1 . Naye narula ebwene eyo niyecha musialo siabwe; abeka baye nibamulondakho. 2 .Ne ngolwa inyanga ya sabato yali niyulire, nachaaka okhwekesia musinagogi, nabo abangi abamubulira baukisibwa muno nibabola bari mundu uno arusiena makhuwa kano, ne kano ni makesi sina akaya beresebwa,mbwe kata ebiamakana bikhongo biekhola khumakhono kaye? 3 . Si niuno omwana womubachi omusiani wa Maria musiani wabwe Yakobo nende Joses nende Yuda nende Simoni ne bakhana babwe aba khuli nabo? nibasinyisibwa naye. 4 . Naye Yeso nababolera mbwe omunabii khaba khasi ali nende esiribwa musialo siaye, abula , mubandu baye bene, khandi munyumba mwaye. 5 . Ne abwene awo khandi khasi yakhola ebiamakana ebikhongo, arali yabarakho omukhono abalwaye badiidi nabaonia. 6 . Naukisibwa nende okhurasubira khwabwe, mani nachia muchingongo chiabwe niyekesia. 7 . Nabalanga owayali balia ekhumi nababiri nabaruma babiri babiri nababeresia obunyala akulu webikhieno; 8 . Nabalagira oburakinga esindu siosi mulukendo lwabwe, arali indausi yong'ene, kata amapesa muchisao chiabwe. 9 . Arali bafwale ebilaro biabwe, khandi barabukula echingubo chibiri. 10 . Khandi nababolera mbwe abundu woosi woosi ewa mwingiramo mumenyemo khula nga mwakharule abundu awo. 11 . Ne yesi oramwingisia eng'we, kata khurababulira nimurula eyo musisimule olufu olwamakhulu keng'we okhuba obuloli akulu wabwe. 12 Nibarulao nibayala mbwe bandu bekanire echimbi. 13 Nibarusia ebikhieno bingi nibabakha amafura, abangi bali abalwaye nibabaonia. 14 . Omuruki Herodi nabulira okhulondana naye okhubera ifuma yae yasalira buli abundu nabola, mbwe Yokhana omubatisia abukhire okhurula mubafu mani akamakana mangi kekholekha muniye. 15 . Abandi nibabola mbwe ni Eliya. Nabandi nibabola mbwe nomunabii, kose mulala khubanabii. 16 . Ne ngolwa Herodi yabulira khukenako yabola mbwe ni Yokhana, owa ndakhengakho murwe; yabukhire okhurula mubafu. 17 . Okhubera Herodi mwene yali narumire bamundire Yokhana, mani bamuboye mububoye okhubera Herodia omukhayo wa Filipo omusiani wabwe owa yali namudekhisie. 18 .Okhubera Yokhana yali namubolere Herodi mbwe hasi birimumalako ewe okhubukula omukhasi womusiani weng'we. 19 . Mana Herodia naba nende obusolo ninaye kata yakhamwirire arali siyanyalirwa khaba. 20 . Okhubera Herodi yamuria Yokhana namanyire mbwe Yokhana yali omundu omukololofu handi omutakatifu, namulonderera ne ngolwa yali nabulire mbwe yakhola ebindu bingi nabulire obusangafu. 21 . Ne ngolwa inyanga ikhoyera yola, Herodi nakhola ebiakhulia ebieingolobe inyanga yokhwibulwa khwaye khubakhongo baye abakhongo ba maye, nende abemirisi be chingongo chikabukhane echia Galilaya 22 . Ne ngolwa omukhana wa Herodia yengira nakhina namukheresia Herodi nende boosi abali ninaye omuruki namubolera omuraga, mbolere siosi esiawekomba, mani nange ndakhuberesia. 23 . Mani khandi namwechubira, mbwe siosi siosi esia onasaba ndakhuberesia, okhula kata hakari yobwimi bwange. 24 . Mani narula nachia namureb ngina mwana sabe sina? ngina namubolera mbwe saba omurwe okwa Yokhana omubatisia. 25 . Niyengira mulwangu owa omuruki, namureba nabola, nyenya omberesie omurwe okwa Yokhana omubatisia khuluderu. 26 . Mani omuruki naberera lukali, arali okhubera okhwechuba khwaye, nende okhubera balia abayali niyekhale nabo, khaba khasi yanyala okhumukania. 