¹ Nelola na nichona mhwana ng’onzi adzema mbere yangu dzulu ya mrima Sayuni. Hamhwenga naye vhekala 144, ao vhenye dzinare na dzina ra Babaye ridziandikhwa kahiza mikomoni mhwao. ² Nichisikira sauti kombola Mulunguni ichisikirika here ngurumo za madzi manji na sauti bomu ya chikhwakhwara. Sauti niriyoisikira nihere abiga vinubi vhabiga vinubi vyao. ³ Vhachimba wira msha mbere za chihi cha enzi na mbere za enye uhai anne na azee. Kakuna ta mhwenye uwezo wa kudzifundisha o wira isihokala khwa 144000 ambao vhekombolwa kula duniani. ⁴ Aa ni aratu ambao kavhadzichafuire enye khwa anaache, maana vhedzitunza enye dzulu ya mahendo ga zinaa. Ni aa ambao vhemtua mhwanang’onzi kokosi arikoenda. Aa vhekombolewa kombola khwa mhwanadamu vhachikala ga khwanza khwa Mulungu na khwa mhwana ng’onzi. ⁵ Kakuna ulongo ariopatikana kahiza milomo yao, kavhalaumiwa. ⁶ Nichona Malaika mnjine achiruka kahikahi ya Mulunguni, ambaye wekala mhwenye ujumbe wa Mulunguni wa habari mbidzo khwa kuvhatangazira enye kuishi duniani, khwa chila taifa, kabila, lugha na atu. ⁷ Achiagomba khwa sauti bomu, “Mugoheni Mulungu na mpeni utukufu. Kwa maana muda wa hukumu udzifika, mhwabuduni iye, iye ariyeumba mbingu, na dunia, na bahari, na chemichemi za madzi. ⁸ Malaika munjine- Malaika wa hiri achitua na kugomba, udzeghwa, udzeghwa Babeli mibomu, ambaye weanywesa mataifa divai ya ukahaba, divai ambayo yereha ghadhabu, dzuluye.” ⁹ Malaika mnjine- Malaika wa hahu- wevhatua achigomba khwa sauti bomu, yoyosi andemhwabudu iye mnyama na sanamu ye, na kuhochera alama kahi za paji re ra uso au mkononi. ¹⁰ Iye naye pia andanwa divai ya ghadhabu ya Mulungu, divai ambayo idzitayarishwa na kumhwagwa bila kutsanganywa kahiza chikombe cha hasiraye. Mtu andenywa andateswa khwa moho wa chibiriti mbere za malaikaze atakatifu na mbere za mhwana ng’onzi. ¹¹ Na mosi wa maumivu gao uchenda milele na milele, na kavhakarire na mapumziko mtsana na usiku. Ao vhaabuduo mnyama na sanamuye, na chila mtu ariyehochera alamaya dzinare. ¹² Uu ni mhwiho wa Subira na uvumirivu khwa aamini, aratuambavho nikutii amri ya Mulungu na imani kahi za Jesu. ¹³ Nesikira sauti kombola Mulunguni ichigomba, Andika gaga: Baha afu ufao kahiza Bwana.” “Ndiyo” anagomba roho. “Ili vhaweze kupumzika kombola khwenye kazi zao, maana mahendo gao gandavhatua.” ¹⁴ Nelola na nichona khwekala na ingu reruhe, na areyesagala khwenye ingu ni mumhwenga ariyekala na mfano wa mhwana wa mtu. Wekala na taji ya dhahabu khwenye chitswa che na panga kali khwenye mkono we. ¹⁵ Malaika mnjine keheri wekudza kombola khwenye hekalu na achirira khwa sauti bomu Khwenda khwa yuyatu ariyesagala kahi za ingu, “Hala panga riro na uanze kuvuna. Kwa kukala muda wa mavuno udzifika. Maana mavuno garigo dunia gadziva.” ¹⁶ “Kisha yuyatu ariyekala khwenye ingu we chiza panga re dzulu ya dunia, na dunia ichivunwa. ¹⁷ Na Malaika mnjine achidza kombola khwenye hekalu ra Mulunguni, naye wekala na panga kali. ¹⁸ Na bado Malaika mnjine achidza kombola khwenye madhabahu, na Malaika ariyekala na mamlaka dzulu ya moho. Achimwiha khwa sauti bomu Malaika ariyekala na panga kali, “Hala panga kali na ugakusanye matai ga mzabibu kombola khwenye mzabibu wa itsi, khwa kukala zabibu sasa zidziva.” ¹⁹ Malaika wehirika panga duniani na wekusanya mavuno ga zabibu ya dunia na achirusha kahi za pipa bomu ra divai ya gadhabu ya Mulungu. ²⁰ Tsungivo ra divai repondwapondwa nze ya mdzi na mlatso uchimhwagika kombola kahi za chicho chimo cha hatamu ya farasi khwa stadia 1,600.