¹ Esiha eso, hibali bahung'anire alala inambalomukanda kwa abandu, kata nibachaka ohusenana. Abene hubene, yachaka hubolera abeki baye mberi, mwelinde nende chinyende chia abafarisayo, ebiri mbwe ni obwekadi. ² Hubera sibulao esindu esiafunihwa, mbwe haba sisiaha funulwe, kata esiekisa, mbwe haba sisiahamanyihane. ³ Hulwe sio siosi esiomuloma loma musirima sinabulirihana mubulafu, handi siria esiamuloma lome muhurwi nimweikaleo sinatangasibwa humhsuli kwe inyumba. ⁴ Handi mbabolera eng'we becha bange, mwararia abo ahera omubiri, ne nibahamala babula siosi siosi esiabanyala ohuhola. ⁵ Lakini / arali mbwe ndabakania owamunyala ohuria, murie oyo niyahamala ohwira ali nende amani akohuira mumuliro, mbaborera eng'we, murie oyo. ⁶ Amaindikiri karanu sikakusibwangwa humatongolo kabiri, handi libulao lisala huniko elibirirwangwa imberi wa Nyasaye? ⁷ Kata elifwiri liri humirwe kieng'we liamala hubalwa liosi. Mwararia amaindikiri mangi. ⁸ Handi mbaborera eng'we, buli onafukirira esie imberi wabandu, oyo omwana womundu yosi achia humufikirira imberi wa Malaika ba Nyasaye. ⁹ Lakini / arali mbu oyo ochia hundekana esie imberi wabandu anakanwa imberi wa Malaika ba Nyasaye. ¹⁰ Handi buli mundu onaloma loma imbosi humwana wo mundu analeherwa, lakini/arali mbu onamunyeka omwoyo mutakatifu/omulafu sanaleherwa. ¹¹ Handi nibabaira eng'we musinagogi, nende abami/nende abamani, mwarabeya beya nimupara chimbosi chieng'u ngori munabola ao nga munakalusia. ¹² Ohubera omwoyo mutakatifu/mulafu onabekesia esiha eso akamuhonyerwa hubola. ¹³ Ne mundu mulala humuhung'ano yamuborera, omwami, boleraho musiani wefwe, mbwe angabire obukerami bwange. ¹⁴ Naye namubolera, omundu ewe, niwina owangeng'ao esie ohuba omukabuli ao omukabani weng'we? ¹⁵ Handi yababorera, mwekenderesie, mwelinde nende obwimani, ohubera obulamu bwomundu sibuli mubungi bwe ebindu biaye biola nabio. ¹⁶ Handi yababolera olukado, nabola, omukunda kwo omundu mulala omunda kwalinikwibule muno. ¹⁷ Nachaka hupara mumwoyo kwange, nabola, ndahola sina ohubera mbula obweyango buyera bwohubiamo ebiamo nende emiandu kiange. ¹⁸ Handi nabola, ndahola endi, ndakwisia ebiaki biange, handi ndembaha ebindu bihongo, handi ndabihano ebiamo biange nende emiandu kiange. ¹⁹ Handi ndabolera omwoyo kwange, omwoyo, oli nende ebindu bingi bilayi ebiawebihire humiaka mingi, buluha haro, olie ong'we, osangale. ²⁰ Lakini/Arali mbu Nyasaye yamubolera, omusiru ewe, esiro sialero omwoyo kwao kudahibwa, ne ebindu ebiawebihira tayari binaba ebia wina? ²¹ Nie ngori ali oyo mundu obihira omwoyo kwaye akiba naretairisie hu Nyasaye. ²² Handi yabolera abeki baye, ohubera ako mbabolera eng'we, mwaranyahanira obulamu bweng'we, mbwe munalia sina, kata omibiri kweng'we, mbu munafwala sina. ²³ Ohubera obulamu buhira ebiahuria, kata omubiri kuhira ebiefwalo. ²⁴ Mulingalire amaoni, sikarakanga kata hukesa, kata esiaki, kata omukunda, handi Nyasaye akalisingia, eng'we simuli bamaana ohuhiraho amaoni? ²⁵ Ni wina hweng'we niyenyasia mumaparo anyala hwemeda oburambi bwaye kata ifuti ndala? ²⁶ Mani nikari mbwe simunyala huhola akali madidi, husina hweenyasia mukandi kosi? ²⁷ Mubalirire amayombe yombe ngolwa kameranga, sikahola emirimo, kata sikafumbanga, nasi mbaborera mbwe kata Sulemani mu luyali lwaye lwosi siya siyafunihwa bilayi ngori lilala hukano. ²⁸ Mani ngori Nyasaye afuniha/afwala endio obunyasi, obuluo lero mundalo, ne muchiri bufubwa mumuliro, mbwe sanabaholera eng'we muno ohirahoo, eng'we abali nende isubira indidi? ²⁹ Mwarakonya ebiamunalia kata