27 . Mani mulwangu omuruki namuruma omukhengi, nalagira omurumwa wakhukhenga hurerwa; 28 mani nachia namukhenga omurwe misikombe namuberesia omubukha naye omubukha namuberesia ngina. 29 . Abeka baye ngolwa babulira, nibecha nibabukula omulambo kwaye nibakwisia mungani. 30 . Abeka ni bakhung'ana alala nende Yeso, nibamubolera ebindu biosi ebiabali nibakholere, nende ebiabali nibekesie. 31 . Nababolera, mwiche eng'we abene abandu mwekabule anyomu, mubulukhe budiidi; khubera khwali nende abangi abechanga nibabwao, nibarabakho nende obweyango obukhulia 32 Abandu wa bali bongene abandu anyomu 33 . Abandu nibabona nibabwao, abangi bali ni bamumanyire niberukha nibacha khumakulu okhurula mumadokho kosi, nibabarangirira nibakhung'ana owayali. 34 . Naye Yeso ngolwa yarula erwanyi, yalola abandu bangi, yababonera esisa , khubera bali kori amakondi kabula omwayi; nayenachaka okhubekesia, ebindu bingi. 35 . Ne inyanga ngolwa yali nibwere abeka baye nibamwichira nibamubolera; abundu ano nanyomu, ne khandi ebikha bimalire okhunwa. 36 . Balekhule babweo mbwe bachie musialo siosi nende muchingongo bekulire abiakhulia okhubera khaba khasi bali nende esiabalia. 37 . Nabakalusia nababolera mubaberesie esiokhulia nabo nibamubolera mbwe khunyala khwuchia khwekula emgati ekiechidinari echimia chibiri khubaberesie balie? 38 . Naye nabareba mbwe muli nende migati kinga? muche mulingere. Ne ngolwa babona nibakalusia bari, emigati kirano nende echingeni chibiri. 39 . Naye nabalangira babekhasie mumikanda mubunyasi bubisi. 40 . Nibekhala mumikanda muchimia nende mumakhumi karano. 41 . Ne ngolwa yali niyakhabukula emigati kirano nende eching'eni chibili nalingera mwikuli nakhuba orio, nafunaka emigati naberesia abeka bababelesie nabakabila eching'eni chibili boosi. 42 . Nibalia boosi nibekura. 43 . Nibabusia ebimwero ekhumi na bibiri ebiandong'a ebidonye alala nende eching'eni. 44 . Nabalia emigati bali ambi echilifu chirano abandu abesisacha . 45 . Mani nabalagira abeki baye bengire mubwangu muliaro bachie elubeka lwa Bethsaida, nabasebula abandu boosi. 46 . Ne ngolwa ayali nabasebula nachia mulugulu okhulama. 47 . Ne ngolwa bwali nibwirire eliaro liali akari we inyanja naye nadongere khulukuku yeng'ene . 48 . Nabalola nibanyakhana mukhufuka obwaro okhubera omuyaka kwali omungi nikurabafukirira: ne musiro akari niyecha owabali, nakenda akulu weinyanja, ambi khubabilakho. 49 . Ne ngolwa bamulola nakenda khumachi, nibapara mbwe ne sikhieno,nibayuula. 50 . Khubera boosi bamulola nibabeyabeya. Mulwangu nalomaloma ninabo mweberesie omwoyo esie ni sie muraria khaba. 51 . Mana nabachiira muliaro, ne omuyaka nikwakama, nibaukisibwa abene okhubira esikero bauka. 52 . Okhubera sibaukisibwa nende ebiamakana ebiemigati okhubera obwomu bwemioyo kiabwe. 53 . Ne ngolwa bali nibambukhe, nibola mu sialo esia Abagerasi, nachia khulukuku lwe inyanja. 54 . Nengolwa barula muliaro, abwene ao nibamumanya. 55 . Niberukha nibabodokhana ebimeka biosi nibakinga musitanda boosi abali balwaye, buli abandu wababulira mbwe achire. 56 . Ne abandu boosi owayengira,muchingongo, kata mumadokho kosi musialo, babaalisia abalwaye khuchingira, nibamusaba mbwe badirekho khulikemo eliechingubo chiaye ne ngolwa abangi banyola okhuona.