¹ Nibaamala chindalo chisasaba Yesu yabukula Petero, Yakobo nende Yohana mwanangina, nabaninia lugulu lurambi nibabasa bong'one. ² Yakaluhania ifwani yaye imberi wabwe. Obweni bwaye bwahasa ngeliuba, nechingubo chiaye chia ng'enang'ena chiaba ngeitaya. ³ Handi ringala, abwenao balolohana Musa nende Eliya nibalomaloma naye. ⁴ Petero yakalusia nabolera Yesu ari "Omwami, nebilayi mbwe huriano.Nohera Ndembaha ano bikari bidaru - silala nesiao, esiohubiri nesia Musa, nesindi nesia Eliya." ⁵ Ngayari nasilomaloma, eriresi rirachari riababodohana ne omwoyo kwarulamo nikubola kuri "Uno nomusiani wange wandahera handi ndi nende obusangafu naye, murekeresie siabola." ⁶ Abeki baye nibaurira bario, bakwa asi handi bari noburi bungi. ⁷ Yesu yecha yabadiraho nabola ari " Musingire handi muraria." ⁸ Nibakingula chimoni akulu, sibalola mundu yosiosi omalaho Yesu yong'one. ⁹ Ngabari nibehirira hurula hulugulu, Yesu yababolera ari "Muraboleraho omundu yosiosi paka hula ngomusiani womundu yalamuhe hurula hubafu." ¹⁰ Abeki baye bamureba bari "Husina abandiki bamalako babolanga bari Eliya niewaharangire hwicha? ¹¹ Yesu yakalusia nabola ari "Eliya yaheche ofunula bindu biosi. ¹² lakini mbabolera, Eliya yamala hwicha nesibamumanya. omalaho mbu bamuholera bibadaha. Mungira yeneyo omusiano womundu yosi yahasande himihono kiabwe. ¹³ Abeki nabo bamanya mbu abalomalomera hu Yohana omubatisia. ¹⁴ Niboola humuhung'ano, womundu undo yamusikamira nabola ari ¹⁵ "Omwami lorera omwana wange sisa, ari neindulume handi achunwa muno. Akwichanga mumuliro kata mumachi. ¹⁶ Murerire imberi wabeki bao, ne sibanyala omuonia." ¹⁷ Yesu yakalusia nabola ari, "Olwibulo lurasubira handi olwakora, ndamenye nang'u hula rina? Ndasanda nang'u hula rina? Mumurere ano." ¹⁸ Yesu yalabira sihieno, siamurulamo mani omusiani oyo yaona hurula sihesio. ¹⁹ Abeki bechera Yesu mubwekisi nibamureba bari "Husina efwe hwahirwa orusia sihieno? ²⁰ Yesu yababolera ari nohubera risubira rieng'u nerididi. Mbabolera adieri, nori nelisubira kata rididi ngeimuo ya haradari, onyala obolera lugulu luno ori 'Rulano osegeria,' nolugulu lusega handi siumao siamuranyala ohola. ²¹ Ne esihiendo ngasino siinisibwasa nohulama nohuboya. ²² Ngabari nibasimenyire Galilaya, Yesu yabolera abeki baye ari "Omusiani womundu yarebwe mumahono kabandu, ²³ Handi bamwire neindalo yohudaru yakingulwe akulu."Abeki bari nesibera singi. ²⁴ Nibola Kapernaum, abandu basolosiangia obusuri becha hu Petero nibamureba, "Omwekesia weng'we arunganga obusuri?" ²⁵ Yakalusia ari "yee."Petero niyengira munyumba, Yesu niewarangira olomaloma naye nabola ari "Opara orie, Simoni? Abami bomusialo basolosiangia obusuri hurula ena? hurula hubasiani babwe kose hubandu bandi? ²⁶ Petero yakalusia ari "Hurula hubandu bandi. Yesu yabola ari basiani bari barehule. ²⁷ Lakini nihwenya ohonya basolosi bobusuri, chia munyanja, olakasie rilobo, ohwese ing'eni irangira. Nomala ofunula munwa kwayio, onanyola isekeli. Ibukule mani ochie orunge obusuri bwao nende bwange."