¹ Ngolwa chinyanga chiali nichia habira,yali nakendanga muchitaoni nende muchingongo, nayala nende hutangasia amahuwa malayi ako bwami bwa Nyasaye, handi bali lihumi nende babiri bali naye. ² Nende abaliasi bandi abali nibaonisibwe niba malirwemo amadimo nende amalwaye, nabo bali Maria olangwa Magdalina owarusibwamo madimoni saba. ³ Nende yaona muhasi wa Kusa, owamalako/wakili wa Herode, nende Susana nende abandi bangi, abali nibamuhalabanira hu miandu kiabwe. ⁴ Handi bandu bangi ngolwa bali nibahung'anire alala, nibamuchiaho nibarula mubuli itauni, yabola muchingado. ⁵ Omura yarula eruanyi nachia huraka imwo yaye, naye ngolwa yali naraka,eyindi yakw hundulo weingira, nichisenerwa asi, handi amaoni ka akulu nikachiria ⁶ Echindi nichikwa hulwanda,ngolwa chiachaka humera, chianiala hubera sichianyola bunyifu. ⁷ Echindi chiakwa mumabwa, ne amabwa nikamera alalanachio nikachidiya . ⁸ Ne chindi chiakwa muloba lilayi, nichimera, nichibula ebiamo ndala humia. Handi ngolwa yali nabola kano yakingula yalira nabola, oli nende amarwi kabulira, na abulire. ⁹ Handi abeki baye nibamureba, nibabola, maanako lukado olo nisi? ¹⁰ Naye yabola. eng'we mwaberesibwa humanya siri chio obwami bwa Nyasaye lakini/arali mbwe abandi huchingado, mbwe nibalola baralola, nende nibaulira baramanya. ¹¹ Haro maanayo lukado olo niino, imwo neimbosi ya Nyasaye. ¹² Chiria echiakwa hundulo weingira nie abo ababurira, alafu niyecha saitani naalimalamo imbosi eyo mumioyo kabwe, mbwe barecha basubira mani baonisibwa. ¹³ Ne yiria yo hulwanda nibo baria, nibahabulire nibalibukula lihuwa nende obusangafu, nabo babula emisi, basubira bididi sa, ne musiha siammatemo betenga. ¹⁴ Ne chiria echiakwa mumabwa, ni balia, nibahabulira, nimuhukenda hwabwe bafwinywa nende obwiirani bwo obulamu buno, nibararera ebiamo mubwedemberesi/hwesimirisia. ¹⁵ Lakini/Arali mbwe chiria echiakwa muloba lilayi nibo balia, hulwo butiri nende obulayi bo omwoyo, nibahabulira imbosi, nibaibiha, bebisia ebiamo hulwo hwesimirisia. ¹⁶ Abulao omundu niyahamala hwambia itara naifuniha nende olukaraya, ao naigeng'a mulwalo wesitanda, lakini/arali mbu aigeng'a akulu we sinara,mbwe abengira mikari banyola hulola obulafu. ¹⁷ Ohube yibulao imbosi eyesikira eyarahafunulwe, kata nende eya kiswa mbwe suyahamanyihane nende huinisibwa abalafu. ¹⁸ Mwekenderesie mani ngolwa mubulira, ohubera oli nasio anamedwa, ne ulia obula esindu anang'ulwa kata nende siria siaparirisibwa huba nasio. ¹⁹ Handi samuchiaho ng'ina waye nende abasiani babwe abula mbwe sibamuchiaho hubera muhung'ano. ²⁰ Nibamuirira chimbosi, nibamuborera, mao, nende basiani beng'we bemire erwanyi benya hulolaho nnawe. ²¹ Yabakalusia nababolera, Mama wange nende basiani befwe nibo bano ababulira imbosi ya Nyasaye nende hurihola. ²² Muchinyanga chiene echo,yanina mubware niye nende abeki baye, handi yababorera, mbwe huswihe hule ingereha weinyanga, handi nibachaka nibachia. ²³ Lakini/Arali mbu ngolwa bali nibachia yachaka hukona,omuyaka omuhongo nokwicha akulu weinyanja, obwaro nibuchaka hung'wa amachi, nibaba mumadinyu. ²⁴ Handi nibamuchiaho, nibamusingisia, nibabola, omwami, omwami, hwangamiya, nasingira, niyalabira omuyaka nende amafwinda ka amachi, nikwema, handi niiyenjera. ²⁵ Yababolera, isubira yeng'we iri ena? nabo nibaba nende oburi nibaukanibabilerana abene hubene, nomundu sina uno! kata yamurisia omuyaka nende amachi, nakwo kumubulira. ²⁶ Handi nibola husialo sia abagerasi, esichomane nende Galilaya. ²⁷ Naye ngolwa yeha husialo, yabikana nende omundu mulala we esialo eso, owali nende amadimoni, hulwe siha sirambi, handi siyefwalanga chingubo, kata humenya munyumba yosi yosi, lakini/arali