¹ Biecha biaba mbwe Yesu niyamala chimbosi chino, yarula Galilaya yecha musialo sia yudea, ingereha yomwalo kwa Yorodani. ² Omuhung'ano muhongo kwamulonda handi yabaonia. ³ Abafarisayo bamwichaho, humutema nibaboola bari "Amalako kakanyira mundu orehana nomuhasi waye humbosi yosiosi? ⁴ yesu yakalusia nabola ari "Murasomaho mbwe owabalonga muhuchaka yabalonga musacha nomuhasi? ⁵ Owabalonga yosi yabola ari 'Humbosi ino omusacha yarehe samwana nende ng'ina, mani yahepade humuhasi waye, handi bosi babiri babe mubiri mulala. ⁶ Haro sibari babiri, nomubiri mulala. Huako, esia Nyasaye yambanisie alala omundu arakabula. ⁷ Bamubolera bari "Husina Musa yarubolera mbu hunyala omuberesia ibarua yohurehana norulao omwirusia? ⁸ Yabakalusia ari "Hulwemioyo midinyu, Musa yabakanyira hurehana nabahasi beng'u, ne hurula hare sibiari birio. ⁹ Mbabolera endi, owirusia muhasi waye arali hulwobucheke nakeka undi aba aholire likosa liobuyirani. ¹⁰ Abeki babolera Yesu bari "Nibiri birio akari womusacha nomuhasi waye, nebilayi ohaya okeka." ¹¹ Ne Yesu yababorera, "Siburimundu onyala okanya imbosi ino, nibaria ababeresebwa. ¹² Baruo bandu Abachiri abebulwa bario hurula munda, nebaruo bachiri abaholwa bario nabandu, handi baruo bachiri ebehola bachiri hulwobwami bwomuikulu. Onyala okanya amekesio kano leha akanye. ¹³ Bamurerera abana baere, abageng'eho mihono alala nende obalamira he abeki nabo babalabira. ¹⁴ Ne Yesu yabola ari "Murehe abana baere banjicheho handi murabakaira hunjichaho hubera obulamu bwomuikulu nobwabu. ¹⁵ Yageng'a mihono hubana mani narulao. ¹⁶ Omundu yecha hu Yesu mani nabola ari "Omwekesia, Holeho silayi sina hunyole bulamu burabwa?" ¹⁷ Yesu yamukalusia ari "Husina nundeba ori silayi sina, esilayi nisilala siong'one, neniwenya hwingira mubulamu, rinda malako." ¹⁸ Omundu Oyo yamureba ari malako sina?" Yesu yamukalusia ari "Orera, orayirana, oreba, orabeya, ¹⁹ Beresia larao nende mao siribwa handi ohere wasio ngewe omwene. ²⁰ Omusiani oyo yamubolera ari "Bindu bino biosi marire ohola. Nisina esidong'ire?" ²¹ Yesu yamubolera ari "Niwenya oba abwene, chia okusie emiandu kiao kiosi, oberesie abaumanabio ne onaba nesibihiro muikulu; mani wiche unonde. ²² Omusiani oyo niyaurira aka Yesu yabola, yabwao nari nesibera muno hubera yari nemiandu mingi. ²³ Yesu yaborera abeki baye ari "Mbabolera adieri, nebidinyu muno omundu muyinda hwingira mubwami bwomuikulu. ²⁴ Handi mbaborera, nebiangu muno Ingamia hubira murina rieisindani ohira mundu muyinda hwingira mubwami bwa Nyasaye." ²⁵ Abeki nibaurira ako bauka muno nibabola mbwe "Wina, haro, onyala huonisibwa?" ²⁶ Yesu yabaringala mani nabola ari "Hubandu, bino sibinyarihana, ne hu Nyasaye bindu biosi binyarihana." ²⁷ Petero yakalusia nabola ari "Lola, hurehire bindu biosi mani nihuhulonda. Haro nafu hwanyole sina?" ²⁸ Yesu yababolera ari "Mbaborera adieri, Mulwibulo luyiaha, omwana womundu niyehala husisala siaye sioluyari, eng'we abanonda mwosi mwahehale hubisala bihongo rihumi nende bibiri, nimuruka chikabila rihumi nende chibiri chia Isiraeli. ²⁹ Burimundu owareha chinyumba, bamwanang'ina, bambocho, samwana, ng'ina, abana kata mikunda, hurira riange yahanyole mara imia ndala handi yahabe nobulamu burabwa. ³⁰ Abangi abarangira baabe inyuma, ne abari inyuma baabe imberi.