¹ Handi ngolwa yali abundu andi nalama, handi niyamala, mulala hubeki baye namuborera, omwami, rwekesie efwe hulama, ngori Yohana yekesia abeki baye. ² Yababorera, nimulama, mubole, Baba wefwe oli mwikulu, elira liao liribwe, obwami bwao bwiche, ebia wenya biholwe musialo ngolwa mwikulu. ³ Oruberesie biahuria biefwe ebiarero. ⁴ Orurehere chimbi ebionono, ngori efwe hureheranga abarwononera, oruonie mumabi/kefwe. ⁵ Handi yababorera, niwina hweng'we oli nende omwicha waye, namuchiaho esiro akar, handi namuborera, omwicha, ndeole migati kidaru. ⁶ Hubera mwicha wange arula lukendo/yaye yahecha hwesie, nembula sindu siogeng'a huniye? ⁷ Ne ulia oli mukari anamukalusia, nabola, reha hunyasia, omwingira kwikalweo, nasi ngona husitanda esie nende abana bange, sinyala husingira ndahuberesia. ⁸ Mbaborera mbwe, kata nende narana singira amube hubera nimwicha waye, abula ngolwa arareha humusaba, anasingira nende humuberesia ohulondohana nende ohwenya hwaye. ⁹ Handi mbaborera eng'we, musabe,nang'we munberesebwa, mukonye, nang'u munubukana, mukude, nang'u munafungulirwa. ¹⁰ Hubera buli asaba abukana, naye okonya abukana handi oyo okuda anafungulirwa. ¹¹ Niwina hweng'we oli Baba, owomwana waye namusaba mugati, anamuberesia likina? ¹² Ao namusaba liki, anamuba olukobera nyanja? ¹³ Kano eng'we abali bunoni mumanyire huberesia abana beng'u ebianwa bilayi, ne je,Baba oli mwikulu sanahisia muno hubaba omwoyo mutakatifu abo abamusaba? ¹⁴ Naye yali namalamo elidimoni, nalio liali lidimbe, ngolwa lidimoni liali nilimululiremo, omudimbe yaloma loma, handi bandu bauka. ¹⁵ Abandi hunibo nibabola, ainia madimoni hu Belizebuli, muhongo wa amadimoni. ¹⁶ Abandi nibamutema, nibamwenyaho akamakana/ihono irula mwikulu. ¹⁷ Naye namanya amaparo kabwe, yababorera, buli obwami obufitinika obwene hubwene bwehola sirima, ne inyumba niifitinika hunyumba inakwa. ¹⁸ Kata saitani yosi nafitinika huu niye mwene, obwami bwaye bunema birie? Hubera eng'we mubolanga mbwe esie nyinia amadimoni hu Belzebuli. ¹⁹ Mani esie ninyinia amadimoni huu Belzebuli, abana beng'u, nabo bania huwinia? Hubera abo nibo banabe banalaki beng'we. ²⁰ Lakini/ nibiba mbwe esie nyinia amadomoni huchinjala chia Nyasaye, mani mwauruka hubera obwami bwa Nyasaye bumalire huborera. ²¹ Mundu wa mani oweboyere bilasaniro biaye,nalinda inyumba yaye, bindu biaye bibechanga nende omwembe. ²² Lakini/Arali mbu owamani mangi ohiraho kaye namwichaho, namuhira, namubukulaho ebilasaniro biaye ebiaye sikira, handi nabikabuhania ebinyasihe. ²³ Oyo orali nasi ali hupingana nasi, handi oyo orabusia alala nasi asalania. ²⁴ Amadimoni mamayanu nikarwa mumundu, kabiranga abundu abula machi, nikakonya abundu wohubuluhira, ne nikaralola, kabola, ndakaluha munyumba yange yandarulamo. ²⁵ Ne nafunyamo nanyola yayirwe handi ipambirwe. ²⁶ Nachia, nabukula alala ninaye amadimoni abandi saba abamayanu ohiraho niye, handi nibamwingiramo, nibehalamo, handi ihaliyo omundu oyo iba imbi ohiraho eya mberi. ²⁷ Niyahamala hubola, chimbosi chino, omuhasi undi owalondana nabo yakingula omwoyo kwaye akulu, handi namuborera,ewe ihabino we inda yahwibula, nende chimbere chia wanuna. ²⁸ Lakini/Abula mbwe nabola, haluhiri, heri ababulira imbosi ya Nyasaye, nibaidira. ²⁹ Handi bandu ngori bali nibebusie alala sidiiha, yachaka hubola, luno nolwibulo lumayami, bakonyanga ebimanyiro, handi sibahabe bwe esimanyiro sia Yona omunabi. ³⁰ Hubera Yona yali simanyiro huninawi, nie