1 Handi yalanga Abeki baye lihumi nende babiri alala, handi nababeresia amani nende obunyala hu amadimoni, nende ohuonia amalwaye. 2 Handi nabaruma ohuyala obwami bwa Nyasaye,nende huonia abalwaye. 3 Handi yababolera, mwarabukula esindu mulukendo lweng'u, indauhi kata omufuko,kata omugati, kata amapesa; kata mwaraba nende amakanju kabiri. 4 Ne inyumba yosi yosi eyomunengiramo, mwihalemo, husia ngamunarula mu lukongo. 5 Ne baria abaranabakari bisia, nimurula mulukongo omo, muteng'ule olufu oludirane humakulu keng'we ohuba obusuda hunibo. 6 Nabo nibasingira, nibachia muchingongo, nibayala imbosi, handi nibachia abandu buli abundu. 7 Ne Herode omuruki nabulira amahuwa kosi akeholeha, nabeya beya ohubera abandi babola mbwe Yohana abuhire mubafu. 8 Ne abandi nibabola mbwe Eliya alolahane; ne abandi mbwe nimulola hubanabi bahale abuhire handi. 9 Naye Herode nabola, Yohana ndamuhenga omurwe: Lakini Arali mbwe ni wina uno owambulira amuhuwa kano huniye? Niyenya humulola. 10 Mani Abeki baye, nibafunya bamubolera amahuwa kosi akabahola: Handi nababukula, nachia nabo abundu mubwekisi musichimi sie utauni eyilangwa Bethsaida. 11 Ne abandu nibamanya, bamulonda:nabakaribisia, nabola nabo amahuwa ko obwami bwa Nyasaye, nabaonia balia abali nibenya huonisibwa. 12 Ne ngolwa bwali nibwirire. Nibamuchiaho balia lihumi nende babiri, nibamubolera, Ruma omuhung'ano kubweo, mbwe banyole huchia mutauni, nende musialoambi ao, mani bapangisie, nende banyole ebiahuria: Ohubera efwe huli ano musichimi. 13 Lakini Arali mbwe yababorera, mubaberesie biahuria. Nabo nibabola, hubula esindu abula migati kiranu nende chinyeni chibiri: Abula huchie hubakulire abandubano bosi ebiahuria. 14 Ohubera bali abasacha chilifu chiranu. Handi nabolera Abeki baye, hubaborere behale asi mubikanda bia abandu amahumi karanu. 15 Nabo nibahola bario, nibabohasia bosi asi. 16 Handi nabukula migati kiranu nende chinyeni chibiri, nalingala akulu mwikulu. Nabarikia nafunaka, naberesia Abeki baye baberesie omuhung'ano. 17 Nibalia nibekura bosi: Ne ebipande ebiadong'a babusia ebikapo lihumi nende bibiri. 18 Handi ngolwa yali nalama yong'one,Abeki baye bali alala naye: Ne yabareba, nabola, abandi babolanga mbwe esie ndi wina? 19 Bakalusia nibabola, Yohana mubatisia, ne abandi Eliya, ne abandi nobabola, ni mulala hubanabi bahale abuhire handi. 20 Naye nababolera lakini mbu nang'u mubola mbwe esie ndi wina? Petero nakalusia yabola, Kristo wa Nyasaye. 21 Nabarania, nabahaya baraboleraho omundu amahuwa ako. 22 Nabola omwana wo omundu lasima anyahane ebindu bingi, handi anahaywa nende abahulundu nende abakuliani bahongo nende abaandiki, handi banamubamba, handi anabuha inyangayo hudaru. 23 Handi yababolera bosi, omundu yosi yosi owenya hunonda, ne yekane omwene, yedwiha omusalaba kkwaye buli nyanga, mani anonde. 24 Ohubera omundu onaonia omwoyo kwaye au akukosia, ne omundu anakosia obulamu bwaye hubera esie, anakuonia. 25 Mbu bihoyerwa sina omundu ohunyola esialo siosi, ne eno niyenyaala, aonafubwa erwanyi? 26 Ohubera buli onalolera esie chisoni nende imbosi yange, oyo mwanwo omundu anamulolera chisoni, niyaheche muluyali lwaye nende Baba nende Malaika batakatifu. 27 Nasi mbabolera obwadieri, baruo bandi abemire ano, abaraha onje ohufwa, ohusia nga bahalole obwami bwa Nyasaye. 28 Nichiahubira chinyanga munane niyahamala hubola chimbosi echo, yabukula Petero, nende Yohana nende Yakobo, handi nachia hu lugulu ohulama. 29 Handi nga yali nalama, isura yo obweni bwaye nibubadilika , chingubo chiaye nichiba rachari niching'ana ng'ena. 30 Lola, abandu babiri, bali nibalomaloma naye ne bali Musa nende Eliya: 31 Balolehana muluyali, nibalomaloma amahuwa ko hufwa hwaye akanoseresi bwa mu Yerusalemu. 