¹ Yesu niyalola omukanda muhongo, yanina lugulu. Niyamala ohwihala asi, abeki baye bamwichaho. ² Yekula munwa kwaye yabekesia nabola, ³ Ari nabeihabi abasanda mumwoyo hubera obwami bwa Nyasaye nobwabu ⁴ Nabeihabi abo abarira hubera bahafunihwe. ⁵ Nabeihabi abo abakara hubera baberesebwe esialo. ⁶ Nabeihabi abo beinjala iluma nobuluo buohuhola malai, hubera bahekure. ⁷ Nabeihabi abo abesisa, bosi banyole sisa. ⁸ Nabeihabi abo abomwoyo mulafu hubera balole Nyasaye. ⁹ Nabeihabi abo abarera mirembe hubera bahalangwe abana ba Nyasaye. ¹⁰ Nabeihabi abo abasandisibwa nibabola obwadieri, Obwami bwomuikulu nobwabu. ¹¹ Oliwechihabi abandu nibahunyeka handi nibahusandia, nibahubolaho chimbosi chiobubeyi hulwesie. ¹² Wehoye handi osangale esianwa siao nesihongo muikulu. Hubera banabii abahurangira bosi basandisibwa. ¹³ Eng'we muri munyu kwesialo. He omunyu nikukosia obunulu bwakwo, kunyala okalusia bunulu? Sibinyalihana omalaho mbu kuchuhwa rwanyi handi bandu bakusena namakulu. ¹⁴ Neng'we bulafu bwesialo. Itauni imbahwe hu lugulu siekisa. ¹⁵ Abandu sibambia itaya mani baikisa mulwalo, baira humesa handi buri mundu ori munyumba ailola. ¹⁶ Reha bulafu bweng'u bulolohe imberi yabandu, nibalola bihole bieng'u bilayi nibafumia Lareng'u ori muikulu. ¹⁷ Murapara mbu ndecha onyasia amalako kabanabii. Sindecha okanyasia, ndecha okameda mani. Mbabolera obwadieri mbu rikulu nesialo nibirabwao aumao Kata inukuta yahaba indidi irie eyaharusibwe humalako, paka H bindu biosi bibwe. ¹⁹ Huako yosiyosi owafunake malako atasa madidi mani niekesia basie ario, yosi habe mudidi mubwami bwomuikulu. Ne uria orikarinda mani yekesia ario, yalangwe omuhongo mu bwami bwomuikulu. ²⁰ Mbola endi obulafu bweng'u niburayomba obulafu bwabandiki nende abafarisayo, simwahengire mubwami bwomuikulu. ²¹ "Mwaulira mbu chindalo chihare bandu babolerwa " Orera" ne omundu wira wasie yahayalwe. ²² Nasi mbabolera mbu buri mundu onyolera nowasie yahayalwe; ne obolera wasie ari "Oribihaya! yaheme imberi yabami; ne obolera wasie ari ," Orimusiru!' yafubwe mumuliro kwa Saitani. ²³ Norera sianwa siao hu altari nesihesio opara mbu mukosane nende mwanamao, ²⁴ Reha sianwa siao imberi wa altari mani ofunye inyuma ochie muulisanie nende mwanamao huwiche wane sianwa siao. ²⁵ Urisania nomusuku wao nimusiri hungira nimurola mukoti, ebihayasa omusuku wao anyala ohuyira hu muhalaki wemisango, ne omuhalaki wemisango anyala ohuyira hu ofisa onyala ohufuba mujela. ²⁶ Hubolera adieri, siwarulemo norarunga matongolo kadahwa kosi. ²⁷ Mwaulira mbu babola "Orairana'. ²⁸ Nasi mbabolera endi burimundu oringala muhasi nomwoyo kwohwekomba, ayirane Naye mumwoyo kwaye. Ne imoni yao nikera wahola amabi yiye mani ofuberia. Nebilayi omaleo simeka silala ohira mubiri kwosi kufubwe mumuliro. ³⁰ Omuhono kwao mulungi nikukera wakwa, kuhalake ofubare. Nebilayi mbu esimeka siao silala siruleo ohira mubiri kwosi kuchie mumuliro. ³¹ Kabolwa mbu "Yosiyosi owirusia muhasi waye, amube ibarua yohurehana.' ³² Ne mbabolera endi yosi owirusia muhasi waye arali humbosi yobuyirani akera muhasi oyo huba muyirani. Handi yosi omukeka aba muyirani. ³³ Handi mwaulira mbu babolera abari munyanga chihare "Orebwaba biobubeyi omalaho mbu ohwebwaba hwao yira imberi yomwami. ³⁴ Nasi mbabolera endi, orebwaba nerikulu haba, hubera niobwihalo bwa Nyasaye. ³⁵ Orebwaba nesialo, Hubera niesicheni siamakulu kaye, ata Jerusalemi, hubera nieridala riomwami muhongo. ³⁶ Orebwaba nomurwe kwao hubera sonyala okaluhania rifiri riaba rachari ata rateng'i. ³⁷ Hulomaloma hweng'u hubesa mbu Ee ama haba, haba. Siosiosi esibirao sirula hu saitani. ³⁸ Mwaulira mbu biabolwa mbu 'Imoni humoni handi rino hu rino' ³⁹ Nasi mbabolera mbu orekarira mundu mubi.Omundu nahupama hulusaya lusacha, kalula lwande lundi lwosi apame. ⁴⁰ Omundu niyenya ohusitaka mani nabukula ikanjo yao, reha abukule nerikoti riosi. ⁴¹ Omundu yosi nahuyika ochia naye imaili ndala, chia naye chibiri. ⁴² Beresia yosi ohusaba handi orakaira Omundu wenya ohweola. ⁴³ Mwaulira mbu babola bari 'Hera jirani wao ne ohaye omusuku wao ⁴⁴ Nasi mbabolera, endi Hera abasuku bao handi osabire abahusandia ⁴⁵ Humube abasiani ba lareng'u orimuikulu. Hubera niokeranga mubasu nikwahira ababi nabalayi handi aruma ifula hu balayi nababi ⁴⁶ Nohera abahuhera. esianwa sina sionyola? abasolosi bobusuri ngandi bahola sienesio? ⁴⁷ Nohesia Abana beng'u bong'one oba ohola sina sikabuhane nabandu handi? Abakafiri sibaholanga sienesio. ⁴⁸ Niesikera paka mube balafu kdori Lareng'u womwikulu ngari mulafu.