¹ Handi yengira mubwaro, nabira mani niyengira mu tauni yabwe. ² Lolaho, bamurerera omundu olwala indulume nakonire huliyambo. Yesu niyalola lisubira liabwe yabolera omulwaye oyo ari, "Omusiani, sangala. Oreherwe bionono biao. ³ Abandi hubandiki bamalako babola akariwabwe mbu "Omusacha uno abiyia rira ria Nyasaye." ⁴ Yesu naye ngayamanya maparo kabwe yababolera ari "Husina nimuba namaparo mabi mumioyo kieng'u? ⁵ Esikera nesiri, obola mbu oreherwe mabi kao; kose obola mbu 'Singira okende'? ⁶ Ne nimwenya omanya mbu omwana womundu arinamani kohurehera bandu mabi, "yabolera omulwaye oyo ari, "Singira, bukula riyambo liao ochie munyumba yao". ⁷ Yasingira mani yachia munyumba yaye. ⁸ Ne omukanda nikwalolebio, bebuoga handi bapaka muno Nyasaye, owaberesia bandu mani ngako. ⁹ Yesu ngayarulao yalola musacha olangwa Matayo niyehale amwingira kwerihema liomusolosi wobusuri. Yamubolera ari "Nonde'. Yasingira mani yamulonda. ¹⁰ NgaYesu yehala munyumba ya Matayo ohulia, abasolosi bobusuri nende abaholi bamabi becha bakakula nende Yesu nabeki baye. ¹¹ Abafarisayo nibalola kano, babolera abeki baye , "Husina omwekesia weng'u alia nabasolosi bobusuri nende baholi bamabi?" ¹² Yesu niyaurira kano, yababolera ari "Abandu balamu sibadaha omuresi, humalaho abalwaye. ¹³ muchie mweke mahulundu karimo: Esie nyenya sirehero, sinyenya musango. 'Sindecha olanga balafu bekanire mabi, ndechera abamabi.' ¹⁴ Abeki ba Yohana bamwichaho nibamureba, 'Husina efwe nende Abafarisayo huboyanga hulia nabeki bao nabo haba? ¹⁵ Yesu yabakalusia nabola ari "Binyarihana basiani besiserero barira mwene siserero nasirinabo? Chindalo chicha chiomwene siserero yabukulwe, haro ao banyala oboya. ¹⁶ Omundu sabukula esiraka siyiaha nababa hungubo ingofu, hubera esiraka sinyala oranduha mani siabiyia ingubo. ¹⁷ Abandu sibachuhanga ifini injiaha mu bibuka bikofu. Nibahola bario, ebibuka binyala biadiha mani ifini yediha. bachuhanga ifini injiaha mubibuka biyiaha nibiosi biba abwene. Nasibabolera bindubino, omuruki undi yecha yamwinamira nabola, "Omwana wange muhana yahafwa isaino, ne ichasa omureho muhono anaona." ¹⁹ Yesu yasingira yamulonda, alala nabeki baye. ²⁰ Omuhasi undi owari nobulwaye bweinda hudachirira machai humiaka lihumi nende kibiri yecha inyumae mani yadira ingubo yaye. ²¹ Yapara mukari mwaye ari "Nindirasa ingubo yaye, ndaona." ²² Yesu yakaluhana mani namulola, mani nabola "muhanange orafwamwoyo; lisubira liao lihuonisie." Omuhasi oyo yaona hurulasihesio. ²³ Yesu niyengira munyumba yomuruki uria yalola ngabandu barira handi boba siyoka. ²⁴ "Mubweo,omuhana oyo safwire, akona." Nabo bamucheha nesireka. ²⁵ Abandu nibaamala orula rwanyi, yengira munyumba yamudira muhanoyo muhono mani yasingira yema. ²⁶ Chimbosi echio chiasalana musialesio siosi ²⁷ Yesu niyarula abunduao, abandu bofu babiri bamulonda. Barira nibabola "Omwana wa Daudi!, rulorere sisa. ²⁸ Niyengira munyumba abofu babiri abo bamwichaho. Yesu yabareba ari "Musubira mbu nyala ohola kano? bafukirira mbu Ee, omwami. ²⁹ Yesu yabadira huchimoni nabola ari "Hulondohana nelisubira rieng'u habibe birio." ³⁰ Chimoni chiabu chiekuha chialola. Ne Yesu yababolera ari " Mulole mbwe aumao mundu yosiyosi omanyire bino. ³¹ Nabo bachia batangasia mu sialesio siosi. ³² Abasacha babiri abo ngabari nibabwao, omundu musiru owari nebihieno yarerwa imberi wa Yesu. ³³ Esihieno nisimala omurulamo, omusiru oyo yalomaloma. Abandu bauka muno nibabola "Huralolaho huri mu Isiraeli." ³⁴ Abafarisayo nabo babola mbu Arusiangia bihieno humani komuruki webihieno." ³⁵ Ne Yesu yakenda muchitauni nende muchingongo. Yendelea ohwekesia muchisinagogi chiabu nayala injili yobwami alala nohuonia amalwaye kaburi ingero. ³⁶ Niyalola mukanda kwabandu yabalolera sisa, hubera bari basanda handi bafwamwoyo. Bari ngamakondi kabula omwayi ³⁷ Yabolera abeki baye ari "Imere neisabi, nabahosi nabayeranu. ³⁸ "Mulame omwami werikesa, arere abahosi bangi murikesa".