¹ Ebihebio abeki becha hu Yesu nibamureba bari "Wina muhongo ohira bosi mubwami bwomuikulu? ² Yesu yalanga omwana mudidi, namwemia akari wabwe, ³ Nabola ari " Mbabolera adieri, nimurakaluhana mwaba kori ngabana badidi bano, simwahengire mungira yosiosi, mubwami bwomuikulu. ⁴ Huako, omundu weduduyia ngomwana mudidi, niye muhongo mubwami bwomuikulu. ⁵ omundu opokea mwana mudidi ngauno hurira riange apokea esie. ⁶ Ne yosiosi okera badoro bano abasubira muesie bakwa, bihoya aboywe likina lihongo mukosi mani alakasibwe munyanja. ⁷ Bindu bikera bandu huhola mabi musialo, bihoya hwicha lakini nebibi humundu okera biecha. ⁸ Nikuri muhono kwao Kata hukulu niebikera nohola mabi, bihenge obimaleyo handi obifube arenawe. Nebilayi wingire mubulamu nori murema ohiraho ofubwe mumuliro kurabwa nori nemihono kibiri kata makulu kabiri. ⁹ Niri imoni yao nieikera nohola mabi, imalemo mani oifuberia. Nebilayi wingire mubulamu neimoni ndala ohiraho ofubwe mumuliro kurabwa nori nechimoni chiosi chibiri. ¹⁰ Murachara abadidi bano. Handi mbabolera endi muikulu malaika babwe balingalanga bweni bwa baba orimuikulu. ¹¹ Hubera Omwana Womundu yecha ohuonia esiakora. ¹² Mupara murie? Omundu nari namakondi imia ndala, nerilala rikora, sarehasa karia mahumi tisa nende tisa hundulo yolugulu nachia akonya rilala erikorire? ¹³ Narinyola, mbabolera adieri, asangala muno hurilala ero, ohira mahumi tisa nende tisa akarakorire. ¹⁴ Bifwana birio, sinohwenya hwalareng'u womuikulu mbwe mulala hubadidi bano akore. ¹⁵ Mwanamao nahukosera chia olomalome naye nimuri mwong'one. Nahuurira onaba onyolire mugandao. ¹⁶ Ne narahuurira, bukula mulala kata babiri ochie nabo hubera huminwa kiabalori babiri kata badaru, buri imbosi inyala yamanyihana. ¹⁷ Ne narabaurira, chia obolere ikanisa. Nahaya ourira ikanisa, mulehe abengabesialo kata musolosi wobusuri. ¹⁸ Mbabolera adieri, buri sindu siamuboya musialo siaboywe muikulu, ne buri sindu siamukosia musialo siakore muikulu. ¹⁹ Handi mbabolera adieri, babiri hueng'we nibafukirisania musialo huburisindu siamusaba, bineholeha birio nende Baba orimuikulu. ²⁰ Huluako, abundu wababiri kata badaru beebusia hurira riange, ndaba akari wabwe." ²¹ Petero yecha yabolera Yesu ari"Omwami, mwanama anyala hungosera mara hanga nimureherangasa? Hwola mara saba? ²² Yesu yamubolera ari"Sihubolera endi mara saba, ne ohula mahumi saba mara saba. ²³ Obwami bwomuikulu bufwana nga omwami undi owadaha orunga bahosi baye. ²⁴ Ngayachaka obarunga, bamurerera omuhosi mulala ori nerikobi riaye chitalanta elifu lihumi. ²⁵ Ne ngayauma bunyala bworunga, omwemeresi waye yabola ari akusibwe alala nende omuhaye waye nabana, nende burisindu siayaba nasio, mani barunge rikobi. ²⁶ Omuhosi oyo yakwa asi yamwinamira nabola ari 'omuhongo weoyeho bididi. Njichohurunga buri sindu' ²⁷ Omuhongo waye namulorera sisa, yamurehula handi yamurehera rikobi riaye. ²⁸ Omuhosi oyo yarulao yachia humuhosi wasie owari nerikobi riaye chidinari imia ndala. Yamudira mani yachaka omumika nabola ari 'Ndunge rikobi riange' ²⁹ "Omuhosi wasie oyo yakwa asi mani namulomba nabola ari 'Weoyeho bididi, nahurunga.' ³⁰ Omuhosi wamberi uria yahaya. Yachia yamufuba mujela ohula nga yahamale rikobi. ³¹ Abahosi basiabu nibalola isiehola badirwa nesibera muno. Becha babolera muhongo wabu buri sindu siehola. ³² Omuhongo yalanga omuhosi uria mani namubolera ari 'Ewe muhosi mumayanu, ndahurehera rikobi riria huba wanomba. ³³ Ne ewe sonyala orehera omuhosi wasio, kata siosi ngandahulorera sisa? ³⁴ omuhongo waye yanyorera muno mani yamura mumahono kabandu banamusandia paka arunge rikobi riosi. ³⁵ Baba womuikulu yosi yabahole ario nimurarehera basieng'u hurula mumioyo kieng'u."