¹ Murahengera bandu sina hu mwosi murahengerwa. ² Siohengera basio, wosi bahuhengere, nesipimo siopimira basio wosi bahupimire. ³ Husina nolingala sindu sididi sirimumoni yowasio nesiduli siri mumoni yao nesolola? ⁴ Onabolera orie owasio mbu reha humalemo sindu siri mumoni yao norehire siduli siri mumoni yao omwene? ⁵ Omubeyi ewe, rangira orusie siduli siri mumoni yao, huonyala olola sididi siri mumoni yowasio. ⁶ Muraberesia chimbwa ebiri bitakatifu handi murafubira chimbichi bindu bieng'u bilayi. Chinabisena namakulu handi chinakaluhana chibalume. ⁷ Musabe, munabebwa. Mukonye, munanyola. Muhong'onde, munekulirwa. ⁸ Osaba abebwangwa; Okonya, anyolanga; ohong'onda, anekulirwa. ⁹ Niwina hueng'we womwanaye nasaba mugati namuba rikina? ¹⁰ Kose nasaba ing'eni namuba injuha? ¹¹ Haro eng'we abamabi nibiri mbu mumanyire oberesia abana beng'u bindu bilayi, binyalooba bilayi bianga bia Lareng'u womuikulu anyala oberesia abo abamusaba. ¹² Huako nimwenya bandu babaholere bilayi mwosi mubaholere. Kano nie malako nende Abarumwa. ¹³ Mwingire nomumwingira mudidi. Omwingira muhongo nende indara injaku niebiyira bandu muhunyasiha handi baruo bangi abakulondanga. ¹⁴ Ne omwingira munyerere nende indara indinyu nibio bichia mubulamu, handi abayeranu niebakulonda. ¹⁵ Mutang'e nende abanabii bobubeyi, abecha nibefwalire amasero kamakondi nemukari neching'u. ¹⁶ Muabamanye hubiamo biabwe. Abandu banyala okema misabibu hurula humabwa kose omudodo hurula huchimbwabwa? ¹⁷ Mungira ngeyo buri musala mulayi kuama biamo bilayi, ne omusala mubi kuama biamo bibi. ¹⁸ Omusala mulayi sikunyala huama biamo bibi ne omusala mubi sikunyala huama biamo bilayi. ¹⁹ Omusala kuranyala huibula biamo bilayi kuremwa nikufubwa mumuriro. ²⁰ Hulwako mwabamanye hulwebiamo biabwe. ²¹ Sibulimundu onanga 'mwami, mwami' yahengire mubwami bwomuikulu, omalaho uria ohola ohwenya hwababa ori muikulu. ²² Abangi indaleyo bahasabe mbu mwami, mwami, bayie sihwafunulangaho chimbosi hurira riao, hurira riao hwerusia bihieno handi hurira riao hwahola amayia mangi? ²³ Nasi ndababolere endi sindari ndabamanya munduleho engw'e baholi bamabi. ²⁴ Huako burimundu ourira chimbosi chiange nende ochilonda yabe ngomundu mukesi owembaha inyumba yaye hulwanda. ²⁵ Ifula yecha, amachi kamala nende omuyaka kwamani kwaucha handi kwatuoma inyumba nesiyakwa haba, hulwohuba yembahwa hulwanda. ²⁶ Ne buri ourira chimbosi chiange chino nahaya ochilonda anafwana omundu musiru owembaha inyumba humusenye. ²⁷ Ifula yecha, amachi kamala nemiyaka kiaucha inyumba mani yakwa, yabiyiralala. ²⁸ Ne Yesu niyamala obekesia chimbosi chino abandu bauka amekesio kaye. ²⁹ Huba yabekesia nga uria orinamani ohira abandiki bamalako.