¹ Yesu niyeha hurula hulugulu, mukanda muhongo kwamulonda. ² Omundu wamekere yamuchiaho mani namusaba ari "Omwami nokanya onyala huhwania ndaba mulafu" ³ Yesu yakolola muhono kwaye namudiraho, nabola "Nganyire. Ba mulafu. Sihesio amakere kaye kabwa. ⁴ Yesu yamubolera " Orabolera mundu yosiyosi. Chiochia ne weyekesie imberi yomupadiri mani orusie ebianwa bia Musa yalaka, bibe obuloli hunibo. ⁵ Ne Yesu niyengira Kapernaum, oweriye undi yamwichaho namulomba ⁶ ari "Omwami omuhosi wange omubiri kukwire rinakasi handi ari nobuchuni bungi" ⁷ Yesu yamubolera ari mbao njicha omuonia. ⁸ Oweriye yamukalusia nabola "Omwami, sibiyerana mbu ewe wingire munyumba yange. Bolasa imbosi nomulwaye wange anaona. ⁹ Huluohubera siosi ndi asi woburuki handi ndi nende abasikari beriye abahola asiwange. Nimbolera uno endi " Chia' nachia, nimbolera undi endi 'Icha' niyecha, handi omuhosi wange nimubolera endi 'Hola sino; nahola." ¹⁰ Yesu niyaurira ario, yauka muno nabolera abari nibamulonda ari "Adieri mbabolera endi siri ololaho omundu orinelisubira nga rino mu Israeli yosi." ¹¹ Mbabolera, abangi baheche hurula bukwe nende mumbo, ne bahehale humesa nende Abrahamu, Isaka nende Yakobo mubwami bwomuikulu. ¹² Ne Abana bobwami bahafubwe rwanyi musirima, hwabeho orira nende osia meno. ¹³ Yesu yabolera oweriye, oyo ari "Chia! kori nga osubire, bihwehorere birio. Omuhosi waye yaona esihesio. ¹⁴ Yesu niyengira munyumba ya Petero, yalola mafialang'ene nakonire asi narineihoma. ¹⁵ Yamudira muhono neihoma yamreha Sihesio. Yasingira yachaka omurumihira. ¹⁶ Nibiola sichiambo, bamurerera bandu bangi abari baboyirwe nebihieno. Yerusia bihieno neimbosi handi naonia bosi abari namalwaye. ¹⁷ Mbwe korere akabolwa nende nabii Isaya nabola "Oyo yabukula amadehere kefwe, narumalaho amalwaye kefu. ¹⁸ Hariano Yesu niyalola liicho liabandu, yabolera abeki baye bachie ingereha yeinyanja ya Galilaya. ¹⁹ Omwandiki wamalako undi yecha yamubolera ari "Omwekesia, ndahulonda buriabundu ochia." ²⁰ Yesu yamukalusia ari Amasimba kari namena, namayoni kari (nechinyumba), nomwana womundu aumaho nende ayahara omurwe ²¹ Ne omweki waye mulala yamusaba nabola ari "Omwami, nganyire njie sihe larange mberi." ²² Yesu amukalusia nabola "Nonde, reha bafu basihane bene. ²³ Yesu niyengira mubwaro, abeki baye bamulonda. ²⁴ Omuyaka muhongo kwaucha munyanja paka machi kengira mubwaro. Naye Yesu yari akona. ²⁵ Abeki bamwichaho mani bamusimusia nibabola mbu " "Ruonie mwami, hufwa. ²⁶ Yesu yababolera, husina ni muria, eng'we belisubira rididi? Yasingira mani yalabira muyaka neinyanja. Inyanja yakwalala. ²⁷ Bandu bauka mani bereba bari "Uno nomundu wamera arie, kata muyaka neinyanja biosi bimuurira? ²⁸ Handi Yesu niyecha lwande lwesialo sia Gadarenes, abandu babiri abari badirirwe nebihieno babukanana naye. Bari barula mubirindwa handi bari balaba muno, atabandu baria obira hungireyo. ²⁹ Handi barira nibabola "Efwe hularanawe sina, Yesu mwana wa Nyasaye? Wichire ano hurunyasia biha biefwe nibirola? ³⁰ Ambi nende abunduao chiariwo chinguruwe nichiaya. ³¹ Ebihieno ebio biamusaba nibibola "Norwirusia, rurume hwingire muchinguruwe chiria. ³² Yesu yababolera, "Muchie! Bihieno biarula mubandu mani biachia biengira muchinguruwe; ne liicho rilamba riechinguruwe rieruha riengira munyanja mani nichifwira mumachi. ³³ Abayi bechinguruwe beruha bachia mutauni nibabola biosi ebiehola hubandu abari baboyirwe nebihieno. ³⁴ Itauni yosi bandu barula hwicha obukanana nende Yesu. Nibamulola, bamusaba arule musialo siabwe.