¹ Mani nachaaka khandi okhwekesia nali elubeka weinyanja, omukanda omukhongo nikumukhunganira, nikukera niyengira muliaro niyekhala munyanja. Omukanda nakwo kwali khulukuku erwanyi weinyanja. ² Mani nabekesia ebindu bingi muchingado, nababolera mumekesio kaye. ³ Bulire, omuraki yarula nachia okhuraka; ⁴ Ne olunyuma ngolwa yaraka, imwo yindi yakwa khungira amayoni ako mumiyaka nako nikecha nikaiboocha, ⁵ Ne eyindi nikwa khumakina, oweliloba liraliwo lingi, ne mulwangu biamera arali siyayira emisi khulwa obudiidi obwe liloba. ⁶ Ne ngolwa omubasu kwecha nikuisamba, ne okhubera yabula emisii yamala niyooma. ⁷ Ne eyindiyakwa mumabwa, amabwa nako nikakhula nikaifwinyirira niiraamakho ebiamo dawe. ⁸ Ne eyindi nayo nikwa khuliloba elilayi, niyama ebiamo ebingi, nirera amakhumi kadaru, neyindi amakhumi kasasaba, neyindi imia ndala. ⁹ Mani nababolera ari wulia oli nende marwi akabulira, abulire. ¹⁰ Ne ngolwa yali yengene, abali alala ninaye nende balia ekhumi nababiri nibamureba aka olukado olwo. ¹¹ Naye nababolera khu eng'we muberesibwe okhumanya aka obwekisii akabwami obwa Nasaye; ne khubalia ababulao ebindu bino bioosi biikholwa muchingado ¹² Mbwe okhubona babone, arali baramanyirisia; khandi mbwe okhubulira babulira arali okhumanyirisia baramanyirisia, bareecha bakaliukhunisibwa, mani ebionono biabwe bialekherwa. ¹³ Mani khandi nababolera mbwe, eng'we khaba simumanyire olukado luno?, ne munamanya murie echingado chiosi? ¹⁴ Omuraki yaraka elikhuwa. ¹⁵ Ne bano nibo abali khulubeka lweyingira, ewa elikhuwa lirakwa nibamalire okhubulira elikhuwa sietani yecha lwangu nabukula elikhuwa elirakirwe mumioyo kiabwe, ¹⁶ Ne bano nibo abafwanana nende imwo eyarakwa khuliloba elirikhumakina; aba nibakhabulira elikhuwa, mulwangu babulira nende obusangafu; ¹⁷ Arali sibali nende emisii ne bamenya ebikha ebimbikiri; inyuma amanyakhano nende amatemo nikeecha khulwe likhuwa, mulwangu besirala. ¹⁸ Nabo bano nibo barakwa mumabwa balia, ababuliranga elikhuwa, ¹⁹ ni amanyakhano akesialo sino, nende obubacha obwabuyinda nende obwekombi obwe bindu bindi bwingira nibufwinyirira nibulisamba elikhuwa oburaama ebiamo. ²⁰ Ne bano nibo imwo eyarakwa muliloba elilayi, nibo ababuliranga elikhuwa khandi balifukirira, mani baama ebiamo, abandi amakhumi kadaru abandi amakhumi kasasaba, nabandi imia. ²¹ Mani nababolera ari itara bayambianga mani bafunikha musifuria, kose mulwalo lwesitanda? kose khaba sibaigengakho akulu weimesa? ²² khubera esiekisa, esiakhakhaya ololekha; kata sibulakho esiekisa mbwe sikhaye okhumanyikhana. ²³ Omundu yesi oli nende amarwi kokhubulira abulire!" ²⁴ Mani khandi nababolera mwekenderesie ebiamubulira esikero esia okerera wesi wakererwe; na engwe ababulira ebingi mwaberesebwa,. ²⁵ Okhubera yesi oli nabio, anamederwa, naye ulia obula, kata khandi ananyulwa esiali nasio. ²⁶ Khandi nabola mbwe obwami bwa Nasaye bufwanana nende mundu owanya imwo muliloba. ²⁷ Nachia okhweyalisia, naye nabukha esiro nende esidere, nayo imwo niimera khandi niikhula naye naramanya okhukhula khwayo. ²⁸ Okhubera eliloba likhusia ebiamo bialio, mukhuchaka (olubumba, khandi amasafu olunyuma ingano yene khumadere). ²⁹ Ne ebiamo nibiangala abikesa nende ingeso okhubera elikesa liulire. ³⁰ Khandi nabola khunakerania obwami bwa Nasaye nende sina? kose khunakerania sina nende obwami bwomwikulu? ³¹ Bukeranisibwa nende imwo eyelidodo eya noraka muliloba ne indidi muno okhira chimwo chiosi echili khusialo: ³² Arali noyiraka imwo ikhula mani ikhire ebisusulwe biosi mani ibe nende amasaga makhongo: mbwe amayoni akomumiyaka kanyale okhwikhal musinikha siakwo. ³³ Nende chingado chinyingi echifwana chirio yabalomalomera elikhuwa ngolwa babuliramo. ³⁴ Ne khandi arali chingado siyabalomalomera dawe, ne ngolwa bali bongane, yabafunulira abeka baye ebindu biosi. ³⁵ Inyanga eyo ngolwa bwera, yababolera khwambukha lubeka lundi elia. ³⁶ Ne ngolwa bali nibakhasebula abomukanda bamubukula nali muliaro. Alala naye kaliwo amaro kandi amadiidi. ³⁷ Omuyaka omukhongo nikwicha nikuucha muliaro nilichula amachi . ³⁸ . Naye yali niyeyalisie inyuma weliaro niyeyikikhe ipilo nibamusingisia nibamubolera Omwami khaba khasi odeeba kata nikhufwa. ³⁹ . Naye nasingira mani niyalabira inyanja, omulembe buleera ne omuyaka nikwakama ne nikhuba nende omulembe. ⁴⁰ . Mani nababolera mbwe sina nimuba abari? khubera sina mubula obusubiri? ⁴¹ . Nabo nibaria lukali nibabola mulala khuundi, uno ni mundu ofwana arie, mbwe kata omuyaka nende inyanja biosi bimubulira?