¹ Esiha sienesio, Herode (the tetrarch) Yaurira ifuma ya Yesu. ² Yabolera abahosi baye, "Uno ni Yohana Omubatisia; alamuhe hurula mubafu. Mirimo mihongo kino nekiaye." ³ Herode yadira Yohana, yamuboya, yamura mujela huluohubera Herodias, omuhaye wa Pilipo mwanang'ina. ⁴ Yohana yamubolere ari "nerwanyi wamalako ewe hubukula omuhaye wamwanamao" ⁵ Herode yari yahamwirire lakini yariabandu hubera bandu bari bamanyire mbwe Yohana nomunabii. ⁶ Inyanga yohupara huibulwa hwa Herode, omuhana wa Herodias yahina paka yasangasia Herode. ⁷ Yesinga ari siosi siosi sianasaba anamuba. ⁸ Yakererwa nende ng'ina narulao abola ari "Mberesie Omurwe kwa Yohana Mubatisia hulusinia. ⁹ Omwami yasiniha muno ne hubera yari yesingire imberi yabakeni abo bosi, Yalakirisia ari biehole birio. ¹⁰ Yarumana Yohana yahengwa murwe mujela. ¹¹ Omurwe kwaye kwarerwa hulusinia mani baberesia omuhana, yayirira ng'ina. ¹² Abeki ba Yohana becha babukula mubiri bachia basiha. ¹³ Yesu niyaurira kano, yarulao mubwaro mani yachia abandu bauma. Abandu nibaurira, bamulonda namakulu hurula muchitauni. ¹⁴ Yesu yecha imberi wabwe yalola omuhung'ano muhongo. Yabalolera sisa mani yaonia abalwaye. ¹⁵ Nibiola sichiambo, abeki baye bamwichaho nibabola bari "Ano nabundu aumao bandu, nebiha bichiire muno. Sebula omuhung'ano, bandu bachie muchingongo bekulire biahuria." ¹⁶ Yesu yababolera ari "Sibahoire obwao. Mumaberesie sindu barie." ¹⁷ Nabo bamubolera bari "Huri nende migati kiranu nende ching'eni chibiri. ¹⁸ Yesu yabola ari "Munderere biosi ano." ¹⁹ Yesu yabolera omuhung"ano kwosi behale asi hubunyasi. Nabukula migati kiranu kiria neching'eni chibiri. Yaringala akulu muikulu, yagweja mani nafunaka migati kiranu ekio, yaberesia abeki baye, ne abeki baye baberesia omuhung'ano. ²⁰ Bosi balia mani bekura. Barulao nibabusia bimeka biebiahulia bidong'ire, biechula ebikapo lihumi nende bibiri. ²¹ Bosi abalia bola chilifu chiranu norabarire bahasi nabana. ²² Siha esio yakera abeki baye bengira mubwaro baunguha ingereha naye nadong'a osebula muhung'ano. ²³ Namala osebula muhung'ano, yanina lugulu yong'one ochiolama. Sichiambo nisiola yarisa yong'one ²⁴ Obwaro bwari are muno handi bwari busindihwa namafwinda hubera muyaka kwari mungi. ²⁵ Ebiha biechisa chine chiesiro, Yesu yabechaho nakenda humachi. ²⁶ Abeki baye nibaalola nakenda humachi, mioyo kiabu kiasanda muno babola bari "Nesihieno" handi barira muno noburi. ²⁷ Ne Yesu yalomaloma nano bihebio ari "Mujing'e! nesie! muraria." ²⁸ Petero yamukalusia nabola ari "Omwami, nari ewe, njekesie siosi hwicheho humachi." ²⁹ Yesu babola ari "Icha." Mani Petero yarula mubwaro yakenda humachi nachia hu Yesu. ³⁰ Ne Petero niyalola omuyaka nikuucha biamani, oburi bwamwamba. Ngayachaka hwibira, yarira nabola "Omwami, monie!" ³¹ Sihesio Yesu yakolola muhono kwaye, yadira Petero, namubolera ari "Oriwerisubira rididi, husina noria?" ³² Yesu nende Petero nibafunya mubwaro, omuyaka kwakama oucha. ³³ Abeeki abaari mubwaro bamwinamira nibabola bari "Nobwadieri newe mwana wa Nyasaye." ³⁴ Nibamala ounguha ingereha, bola musialo sia Genesareti. ³⁵ Abasacha bomusialo muria nibamanyirisia Yesu, baruma chimbosi buri abundu handi bamurerera burimundu owari omulwaye. ³⁶ Bamusaba mbwe nakanya badirehosa ingubo yaye, nebosi abaidiraho baona.