini here irivyo khwa aoga, vhasioamini. Vhatsukizao, aolagi, azinzi, atsai, vhaabuduo sanamu na alongo vhosi, sehemu yao indakala kahi za zia ra moho wa chibiriti uochao. Iyo ndiyo chifo cha hiri. ⁹ Mumhwenga wa Malaika afungahe wekudza khwangu iye ambaye wekala na mabakuli mafungahe ambago gekala gadziodza la mabigo mafungahe ga mhwisho na achamba, “Nzo hano. Nindakonyesha bibi harusi muche wa mhwanang’onzi.” ¹⁰ Kisha achinihala kure kahi za roho khwenye mrima mubomu na mure na achinonyesa mudzi mutakatifu Jerusalemu uchi tima tsi kombola Mulunguni khwa Mulungu. ¹¹ Jerusalemu iriyokala na utukufu wa Mulungu na udzo we wekala here kito cha thamani, here dziwe ra chilolo safi ra jespa. ¹² Wekala na ukuta mubomu, mure wenye miyango kumi na miiri, hamhwenga na Malaika kumi na airi mirangoni. Dzulu ya milango hekala hadzandikhwa madzi na ga makabila kumi na airi ya ana a Israeli. ¹³ Upande wa mashariki hekala na miryango mihahu. Upande wa kusini miryango mihahu, upande wa kaskazini miyango mihahu na upande wa magharibi miyango mihahu. ¹⁴ Ukuta wa mudzi wekala na misingi kumi na miri na dzulu ye hekala na madzina kumi na mairi ga mitume kumi na mhwanangonzi. ¹⁵ Iye ariyezungumuza nami wekala na chipimo cha fimbo iriyotengenezwa khwa dhahabu khwa ajili ya kupima mudzi, miryango ye na ukuta we. ¹⁶ Mudzi wejenghwa muraba, ure we wekala saw ana walamu we. Weupima uo mudzi khwa chipimo cha fimbo, stadia 12000 khwa (ure we na walamu khwa chipimo vhekala visawasawa) ¹⁷ Na vivyo pia achipima ukuta we na uziho we wekala dhiraa 144 khwa vipimo vya chibinadamu (ambavyo pia ni vipimo vya Malaika). ¹⁸ Ukuta wekala udzijenghwa khwa Yaspi, nao mudzi dhahabu safi here chilolo safi, ¹⁹ misingi ya ukuta yekala idizipambwa na chila aina ya dziwe ra thamani. Ra khwanza yekala yaspi, ya hiri yekala yakuti sanawi, ra hahu yekala ni Kalkedon, ra ne zumaridi. ²⁰ Ra tsano Sardoniki, ra handahu akiki, ra fungahe Krisolitho, ra nane zabarajadi, ra chenda yakuti ya manjano, ra kumi krisopraso, ra kumi na moja hiakintho, ra kumi na mbiri rekala amethisto. ²¹ Iyo miryango kumi na miri yekala lulu kumi na mbiri, chila muyango wetengezwa kombola khwenye lulu mhwenga. Mitaa ya mudzi yekala dhahabu safi ichonekana here chilolo safi. ²² Sonere hekalu rorosi ndani ya mudzi, khwa kukala Bwana Mulungu ambaye anatawala dzulu ya vyosi, na mhwana ng’onzi ni hekalu re. ²³ Mudzi kaukalire ba kuhitaji dzua au mhwezi dzulu ye khwa sababu utukufu wa Mulungu weng’ala dzulu ye, na taa ye ni mhwanang’onzi. ²⁴ Mataifa vhandatsembera khwenye mhwaga wa mudzi uo. Afalume a dunia vhandareha Fahari zao ndani ye. ²⁵ Miryango ye kaindafugulwa wakati wa mutsana, na khahandakala na usiku hatu haho. ²⁶ Vhandareha fahari na heshima ya mataifa ndani ye. ²⁷ Kakuna chitu chichafu chindichoenjira ndani ye wala yeyosi ambaye nikuhenda jambo rorosi ritsukizaro au ulongo, lakini ni aratu tu ambavho madzina gao geandikhwa kahi za chitabu cha uzima cha mhwana ng’onzi.