ebiamunang'wa, kata mwahola wasi wasi mumwoyo. ³⁰ Ohubera ako kosi niko akabakonyanga abomusialo lakini/arali mbu Baba weng'we amanyire mbwe ako kosi mwenya. ³¹ Lakini/Arali mbu mukonye obwami bwa Nyasaye, ne ako kosi munamedwa. ³² Mwararia eng'we, omuhung'ano mudidi, hubera Baba wefwe aluchi ebilayi hubaberesia obwami. ³³ Mukusie biosi ebiamuli nabio, muinie isadaka, mwehwanisire emisuko kiara kofula, esibihiro siaralema mwikulu, abandu wo mwibi arola, kata asiriri sikanyasia. ³⁴ Ohubera asibihiro siawosiri, nia mwoyo kwao kunaba. ³⁵ Ebibuho bieng'we bibe nibiboirwe, ne chitara chweng'we chianduhe. ³⁶ Nang'we mube ngori abandu abalindire omwami wabwe, nafunya nakunda, banyole humufungulira bwangu. ³⁷ Nabeihabi balia abarumwa, abo omwami niyecha anyole nibali meso, musubire mbabolera, aneboya nende hubakaribisia hubiriahuria, handi anehola nende ohubahalabanira. ³⁸ Handi niyecha olwo hubiri, ao niyecha olwo hudaru, nabanyola endie, nabeihabi abarumwa abo. ³⁹ Handi mumanye kano, mbwe omwene inyumba niyahaminyire esiha esio mwibi yecheramo, yahabere meso, kata siiyahalehere inyumba yaye hufunakwa. ⁴⁰ Eng'we mube meso, hubera esiha siamwara para nisio sio omwana wo omundu anecheramo. ⁴¹ Petero namubolera, omwami olukado luno obolere efwe sa, kose nende abandu bosi? ⁴² Handi omwami yabola, ni wina mani oli wakili omwesikwa, owe siboi, owo omwami waye anamugeng'a akulu wo oburuki bwaye,aberesie abandu omusera musiha siaye? ⁴³ Oweihabi noyo omurumwa, owo omwami waye niyecha nanyola nanyola ario. ⁴⁴ Bwadieri mbaborera, anamuhola abe omuruki akulu we bindu biaye biosi. ⁴⁵ Lakini/arali mbwe omurumwa ulia nabola mumwoyo kwaye, omwami wange achelebe hwicha, handi nalia nende chung'wa, handi namera. ⁴⁶ Omwami wo murumwa oyo anacha inyanga yaraparirisia, nende isaa eyaramanyire, anamuhenga ebipande, handi anamugeng'era omusara kwaye alala nende abarasubire. ⁴⁷ Handi omurumwa oyo, omanyire omwami waye, naye salitayari, kata sahola ohwenya hway, anahuywa ebiboko bingi. ⁴⁸ Lakini/Arali mbwe oyo oramanyire, naye nahola akahoyerwa chunywa, anahuywa bididi ne buli wabebwa bingi, huniye oyo binadahibwa bingi, handi oyo owabandu amugeng'eraho bingi huniye oyo binadahibwa ebingi. muno. ⁴⁹ Njichire ohwambia muliro husialo, handi singongo simalire hwicha, nisina esiandaha ohirahoo? ⁵⁰ Lakini/Arali mbu ndi nende obubatisia obwa hoyere hibatisibwa, nasi ndi nende madinyu ohusia nga koleresibwa. ⁵¹ Ne mupara mbwe njichire ohulera omulembe husialo?mbabolera, haba lakini/arali mbwe ni ohukosana. ⁵² Ohubera ohuchaka chisa chino munyumba ndala eyabnabamo abandu baramu banakabuhana, badaru hubabiri, ne babiri hubadaru. ⁵³ Banasolana bayakabuhuna nende omwana waye, naye omwana nende samwana,handi omuhasi nende omuhana waye, ne omuhana nende ng'ina, masiala nende muha musianing'ine, handi mulia musianing'ine nende masialang'ine. ⁵⁴ Handi nabolera abandu, mbwe nimulola amalesi nikema mumbo, maramubola, ifula icha, nibiba birio. ⁵⁵ Handi nomulola omuyaka nokuucha nikurula kusi, nimubola, mbwe okubasu kunabaho, nibiba birio. ⁵⁶ Eng'we abekadi, mumanyire hulakua obweni bwe sialo nende elikulu, ne bikenda birie simumanyire hulakula siha? ⁵⁷ Ne husina eng'we abene mumioyo kieng'we simunyala mwehalakira akali kobwadieri? ⁵⁸ Ohubera nolondana nende owoyala naye, nimuchia hu muhalaki hungira aohola amani muuliri sanie naye, arecha yahuhwesa mpaka imberi wajaji, ne jaji ulia anahugeng'a mumahono kaye ulia ohurungia, naye ohurungia anahutupa mujela. ⁵⁹ Hubilera, sanarulamo ohusia ngonarunga omusolo kwa mwiso.