¹ Manu nibamwichira alala Abafarisayo, nende abalala khubandiki, abarula Yerusalemu. ² . Ne ngolwa babona abeka baye nibalia emigati nibamaliye, okhubola mbwe, oburesabire, amakhono nibalola obubi. ³ . Okhubera abafarisayo nende abayaudi bosi, nibaresabire ebilayi amakhono kabwe, khaba khasi balia, khulondana nende emilukha kia abakofu. ⁴ . Khandi nibarula khusiro, nibareyosisie khaba khasi balia. Nende ebingi bindi ebiriwo, ebilagirwa nibo okhudira kori okhwosia ebikombe nende echindamu nende ebindu ebiamang'inies nende echimesa. ⁵ . Manu Abafarisayo nende abandiki nibamureba, khulwasina abeka bae khaba khasi balondanga emilukha ekia abakhulundu, balia nibaresabire amakhono? ⁶ . Nakalusia nababolera, naabwene omunabii Isaya yabola obunabii khu eng'we abekaadi, ngolwa kandikwa, abandu bano bamberesia esiribwa khuminwa sa, arali emioyo kiabwe kiri ale ninange. ⁷ . Khandi okhunyinamira khwabwe nokhukhaye nibekesia amekesio nende amalako akabandu. ⁸ . Nibalekha okhudira amalako aka Nasaye nibadira amekesio kabandu, kori okhwosia echisiongo nende ebikombe, nende ebindu ebingi ebifwana birio ebiamukholanga. ⁹ . Manu khandi nababolera, ni abwene mulekha amalako ka Nasaye nimudira amekesio keng'we abene. ¹⁰ . Musa yabola,richanga soo nende mao, khandi yesi ouchuba samwana kose ngina afwe lifwa. ¹¹ . Nang'we mubola, omundu nabola khusamwana kose khunginamwana, mbwe ni koribani nibio okhubola, esianwa esikhoyere okhuberesia obukhala okhurula khu esie abula okhukhalakirwa ali omulekhule. ¹² . Handi samufukirira omukholera elikhuwa samwana kose ng'inawae. ¹³ . Akhola elikhuwa lia Nasaye okhubula amani khubirira mumilukha kieng'we, ekia mwanunula nende ebindu bingi ebifwana birio. ¹⁴ . Ne ngolwa yali nabalangire abandu boosi ayali, yababolera, mumbulire buli mulala khu eng'we, mani mumanyirisie. ¹⁵ . Sibulao esindu siosi esirula erwanyi womundu, esimwingiramo esinyala okhumumaliyia ¹⁶ . Omundu yesi olinende amarwi abulire. ¹⁷ . Ne ngolwa yali niyengira munyumba okhurula mubandu, abeka baye bamureba okhulondana nende olukado olwo. ¹⁸ . Mani nababolera, engwe mwesi mubula obumanyirisi? khaba khasi mumanyire mbwe esindu siosi esimwingira omundu haba khasi simwingira mumwoyo, simamaliyia; ¹⁹ . Okhubera khaba khasi simwingira mumwoyo arali munda yae, ni birula nachia esibakala yabihola ebiakhulia biosi bilafu? ²⁰ . Nababolera mbwe, esirula mumundu, nisio esimumaliya. ²¹ . Okhubera okhurula mukari mwomundu, okhurula mumwoyo kwabandu, khurulamo amaparo mabii, obudamba, obuyirani, obwiri ²² . Obwibi obwekombi bubii, obubacha, obumonyani chimoni chimbi manyeko. ²³ Amakhuwa mabi kano koosi karula mukari, ne niko akamaliyiangia omuundu. ²⁴ . Manu nasingira, nachia khumipaka ekia Tira nende sidoni, niyengira muyumba narekomba omundu yesi okhumanya arali siyanyala okhwekisa. ²⁵ . Okhubera omukhasi undi, owa mukhana waye yalimo rokho omubi yamubulira, yecha nakwa mumakulu kaye. ²⁶ . Omukhasi oyo yali omuyunani, omuserofana mukhwibulwa; namusaba mbwe yerusiemo esikhieno okhurula mumukhana waye. ²⁷ . Naye Yeso namubolera, lekha abana mberi bekure okhubera khaba khasi bikhoyere okhubukula ebiakhulia bia omukati kwa abana, mani osukunire echimbwa. ²⁸ . Naye namukalusia namubolera eee, Omwami echimbwa chiosi echiri asi weimesa chilichanga ebidong'ere. ²⁹ . Naye namubolera omukhasi okhubera okhulomaloma khwao bwao; esikhieno simalire okhumurulamo omukhana wao. ³⁰ . Ne ngolwa yola munyumba mwaye, yanyola esikhieno nisimuruliremo, omukhana nakonere khusitanda. ³¹ Khandi, niyakharula khulukuku lwa Tiro nende Sidoni, niyecha khunyanja ya Galilaya nabirira akari wa olukuku lwa Dekapoli. ³² Nibamurerera omundu wali omudimbe, khadi yali nende esirimi mukhulomaloma khwaye, nibamusaba okhumurakho omukhono . ³³ . Manu namurusia mumukhung'ano nasiba amarwe kaye nende chinjala nafucha mare nadira khululimi lwaye. ³⁴ . Nalingera mwikulu namuyerera, namubolera, Ephphatha okhukalula mbwe; ikukha. ³⁵ . Abwene na bwene amarwi kaye nikekukha, ne olusia olwolulimi lwaye nilibololokha, nalomaloma ebilayi. ³⁶ Nabalagira oburabolera omundu yesi, ne obungi bwa yabalagira nibwo obungi obwa balandasia echimbosi. ³⁷ Nibaukisibwa okhukhira esikero, nibabola, akholere ebindu biosi ebilayi; akhola abaraulira okhubulira.