¹ Kisha nichona Malaika anatima kula Mulunguni, achikala anafunguo wa bopo risokala na mhwisho na munyororo mubomu mukononi mwhakhwe. ² Wemughwira ye joka, nyoka wa kapindi, ambaye ni ibilisi au shetani, achimufunga miaka elfu mhwenga. ³ Achimutsuha khwenye bopo risiro na mwisho, achirifunga kurenjiza muhuri dzuluye. Vyekala vivyo ilikhwamba asivhakenge mataifa keheri mupaka miaka elfu indihofika. Baada ya miaka iyo, andarichirwa muda muchache. ⁴ Kisha nichona viti vya enzi vharokala vhadzi visagarira ni vharatu vhario na mamulaka ga kuhukumu. Pia nichiona nafasi za vharatu vhekatwa vitswa khwa ajili ya kumushuhudia Jesu na neno ra Mulungu. Vhekala kavhahenzere kumuvhoya munyama au sanamu vhekahala kuhochera alama dzulu ya chirangu cha nyuso zao au Mukono. Vhema kukala moyo na kutawala hamhwenga na Kristo khwa miaka elfu mhwenga. ⁵ Vhario vhebaki kavhafufukire mpaka miaka elfu irihokala imarigizika. Uu ndo ufufuo wa khwanza. ⁶ Mubarikiwa na mutakatifu ni mutu yeyosi ambaye andakala kahi za kufufulwa khwa khwanza. Mafa ga hiri kagana nguvu dzulu ya atu dzavhavha vhandakala atumishi a Mulungu na Kristo na atawala naye khwa miaka elfu mhwenga. ⁷ Wakati ichikala miaka elfu mhwenga ichikalaisira shetani andafugulwa kua jela arichwe bila chifungo. ⁸ Andaenda kukenga mataifa kahi za pande ine za dunia Gogu na magogu kuvhareha hamhwenga khwa ajili ya vita. Vhandakala anji here mitsanga ya baharini. ⁹ Vhekhwera dzulu hariho tambarare ya tsi navho vhachizunguluka haratu harokala na aamini mudzi uriokala unahenzwa. Lakini moho weotima Mulunguni na vhachangamizwa. ¹⁰ Shetani arevhakenga, wetsuhiwa ndani ya zia riakaro kibiriti, ambamo munyama na nabii wa ulongo vhekala vhatsuhiwa. Vhandateswa mutsana na usiku kare na kare. ¹¹ Kisha nichona chihi cha enzi chibomu cheruhe na yuyatu arekala adzichisagarira. Dunia mbingi zechimbira za nguvuze lakini kahakarire na nafasi ya vhavho khwangamika. ¹² Neona vhariota- ni alachu vhasio na umuhimu. Vhemire mbere za chihi cha enzi, na vitabu vichifugulwa. Kisha chitabu chinjine chichifugulwa chitabu cha uzima. Vhariofa vhehukumiwa kulengana viratu virivyoandikhwa. ¹³ Bahari yeombozwa hesabu ya atu vhariofa ndani ye chifo na kuzimu vheomboza hesabu ambao vhekala ndani yao. ¹⁴ Chifo na kuzimu vyetsuhiwa ndani ya zia ra moho ii ni mauti ga hiri- zia ra moho. ¹⁵ Chikala dzina ra yeyosi karindapatikana na ndani ya chitabu cha uzima, wetsuhiwa ndani zia ra moho.