ngori biahabe hu mwana wo mundu hu lwibulo luno. ³¹ [Queen] Wakusi achia husingira inyanga yo buhalaki alala nende bandu bo lwibula luno, naye achia hubahalakira mbwe bali nende amakosa, hubera niye yecha narula chimbande chio musialo abulire amakesi ka Sulemani, handi, namiha ngo ohira Sulemani ali ano. ³² Nomuhango ba ninawi bachia husingira muchinyanga chiobuhalaki alala nende lwibulo lumo, nabo bachia huluhalakira huba nende amakosa,hubera nibo bekinira huchinyanga chia Yona, handi ano huli nende omuhongo huhiraho Yona. ³³ Abulao omundu owadusia ngia itara naigeng'a abundu wekisa, kata mulwalo weimesa.Abula aigenga akulu weimesa, mbwe abengiramo banyole hulola obulafu. ³⁴ Obulafu bwo mubiri niimoni, mani yao niiba indafu, omubiri kwao kwosi kunaba nende obulafu lakini/abula mbwe imoni yao niiba imbi, omubiri kwao kwosi kunaba nende sirima. ³⁵ Linganira mani, mbwe obulafu buli mukari wao bwarecha bwaba sirima. ³⁶ Ne omubiri kwao nikwichusibwamo nende obulaf, kata nikubulamo esimeka siri nende sirimo, omubiri kwao kwosi kunaba nende obulafu buhaya. ³⁷ Handi ngolwa yali nabola, omufarisayo undi yamulanga achie waye aliebiahuria, niyengira, niyehala naliabiahuria. ³⁸ Ngolwa omufarisayo oyo yamulola, yauka hubera siyesaba narachaka huria. ³⁹ Handi omwami yamuborera, eng'we bafarayo mwosia esikombe nende isani erwanyi, lakini/abula mbu mukari weng'u murumbire obung'usi nende obumayanu. ⁴⁰ Eng'we bapumbafu, owabihola bierwanyi, siniye owabihola bio mukari yosi? ⁴¹ Lakini/Arali mbwe, muinie isadaka yiria yo mukari, handi lola, biosi bibechanga bilafu hweng'we. ⁴² Lakini/Arali mbwe mbeeralihiro, eng'we bafarisayo! hubera muiniangia ebiamo bia aina nende chimboka, nende buli eliani, ne eno mulehere chimbosi chiobwadieri, nende obuheri bwa Nyasaye, mukwanirwa ohola ako aka mberi, nimwaraleha akandi nikarehorehe. ⁴³ Mberarihira eng'we, bafarisayo! hubera mwahera busala bie imberi mumasunagogi, nende huhesibwa mubiro. ⁴⁴ Mberalihira eng'we, abaandiki, nende abafarisayo, abekadi! hubera muli ngoli ching'ani/birindwa ebiaralorehana, handi bandu bakenda akulu wa chio nibakorirwe nibiruo. ⁴⁵ Handi wakalusia mulala hu abamalako handi namuborera, omwami, huluo hubola endio oruborereho efwe hwosi. ⁴⁶ Handi nabola ,mberarihira eng'we mwosi, abandu bamalako/mawakili !hubera mudwihanga bandu misigo misiro nikibafuna, nang'u bene simukidiraho emisigo nende chinjala chieng'we. ⁴⁷ Mberalihira eng'we hubera mwimbaha chingani/birindwa bia banabi, handi Baba beng'we nibo abebera. ⁴⁸ Bwadieri eng'we muiniangia busuda nimufukirira mirimo kia Baba beng'we: hubera babera, handi nang'u mubembahira ching'ani/birindwa biabwe. ⁴⁹ Hand hubera ako, amakesi ka Nyasaye kabola, ndabarumira abanabi nende abarume, nende abandi hunibo bahabere nende hubabamba. ⁵⁰ Mbwe amachaika banabi bosi, akediha ohuchaka humuse/musingi kwe sialo, mbwe kanadahibwa hurula hu lwibulo luno. ⁵¹ Huchaka hu amachika Abel hula humachai ka Sakaria aka ediha akari wa madhabahu nende Ikelesia, musubire mbaborere, kachia hubanjwa/hudaywa hulwibulo luno. ⁵² Mberalihira eng'we abamalako/akili! hubera mubukule olufunguo lwa amakesi, simwengira eng'webene dawe, handi baria abengira mwabekarira. ⁵³ Handi ngori yabola chimbosi chino hunibo, abaandiki nende bafarisayo bachaka humureba nende humurenga, handi nibamureba ebindu bingi. ⁵⁴ Nibamubondiehera, mbwe banyole imbosi yirula mumunwa kwaye, mbwe banyole humudira.