¹ Olunyuma lwako omwami yarobola abandi amahumi saba handi nabaruma babiri babiri ohurula huniye bachie mu Taoni nende chimbande chindi, ayali asubirire huchia mwene. ² Yababolera elikesa obwadieri neringi, abula mbwe abaholi be mirimo nabadidi, mani musabe omwami we likesa arume abaholi be mirimo mulikesa liaye. ³ Muchie, mulinganire, mbaruma ngori amakondi akari wa amabwe . ⁴ Mwarabu kula omufuko, kata omusipi kata ebilaro kata mwarahesia omundu hwingira. ⁵ Ne inyumba yosi yosi eya munengiramo, mubole mberi omulembe kube munyumba muno. ⁶ Ne nabamo omwana wo omulembe, omulembe kweng'we kunadong'amo. nenabulamo, omulembe kweng'u kunabafunyira. ⁷ Mani mwihale munyumba eyo, nimuria nende nimung'wa ebindu biabwe, ohubera omuholi we mirimo ahoyerwa ohubebwa omusara kwaye. Mwarakenda kenda hurula munyumba yindi. ⁸ Handi mutaoni yosi yosi ya munengira, nibabakaribisia mulie biahuria enagengwa imberi weng'we. ⁹ Muonie abalwaye abali omo, mubaborere omwami bwa Nyasaye bulire. Hweng'we. ¹⁰ Handi hauni yosi yamunengiramo, ne sibabakaribisia murulemo, nang'we nimubira hungira chiabwe mubole. ¹¹ Kata olufu lwe itaoni yeng'u oludirane nende amakulu kefwe huluteng'ula hweng'we, abula mumanye lino, mbwe obwami bwa Nyasaye bulire. ¹² Mbabolera mbwe bichia huba ebiangu chianyanga echo Sodoma ohuherwa ohira itauni eyo. ¹³ Hweralihira ewe korozani, hwerarihira ewe, Bethsaida ohubera ngori amayia lihono eyo eyo hola eng'u yaheholehe Tiro nende sidoni, bahekanire ohuchka ao, nibehale muchingubo chiamagunia nende mulufu lmukohe. ¹⁴ Arali mbwe bichia huba biangu hu Tiro nende sidoni ohwesimirisia musiboye siayio inyanga yo buhalaki ohira eng'we. ¹⁵ Nawe Kapernaumu, mbwe onakingulwa hula mwikulu? onehesibwa hula kata makombe. ¹⁶ Obabulira eng'we abulira esie, naye ohaya eng'we ahaya esie, naye ohaya esie, ahaya ulia owanduma. ¹⁷ Handi balia amahumi saba nibafunya nende obusangafu Nibabola, omwami, kata amadimoni karubulire mulira liao. ¹⁸ Handi yababolera, nduchi bihieno, nakwa narula mwikulu ngori olumesu. ¹⁹ Musubire, mbaberesia eng'we amani kohusena injuha, nende olukobera nyan nende akulu wamani ko musuku, kata sibulao esindu sinabanyaola . ²⁰ Arali mbu, mwarasangola hubera amadimoni ngolwa kabarire, arali mbwe musangale, ohubera amera keng'we kandikirwe mwikulu. ²¹ Esiha eso Yesu yasangala mumwoyo, handi nabola kwebasia ewe Baba, omwami we likulu nende esialo,ohubera mbwe amahuwa kano wabakisa balia abali nende amakesi nende obumanyirirwa, no bafunulire abana badoro, kata kario, Baba, nilwo ngori bihusangasisie, mumoni chiao. ²² Yabola,mberesibwe biosi nende Baba wange, kata abulao mundu omumanyire omwana abula Baba, handi omanyire Baba abula omwana nende ulia wo mwana yenya omufunulira. ²³ Yakaluhanira abeki baye, nabola nabo mubwekisi, nabeihabibe chimoni chilola ebiamulola eng'we. ²⁴ Ohubera mbabolera mbwe abanabii bangi nende abami bekomba hulola akamulola eng'we nibarolola, nende hubulira aka mubulira eng'we nibarabulira. ²⁵ Handi lola wakili undi yasingira akulu, namutema, nabola, omwami holee sina huniho nyole obulamu oburalibwa? ²⁶ Yamuborera kaandikwa sina mumalako? wasoma orie?. ²⁷ Naye nakalusia yabola, hera omwami Nyasaye wao nende omwoyo kwao kwosi, handi nende obunabundu bwao bwosi, nende amani kao kosi, nende amakesi kao kosi; Nende jiarani ngori ewe mwene. ²⁸ Yamuborera, okalusie bilai hola orio nawe onamenya . ²⁹ Naye niyenya hwehola wobwadieri, yareba Yeso, ne jirani wange ni wina? ³⁰ Yeso nakalusia yabola, omundu mulala yarula Yerusalemu nachia Yeriko, niyenyola akari wa abebi, nibamufwalula chingubo nimuhuya nibamunyaala, nibabwo, nibamureha ambi hufwa. ³¹ Ne huu habi yecha omuhuhani undi hungira eyo; Ne ngolwa yamulola, yalonda hunbdulo we ingira lwande lundi. ³² Omulawi yosi endio, noyola ao yamulola, nalonda hundulo. ³³ Arali, omusamaria mulala nali hulikendo lwaye, yola ao ayali; yamulola, namulohira esisa. ³⁴ Handi na muchiaho, namuboya ebidonda biaye, napigeng'aho amafura nende ifini; handi nnamgeng'a hupunda yaye, namuira munyumba ya bakeni, handi namuhudumiya. ³⁵ Handi ichuli nabwao, yainia chidinari chibiri, naberesia omwene inyumba yabakeni, yabola, mulinde uno, ne siosi esinenyihana akulu, esie nifunya ndahurunga. ³⁶ Olola orie ewe, hubadaru bano, ni wina owali jirani wa uria owahuywa nende abebi? ³⁷ Yabola, ni oyo owamulorera sisa. Handi Yeso namuborera, bwao nawe ohole orio. ³⁸ Ngolwa bali nibabwao,yengira mulukongo lulala; Omuhasi mulala rira riaye Maritha namwingisiamunyumba mwaye. ³⁹ Naye yali Nende omuhana wabwe olangwa Maria, owehala mumakulu ka Yeso, nabulira imbosi kaye. ⁴⁰ Abula mbwe Maritha yali nanyahana hubuhala bani bungi; na muchiaho, namuborera, omwami, sololaho ebibingolwa omuhana wefwe andehere ohalabana esie siong'one? Mani muborere ahonye. ⁴¹ Yeso yakalusia namuborera, Maritha, Maritha, wangaika nende obeya beya hulwe bindu bingi. ⁴² Abola sindu silala sihoyerwa; ne Maria arobole esindu silayi esiahamalweo huniye.