¹ Husiha esio Yesu yachia inyanga ya Sabato nalonda akari mweindalo ya madimwa. Abeki bays baurira injala mani nibakema amarwi kamadimwa nibalia. ² Ne abafarisayo nibalola bario, babolera Yesu bari "Lola, abeki bao ngabahola siamalako kakana inyanga ya Sabato." ³ Ne Yesu yababolera ari " Simwasoma aka Daudi yahola nari neinjala alala nende bandu barinaye? ⁴ Yachia munyumba ya Nyasaye yaria migati kia sakramenti rwanyi wa amalako handi rwanyi wamalako hubandu bayari nabo. Abayali bong'one niebakanyirwa olia bindu ebio. ⁵ Murasoma mumalako mbwe hunyanga ya Sabato Abayali bomukanisa bahola inyanga ya Sabato Ne bauma makoso? ⁶ Nasi mbabolera mbu owamani ohira ikanisa ariano. ⁷ Nina mbu mumanyire mahulundu kabino, Ndekomba sisa Alana musango,' simwahahengere musango abauma makoso. ⁸ Omwana womundu nomwami weisabato." ⁹ Yesu yarulao Yachia musinagogi yabwe. ¹⁰ Ne mwarimo omundu owarema muhono. Abafarisayo bamureba mbu "Malako kahukanyira oonia mundu inyanga ya Sabato? haro hubamusitake huluohuhola amabi. ¹¹ Musacha sina hweng'we, naba nerikondi rilala, mani rikwe murina inyanga ya sabato, nahaya orirusiamo? ¹² Omundu sari neinengo yakulu ohira rikondi! Huako, malako kakanyira ohola malayi inyanga ya Sabato. ¹³ Yesu yabolera mundu oyo ari " Kolola muhono kwao" Yakolola muhono mani kwaona kwafanana nende kundi kuria. ¹⁴ Ne abafarisayo barulao bachia opanga kori ngabanyala omumala. ¹⁵ Yesu niyamanya kano yarula abunduao. Abandu bangi bamulonda, handi yabaonia bosi. ¹⁶ Yabakania ari barakera yamanyihana. ¹⁷ Mbu kole akaboolwa hubirira humunabii Isaya nabola ari, ¹⁸ Mulole, omusumba wange wandayiera; omuherwa wange, womwoyo kwange kwasangalira. Ndara omwoyo kwange huniye handi yahahengere abesialo musango. ¹⁹ Sananyahana handi sanayokera; omundu yosiyosi sanaurira mwoyo kwaye muchindara. ²⁰ Sanafunaka makada kosikosi; sanasimia muliro kwosikwosi paka ahire sina. ²¹ Handi hurira riaye abesialo bahakane buhonyi." ²² Bamurerera omundu muofu, mudimbe handi owari nesihieno. Yamuonia, mani yalomaloma handi yalola. ²³ Abandu bosi bauka muno mani baboola bari "Omundu uno anyala oba niemusiani wa Daudi? ²⁴ Abafarisayo nabo nibaulira chimbosi chieihono ino, babola mbu "Omundu uno sagolanga bihieno hulwaye mwene omalaho mbu aholangario humani ka Beelsebul, omwana womwami webihieno. ²⁵ Yesu yamanya amaparo kabwe, handi yababoolera ari " Obwami nibukabuhanamo, bufunakwa, handi buli itauni ata inyumba eikabuhanamo siinyala hwema. ²⁶ Saitani niyerusia Saitani, aba akabukanemo. Obwami bwaye bunema Burie? ²⁷ Nibiba mbu njirusiangia bihieno humani ka Beelsbul, ne abasiani beng'u berusiangia bihieno humani kawi? Sino niesikera banabahengera misango. ²⁸ Ne ninjirusiangia bihieno namani ka Nyasaye, biekesia mbu Obwami bwa Nyasaye bwichire ambi neng'u. ²⁹ Omundu yosiyosi anyala arie hwingira munyumba yomundu wamani mani abukule miandu kiaye biaraboyire Omundu Oyo mberi, huyebe miandu? ³⁰ Oyo orari nasi siyanyenya ne uria orebusia alala nasi asalane. ³¹ Haro mbabolera, buri sionono nende manyeko mwareherwe, lakini hunyeka mwoyo mulafu simwareherwe. ³² Yosiyosi owalomelome imbosi imbi humwana womundu, yareherwe lakini yosiyosi olomaloma mabi humwoyo mulafu, siyahareherwe yahaba musialo sino ama musindi isiaheche. ³³ Hwania musala kube mulayi nende biamo biakwo bilayi, biyia musala kube mubi nebiamo biakwo biba bibi hubera omusala kumanyihananga hurula hubiamo biakwo. ³⁴ Eng'we lwibulo lwechinjuha, ngamuri babi munyala murie obola bindu bilayi? hubera munwa kubolanga ebiechula mumwoyo kwomundu. ³⁵ Omundu mulayi obolanga bindu bilayi hurula mubibiho biamalayi mumwoyo kwaye, ne omundu mubi abolanga mabi hurula mubibiho biamabi mumwoyo kwaye. ³⁶ Mbabolera ending inyanga yohuhenga musango, bandu bahekesie buri imbosi yobusiru yababola. ³⁷ Huchimbosi chiao wahire musango handi huchimbosi chiao wahirwe." ³⁸ Abandiki bandi bamalako nende Abafarisayo bamukalusia nibabola mbu "Omwekesia, hwenya olola siekesio hurula huewe." ³⁹ Yesu yabakalusia nabola "Olwibulo lubi handi lwobuyirani lukonya sieksio. Siumao, omalaho omufano kwa nabii Yona. ⁴⁰ Yona ngayamala bideere bidaru nende biro bidaru munda yeing'eni nielwomusiani womundu yamale bidere bidaru nebiro bidaru muloba. ⁴¹ Abandu ba Nineve bahasingire inyanga yohenga musango nende olwibulo luno handi bahaluseye. Hubeera bekanira bibi biabwe muhuyala hwa Yona, Lola mbwe uria orimuhongo ohiraho Yona ariano. ⁴² Malikia wemwalo yaheme inyanga yohengera basacha bolwibulo luno musango handi yaluhaye. Yarula musiakamo siesialo hwicha ourira makesi ka Solomoni, lingala, uria ohiraho Solomoni ariano. ⁴³ Ne omwoyo mubi nikwarula mumundu kulondanga musialo siomu nikukonya akunyala ouluha nisikunyola. ⁴⁴ Nikurulao kubola mbu 'Ndakaluha munyumba yange yandaleha.'Nikwola nikunyola niri bihaya handi yeyirwe handi ipangirwe bilayi. ⁴⁵ Kufunyayo nikwenda kindi saba, mibi kiene nibecha omenyomo. Haro obulamu bwomundu oyo buba bubi muno ohiraho nga bwari. Biabesa birio nende olwibulo lubi luno". ⁴⁶ Nasilomaloma nabandu, ng'ina nende bamwanang'ina bari bemire rwanyi nibekomba olomaloma naye. ⁴⁷ Omundu undi yamubolera ari "Lola, makoo nende bamwanamao bemire rwanyi benya olomaloma Nawe. ⁴⁸ Ne Yesu yakalusia mundu oyo, nareba ari Mama niwina, ne bamwanama nabari? ⁴⁹ Yakolola muhono nasiomia abeki baye nabola ari "Ringala, abo niemama nende bamwanama. ⁵⁰ Hubera yosiyosi ohola ohwenya hwa Baba orimuikulu, oyo niye mwanama, mbocho nende mama."