¹ Kisha nichoona ishara nyinjine Mulunguni, bomu na ya khwangalaza, khwekala na Malaika afungahe vhario na mabigo mafungahe, ambago gekala mabigo ga mhwisho (kahi ya gago hasira ya Mulungu yekala idzikamilika.) ² Neona chiratu chirichoomborera kukala bahari ya bilauri iriyotsanganywa na moho, na ichema pembeni. Mhwa bahari ambaho vharatu vharokala mashindi chinyume na munyama na sanamuye, na dzulu ya namba iwakilishayo dzinare. Vhekala vhadzighwira vinubi vharivyopewa ni Mulungu. ³ Vhekala vhachemba wira wa Musa, mutumishi wa Mulungu, na wira wa mhwanang’onzi, “Mahendogo ni mabomu na ga khwangalaza Bwana Mulungu, utawalaye vyosi. Mhwaminifu na njirazo ni za jeri, mufalume wa mataifa. ⁴ Nani kandakala na hofuyo uwe Bwana na kuritukuza dzinaro? Khwa kukala uwe hacheyo ndiwe mutakatifu. Mataifa gosi gandadza na kukhwabudu mberezo khwa sababu u mhwema na mahendogo gadzi manyikana.” ⁵ Baada ya mambo gago nelola, na sehemu takatifu sana, ambaho khwekala na hema ya ushuhuda, iriyofugukira Mulunguni. ⁶ Kula hatu hatakatifu sana vhekudza Malaika afungahe vhenye mabigo mafungahe, vhevala mavazi safi, kitani yenye kung’ala na mushipi wa dhahabu kuzunguluka vifua vyao. ⁷ Mumhwenga wao aratu vhenye uhai ane achomboza khwa Malaika afungahe mabakuli mafungahe ga dhahabu garigoodzala ghadhabu ya Mulungu mhwenye kuishi milele na milele. ⁸ Hatu hatakatifu sana heodzala mosi kula khwenye utukufu wa Mulungu na kula khwenye uwezo we. Kakuna hata mumhwenga ariyeweza khwenjira mupaka mabigo mafungahe ga Malaika mafungahe garihokamilika.