¹ Chindalo echio Yohana omubatisia yecha nayala mu sichimi sia Yudaya nabola, ² "Mwekanire, obwami bwomuikulu buriambi" ³ Uno niewa Nabii Isaya yalomalomaho nabola ari "Omwoyo kwomundu orira musichimi, muhwanie chindara chiomwami, mukolole chingira chiaye. ⁴ Ne Yohana yefwalanga chingubo hurula hubwoya bweingamia neyeboya omusipi kwerisero musibuno siaye. Ohulia hwaye hwali chisike nende obuhi. ⁵ Mani Yerusalemi, Yudaya yosi nende chingongo chibodohana omwalo kwa Yorodani chiamuchiaho. ⁶ Babatisibwa mumwalo kwa Yorodani nibekanira ebionono biabwe. ⁷ Ne niyalola obungi bwa Abafarisayo nende Abasadukayo nibamwichaho babatisibwe, yababolera ari "Eng'we olwibulo lwechindemu Chinjuha, Wina wabekesie ohwiruha ririma richa? ⁸ Mwibule obumuo bunyala orera bukaluhani. ⁹ Murapara akari weng'we mbu "Huri nende Abraham larefwe" Ne mbabolera mbu Nyasaye ari namani kohuberesia Abraham bana hurula mu makina kano. ¹⁰ Imbachi imalire orebwa hu misi kiemisala. Haro omusala kwosikwosi okuranyala hwibula amatunda malayi, kuremwa handi kufubwa mumuliro. ¹¹ Esie mbabatisia namachi muekanire. Ne owicha inyuma yange nomuhongo ohuhira atasihoya okinga bilaro biaye. Yecha obabatisia nomwoyo mulafu alala nomuliro. ¹² olweyo lwaye luri mumahono handi aneya obweru bwaye bilayi nabusia ingano yaye nara musiaki ne madere nako asamba mumuliro kurasima. ¹³ Yesu yecha hurula Galilaya obatisibwa nende Yohana mu mwalo kwa Yorodani. ¹⁴ Ne Yohana yatema muno omukania nabola ari "Esie hoya mbatisibwe nawe, newewicha hwesie? ¹⁵ Yesu yamukalusia nabola ari reha bibe birio isaino. Yohana yarulao yakanya. ¹⁶ Namala obatisibwa, Yesu yema mumachi nesihesio likulu liekuha mani nalola omwoyo mulafu kwa Nyasaye nikwiha ngerigugu nikumwemaho. ¹⁷ omwoyo kwarula muikulu nikubola kuri "Uno niomusiani wange muherwa, sangala muno naye."