¹ Biari mbu Yesu niyamala oruma abeki baye lihumi nende babiri yarulao yachaka hwekesia noyala muchitauni chiabwe. ² Yohana nari mububoye naurira bihole bia Yesu ahola, yaruma abeki baye babiri. ³ Namureba mbu, "Newe wabolwa mbu waheche, kose hukonye undi? ⁴ Yesu yabakalusia nabola ari "Muchie mubolere Yohana biamulolire nende biamuurire." ⁵ Abofu balola, abarema bakenda, abamekere bosibwa, abadimbe baurira handi abafu balamusibwa ne imbosi ya Nyasaye iyalirwa abamanani. ⁶ Yosi oregumula hulwange noweihabi. ⁷ Nibamala obwao Yesu yachaka olomaloma chimbosi chia Yohana, ⁸ "Mwachia olola sina musichimi, erikada ridengeyisbwa nomuyaka? Adieri bandu bafwala chingubo chindorodoro bamenya muchinyumba chiabami. ⁹ Mwarula rwanyi olola sina, - omunabii? Ee mbabolera handi Juno ohiraho munabii. ¹⁰ Uno nie wabandika bari "Lola, mbao nduma omurumwa wange imberi yobweni bwao, owahwanie ingira yao. ¹¹ Mbabolera obwadieri endi mubandu bebulwa nabahasi, aumao omundu muhongo ohira Yohana mubatisia. Ne kata mundu mudidi ohira bosi mubwami bwomuikulu amuhira. ¹² Hurula huchindalo chia Yohana mubatisia hula rero, obwami bwomuikulu buli neminyahano ne abandu bamaino babubukula namani. ¹³ Abanabii nende amalako kabolwa paka hula hu Yohana. ¹⁴ Ne nonyala okanya, ni Elija owahoya hwicha. ¹⁵ Ori namarwi kaurira, reha aurire. ¹⁶ Ndafwanania lwibulo luno nasi? Birisa ngabana bayere nibehale husiro nibalanga basiabu. ¹⁷ Babola bari Hwabobera rirere, nang' u mwahaya ohina. Hwecha masika nang'u mwahaya orira . ¹⁸ Yohana yecha nararia mugati atasa ong'wa ifini, nibabola mbwe arinesihieno. ¹⁹ Omwana womundu yecha naria handi nang'wa, nebabola bari "Ringala, nomuimani handi nomumesi, omwicha wabasolosi bobusuri nende abaholi bamabi. Ne amakesi kalondohana nende bihole." ²⁰ Yesu yachaka ochara echitauni chiayaholamo chihono chiaye hubera sibekanira amabi kabwe. ²¹ (Woe to you) Chorazin! (Woe to you) Bethsaida! Chihono chino chiehorere mu Tiro nende Sidoni echiehola mweng'we, baba bekanira hare mumagunia nende rikohe. ²² Mbabolera biabe bilayi hu Tire nende Sidoni inyanga yohenga musango ohiraho hueng'we. ²³ Ewe Kapernaum, opara mbu wahakingulwe muikulu? haba, wahehisibwe asi mu Hadesi. Hubera chihono chiaholwa mweng'we nichiaheholere mu Sodom, yahabereo atarero. ²⁴ Ne Mbabolera endi biahabe biangu mu Sodoma inyanga yohenga musango ohiraho mweng'we ²⁵ Esihasienesio Yesu yabola " Hupaka, Baba, omwami womuikulu nende sialo hubera wakisa chimbosi chino hubakesi handi barekerefu, nofunulira banabaere. ²⁶ Ee Baba; bino bialoloha bilayi mumoni chiao. ²⁷ Bindu biosi ndaberesebwa nende Baba; Aumao mundu omanyire omusiani omalaho Baba Ne aumao mundu omanyire Baba omalaho omusiani nende uria womusiani ayiera namwekesia. ²⁸ Mwiche hwesie eng'we mwosi abasanda nimuri nemisigo, ndabaulusia. ²⁹ Mukinge ijoki yange handi mweke hwesie hubera ndi mudemberefu nende omwoyo kwaasi, Ne munaulusia mioyo kieng'we. ³⁰ Ijoki yange neinyangu, nomusigo kwange kwosi nomwangu.