mbwe mubirindwa. ²⁸ Ngolwa yalola, ndi nawe sina, Yesu, ewe mwana wa Nyasaye ali akulu? husaba orasandia. ²⁹ ( Ohubera abamurisie amadimoni mamayanu karule mumundu oyo hubera kamukwisianga buli siha, nibamulinda nibamuboyere nende eminyororo niyerusibwa nende amadimoni nachia musichimi.) ³⁰ Yesu yamureba, nabola elira liao niwina? naye nabila, Legion, hubera amadmoni amangi kali nikamwingiremo. ³¹ Nikamusaba arakamusirisia kamurulemo nende huchia mulina. ³² Handi abwene a hwaruo nende omukanda kwe chingube chinyingi nichiaya akulu hulugulu, nibamusaba ababe bweyango/iruhusa mbwe banyola hubengiramo.Nibaberesia bweyango/iruhusa. ³³ Mani amadimoni nikarula mumundu oyo, nikengira muchingurube; handi omukanda nikwiruha namani nikwihirira ebisonye sonye nichihamira munyanja nichifwa. ³⁴ Ngolwa balia abari nibachiaya nibalola akehorera, beruha, nibachia nibaborera amahiwa ako muchitani, nende musialo. ³⁵ Mani nibarula nibachia hulola akali nikehorehe, nibachia hu Yesu, nibanyola omusacha oyo, owa amadimoni karulamo, niyehale mumakulu ka Yesu nibamufwarire chingubo, nari nende amakesi kaye abwene, bauka/baria. ³⁶ Ne balia abali baluchi bababorera ngolwa yamuonia ulia owali niye ngirwemo amadimoni. ³⁷ Ne omuhung'ano kwa abandu be sialo sia abagerasi esiri hundulo ndulo niba musaba abwe abarulemo hubera badirwa nende oburi bungi, handi nachia mubwaro, handi nafunyaho inyuma. ³⁸ Ne omundu ulia owarusi bwamo amadimoni yamusaba mbwe alondane naye, lakini/arali mbu Yesu yamusebula, nabola. ³⁹ Funya munyumba mwao, oyale hu mahongo ka Nyasaye ahuhorere nadira ingira yaye nabwao, nayala mutauni yosi, amahongo akamuhirere Yesu. ⁴⁰ Handi ngolwa Yesu yari nafunyayo omuhung'ano nikumukaribisia nobusangafu, hubera bosi bali nibamulindire. ⁴¹ Handi lola yecha musacha olwangwa Jairo, handi nakwa asi mumakulu ka Yesu, namusaba yengire munyumba yaye. ⁴² Ohubera yali nende omuhana waye murals yong'one, ambi miaka lihumi nende kibiri, yali nafwa. Lakini/arali mbwe ngolwa yali nachia abandu bamudiya. ⁴³ Ne omuhasi undi, owali nalurire amachai hu miaka lihumi nende kibiri, natumiye igarama ye emiandu kiaye kiosi, hubalesi, naranyalirwa huonisibwa hadidi. ⁴⁴ Niyecha mikongo waye nadira olupinde lwe lugubo yayane siha eso osulula hwa machai kaye nihwema. ⁴⁵ Handi Yesu nabola, niwina owahandira? mani bosi nibahamala ohukana, Petero nende bosi abayali nabo nibabola, omwami, omuhung'ano kuno okuhubodohane nikwo okuhudiire, nawe obola mbwe niwina ondirire? ⁴⁶ Yesu nabola omundu ya handira, hubera ndola mbwe amani kanduliremo. ⁴⁷ Ne ngolwa omuhasi oyo yalola mbwe sanyala hwekisa, yecha narengereha, nakwa asi mumakulu kaye, namuborera imberi wa abandu bosi esikera namudiraho, handi ngolwa aonire siha eso. ⁴⁸ Naye namuborera omuhana isubira yao ihuonise; bwao nende omulembe. ⁴⁹ Ngolwa yali nabola, yecha omundu hurula munyumba yoomwemeresi waisinagogi, namuborera, omuhana wange afwire oranyahana omwami. ⁵⁰ Lakini/Arali mbwe ngolwa Yesu yabulira endio, yamukalusia, nabola, oraria haba; subirira sa, naye anaona. ⁵¹ Handi niyengira munyumba, siyakanyira mundu hwingira alola naye, abula Petero nende Yohana, nende Yakobo, nende larang'ine, nende ng'ina omwana. ⁵² Handi bosi bali nibalira, handi nibamweralihira, lakini/arali mbwe nabola, oralira haba, habasafwire, abula akona . ⁵³ Nibamucheha muno, hubera bamanya mbwe afwire. ⁵⁴ Naberusia bosi erwanyi, namudira omuhono kwaye, nalanga, nabola, omuhana, singira. ⁵⁵ Handi omwoyo kwaye nikumufunyamo, handi nasingira esiha eso, handi nabalagire bamuberesie ebiahuria. ⁵⁶ Handi abebusi baye nibauka, lakini/arali mbu yabakania baraboleraho omundu hwako akeholehe.