32 Lakini Arali mbu Petero aende balia abayali nabo bali nibakona: Ne nibahamala husumuha, balola oluyali lwaye, nende abasacha babiri abali nibemire naye. 33 Ne ngolwa abali nibakaluhane naye, Petero yabolera Yeso omwami, nebilayi efwe ohuba ano: Haro leha efwe hwimbahe ebibanda bidaru: Silala esiao, ne silala esia Musa, nende silala esia Eliya: Nakoribwe esia abola. 34 Nga yali nabola endio, eliresi liecha nilibafuniha: Handi nibaria ngolwa bengira mumalesi. 35 Handi isauti niirula mumalesi, niibola, uno no omwana wange muherwa: Mumubulire. 36 Handi isauti niyahabwawo, Yeso yali yong'one. Nabo nibanyira, nibarabolera omundu muchinyanga echo amahuwa kabali nibalorere. 37 Handi esiha siabira, mbwe inyanga ilondaho, nibahafunya ohurula hulugulu, abandu bangi babukanana naye. 38 Handi, lola, omundu mulala mumuhung'ano yalira, nabola, omwami, husaba olingaleho omwana wange hubera nie omwana wange yong'one. 39 Ne lola amadimoni kamwingaringamo, ne esiha eso aliranga: Handi kamurechangamo indulume, narula lifiro handi, namuchibula chibula namani naramurulamo. 40 Nimbabilera Abeki bao bamurusiemo: Handi nibaranyala. 41 Handi Yeso nakalusia nabola, eng'we olwibulo lubula isubira, handi olwakoyana, ndehola nang'u, nende hubabukulira hula lina? Lera omwana wao ano. 42 Handi ngayali nachia, elidimoni liamukwisia asi, nilimuramo indulume. Handi Yeso nakania elidimoni, handi naonia omwana, handi namuberesia babang'ine. 43 Handi nibauka bosi, hulwa amani mahongo ka Nyasaye, ne ngolwa bali nibauka buli mundu hulwamahuwa ka Yeso yahola, yabolera Abeki baye. 44 Mudire amahuwa kano mumarwi keng'we; Ohubera mwana wo mundu achia hugeng'wa mumahono aka bandu. 45 Arali mbwe haba sibamanya chimbosi echo, nichibekisaho baramanya; handi nibaria ohumureba muanaye chimbosi echo. 46 Nibachaka huingana, niwina onaba omuhongo hunibo. 47 Ne Yeso namanya amaparo kabwe mumioyo kiabwe, nabukula omwana omudidi, namugeng'a ambi naye. 48 Nababorera, yosi yosi onamubukula omwana omudidi ngori uno mulira liange abakula esie: Handiyosi yosi obakula esie: Ohubera oli omudidi hweng'we mwosi oyo nie omuhongo. 49 Handi Yohana yakalusia nabola, omwami, huluchi mundu mulala narusia madimoni mulira liao: Nafu nihumukania, ohubera salondana nafu. 50 Handi Yeso namubolera, oramukania haba: Ohubera oyo oapingana nafu ali lwande lwefu. 51 Handi siha nisiahamala hula, chinyanga chio hubukulwa hwaye nihuri ambi hula, yakasa obweni bwaye huchia Yerusalemu. 52 Handi naruma abarumwa imberi waye: nabo nibachia, nibengira mulukongo lwa Samaria, ohumuhwanisiria abundu. 53 Ne abamenyi sibamukaribisia, ohubera obweni bwaye bwali nibulingalire huchia Yerusalemu. 54 Handi ngori Abeki baye Yakobo nende Yohana balola bario, babola, omwami, wenya hulange omuliro hurula mwikulu, kubamale, ngori Eliya yahola? 55 Ne yabakaluhania handi nabolabira, handi nabola, mukoribwe ni omwoyo aina sina okwa muli nakwo. Ohubera mwana wo mundu siyecha hunyasia obulamu bwa abandu, arali mbwe ohubaonia. 56 Handi bachia mulukongo lundi. 57 Ngori bari nibachia hungira, omundu undi yamubulera, omwami, ndahulo nda abandu wosi wosi onachia. 58 Handi Yeso namuborera, amasimba kali nende amena, ne amayoni ka akulu kali nende ebitalia, ne omwana wo mundu abula ageng'a omurwe kwaye. 59 Handi naborera oundi, nonde, arali mbu naye nabola, omwami, reha esie mberi njie sihe baba wange. 60 Yeso namuborera, reha abafu basihe abafu: Arali ewe chiza oyale obwami bwa Nyasaye . 61 Omundu undi yosi yamuborera, omwami ndahulonda ewe; Arali mbu reha mberi njie sebule, balia abali mudala bo munyumba yange. 62 Handi Yeso namuborera, abilao omundu, niyahabukula omuhono kwaye hulima, ne handi alingala inyuma, sahoyera mu bwami bwa Nyasaye.