¹ . Mani nibachia elubeka lweinyanja musialo esia Bagerasi. ² . Ne ngolwa yarula mubwaro mulwangu yamubukanira okhurula mubirindwa omundu wa rokho omubi. ³ . Owali yamenya mubirindwa yabulao mundu owanyala okhumuboya kata nende eminyororo. ⁴ Okhubera yali naboyerwe nende chipingo nende eminyororo, arali yali nakhalaka eminyororo mwene ne khandi ebidiiri nabikhalaka mubimeka omundu yesi siyanyala okhumudira. ⁵ . Khandi buli lwosi esiro nende esidere yabechanga muchingulu nende mubirindwa nalira niyekhenga omwene nende makina. ⁶ . Ne ngolwa yamulola Yeso ale, yerukha namwinamira. ⁷ . Nalira nende omwoyo mukhongo nabola, oli nange sina Omwana wa Nasaye mukhongo? khusaba imberi wa Nasaye orasasia khaba. ⁸ . Okhubera yamulanga murulemo omundu oyo ewe rokho mubi. ⁹ . Mani namureba olangwa wina? naye nakalusia nabola elira liange nilio legion okhuba khuli abangi. ¹⁰ . Nibimusaba mbwe, orarwirusia okhurula musialo. ¹¹ . Abwenao ambi nende olugulu chaliwo echimbichi omukanda nichiayanga. ¹² . Ne ebikhieno biosi nibimusaba nibibola rurume muchimbichi khunyale okhwingiramo. ¹³ . Manu Yeso nafukirira ebikhieno ebio bimanu nibimurulamo nibingira muchimbichi: manu omukanda kwechimbichi nikwikhirira mumwikhiriro nikwingira munyanja chiali ambi nende echilifu chibiri nichifwira munyanja. ¹⁴ . Abayi bechimbichi nabo niberukha nibakana mulidokho nende musialo. Abandu nibacha khulola ebiali nibiekholekhe. ¹⁵ . Nibeecha khu Yeso nibanyola ulia owalimo ebikhieno nende emilegion niyekhale niyefwalire chingubo nali ebilayi mumakesi nibaria. ¹⁶ . Nabo abali nibabwene nibabakanira esiali nisiekholekhe khumundu webikhieno, nende ebiekholekha khuchimbichi. ¹⁷ . Nibamusaba mbwe aruleyo khunyanja yabwe. ¹⁸ Ne ngolwa yali niyolere muliaro, uula owali nende ebikhieno namusaba mbwe yekhale ninaye. ¹⁹ Naye Yeso naramufukirira arali yamubolera bwao ochie ingo mubecha bao obabolere amakhongo akomwami akhukholere, nende esisa esia akhukholere. ²⁰ Mani nabwao nacha okhulandasia Dekapolis ebiamakana ebia Yeso yali namukholere; bandu nibaukisibwa muno. ²¹ . Naye Yeso ngolwa yali nachire elubeka lundi muliaro, abandu bangi nibamukhunganirakho nali ambi weinyanja. ²² . Ne lingera yecha mulala khubemirisi besinagogi Jairo eliraliaye ne ngolwa yamulola yakwa mumakulu kaye. ²³ . Namusba muno muno nabola omukhana wange akhirirwe ambi okhufwa: khusaba icha omudirekho omukhono kwao, mbwe abe omulamu, naye anaona. ²⁴ Naye Yeso nachia ninaye nabo abandu bangi nibamulondakho nibamubodokhana. ²⁵ . Naye omukhasi undi owali nadachirira amabanga emiaka ekhumi na kibiri. ²⁶ . Yali nanyakhane mumakhono ka balesi bangi niyekhonyera biosi ebiayali nabio naye siyanyola okhuona, arali yachirira okhuba ebibi. ²⁷ . Ne ngolwa yabulira ari Yeso yecha niyefwindikana inyuma nadirakho ingubo. ²⁸ . Khubera yabola mumwoyo mbwe nindirakhosa khuchingubo chiaye, ndanyola okhuona. ²⁹ . Abwene na bwene okhudachirira okhwa mabanga kaye nikhwakama; niyebulira mumubiri kwaye mbwe aonere mubudinyu bwaye. ³⁰ . Naye Yeso mulwangu niyebulira mbwe amaani kamuruliremo nakalukhanira omukanda nabola niwina odirire khuchingubo chiange?. ³¹ .Abeki baye nibamubolera ewe obona ngolwa omukanda kwa abandu kukederania ne khandi oreba okhudirirekho? ³² . Naye nalingera echimbeka chiosi okhubona omudirirekho. ³³ . Naye omukhasi mukhurengerekha nende khuria namanyire esimwekholekhekho niyeha nakwa amberi waye namubolera obwadieri. ³⁴ . Naye Yeso namubolera omukhana obusubiri bwao bukhuonisiyie, bwao mumulembe oone mumanyakhano kao. ³⁵ . Nasiri nalomalomanga niyecha omulala okhurula munyumba yomuruki wesinagogi nabola omukhana wao amalire okhufwa mbwe sina okhumunyasia omwekesia?. ³⁶ . Abwene awo Yeso ngolwa yabulira elikhuwa eliebola namubolera omuruki wesinagogi oraria khaba ewe subirasa. ³⁷ . Naye narekomba omundu yesi okhumulonda kho arali Petero nende Yakobo. ³⁸ . Mani niyola munyumba yomuruki we sinagogi, nanyola esioka nende abalisi nibalira muno. ³⁹ . Ne ngolwa yengira nababolera mbwe sina mukhola esioka nimulira? omubukha khaba khasi afwire, akonasa ⁴⁰ . Nabo nibamuchekha naye nabarusia bosi erwanyi, nababukula samwana nende ngina omubukha nende balia bosi; abalininaye nibengira owa omubukha yali nakonere ⁴¹ . Namubukula omubukha khumukhono, namubolera, "Talita cumi " elikalulwa mbu , omubukha khubolera ewe singira. ⁴² . Abwene nabwene omubukha nasingira, nakenda okhubera yali niyosisie emiaka ekhumi na kibiri, nibaukisibwa muno okhuuka okhukhongo. ⁴³ . Nababolera mubwalaba mbwe omundu yesi aramanyakho, nabalagira bamuberesie esiokhulia.