¹ Yesu yemererwa nomwoyo mulafu huchia musichimi otemwa nende esihieno. ² Niyamala oboya chindalo amahumi kane esiro nesidere, yari naulira injala. ³ Omutemi yecha yamubolera ari "Nori mwana wa Nyasaye boleraho makina kano kakaluhane migati. ⁴ Yesu yamukalusia nabola ari Kandikwa, 'Omundu siyamenye huhulia mugati kwong'one ne hu buri imbosi irula mumunua kwa Nyasaye." ⁵ Sihieno siamuyira mutauni indafu mani nisimuihasia hukanisa akulu muno. ⁶ Nisimubolera siri nori mwana wa Nyasaye Dumaho okwe asi hubera kandikwa mbu Nyasaye yarume malaika kaye ohulinda handi kahukinge mu mihono kiabwe oratuoma hukulu hwao hurikina. ⁷ Yesu yamubolera ari "Handi Kandikwa, oratema omwami Nyasaye. ⁸ Handi sihieno siamuyira akulu hu lugulu lurambi muno mani siamuekesia oburuki bwebialo biosi noluyali luabio. ⁹ Nisimubolera mbu "Bindu bino biosi ndahuba nokwa asi mani unaame. ¹⁰ Ne Yesu yamukalusia nabola "Chieria ewe Saitani! kandikwa mbu onalama omwami Nyasaye handi onamholera yong'one. ¹¹ Aonao sihieno siamureha, ne malaika kecha kachaka omuholera mirimo. ¹² Yesu niyaulira ari badirire Yohana, yarulao yachia mu Galilaya. ¹³ Narulire Nasareti yecha yamenya Kapernaum eiri hu ndulo yeinyanja ya Galilaya muchingongo chia Sebuluni nende Naftali. ¹⁴ Mbu korire akabolwa nende nabii Isaya nabola ari ¹⁵ "Musialo sia Sabuloni nende sialo sia Naftali, lwande lweinyanja ingereha ya Yorodani, Galilaya eyabakafiri. ¹⁶ Abandu abehala musirima balorire obulafu bungi ne baria abehala musialo nesiniha siohufwa, obulafu bukinguhire. ¹⁷ Hurula sihesio Yesu yachaka oyala nabola "Mwekanire, obwami bwomuikulu buriambi. ¹⁸ Ngayari nakenda hundulo yeinyanja ya Galilaya, yalola abasiani babiri, Simoni olangwa Petero, nende Anderea mwanang'ina, nibafuba lwero munyanja, bari banabi. ¹⁹ Yesu yababolera, "Munonde, ndabahola abanabi babandu. ²⁰ Aonao bareha chinjero mani bamulonda. ²¹ Ngayari narulao yalola handi abasiani babiri, Yakobo omusiani wa Sebedayo nende Yohana mwanangina. Bari mu bwaro nende Sebedayo Larabu niahwania chinjero chiabu. Yabalanga, ²² Sihesio bareha bwaro alala nende larabu mani nibamulonda. ²³ Yesu yakenda mu Galilaya yosi, niyekesia mu chisinagogi chiabu, nayala injili yobwami alala nende ohuonia amalwaye kaburi ingero nobuchuni hubandu. ²⁴ Ifuma yaye yola mu Siria yoosi, ne abandu bamulerera baria bosi abari namalwaye kakabuhane, abari nebihieno, chindulume. Yesu yabaonia. ²⁵ Omukanda muhongo kwabandu kwamulonda orula Galilaya, Dekapolis, Yerusalemi nende Yuda nende ingereha wa Yorodani.