¹ Mana niyengira musinagogi, mubwene omwo yaliimo omulema owo mokhono. Nibamulingera, okhumanya niyakhamuonia inyanga ya sabato, banyale khumusitaka. ³ Namubolerea omulema oyo mbwe, singira weme akari wabulimundu. ⁴ Nabareba ari, nebilayi okhola malayi inyanga ya sabato, nokhomba okhola mabi? okhuonia khomba khwira? nabo nibabulera chii. ⁵ Naye yabalingera nende obusinyifu, khulwa emioyo kiabwe miomu, mani namubolera oyo owomukhono mulema mbwe nyira omukhono kwao okwo, mukhono nikukololokha nikuba abwene. ⁶ Abafarisayo nende abaherodia, nibakhola olukhobo khumwira. ⁷ Naye Yeso narulao nende abeka baye nibachia munyanja, omukanda mukhongo nikurula Galilaya nikumulonda kata khula Judea. ⁸ Nende Yerusalemu, Idumea, nende kata imberi wa Yorodani, Tiro nende sidon omukanda mukhongo nibabulira akamangalimwa akayakhola nibamulonda. ⁹ Naye nababolera abeka baye ari obwaro budiidi bumulinde okhubera obungi bwabandu, bwali nibamufwinya. ¹⁰ Khubera yali naonisie abandu bangi, nibadakha okhumudirakho, khubera bangi bali nende inuundu. ¹¹ Abebikhieno bangi, nibakwa imberi waye, nibalira nibabola bari, oli omwana wa Nasaye. ¹² Nabalabira oburabolera mundu yesi dawe. ¹³ Yachia khulugulu nalanga balia abayenya, mani ni beecha. ¹⁴ Manu nababolera ekhumi na babiri babe ninaye abarume okhuyala. ¹⁵ nende okhuba nende amani okokhuonia amalwaye, nende okhuirukhania ebikhieno. ¹⁶ Naye yalobola ekhumi na babiri; Simoni owayaberesia elira mbwe Petero; ¹⁷ Nende Yakobo, omwana wa Zebedayo, nende Yohana omusiani wabwe Yakobo, yabakulikha Boanerges elikalulwa mbwe bana ba okhuandulukha; ¹⁸ nende Anderea, Philipo, Bathelomayo, Matayo, Tomasi nende Yakobo omusiani wa Alifayo, nende Tadeyo nende Simoni omukereno.. ¹⁹ nende Yuda musikarioti owamukhoba nibachia munyumba. ²⁰ Manu khandi abomukanda nibakhungana, nibakhirwa okhulia omukati. ²¹ Abecha baye nibabulira, bachia khumudira khubera babulira mbwe ali yengene. ²² Nabo abandiki barula Yerusalemu babola "mbwe ali nende bikhieno khandi khumukhongo webikhieno belisebuli" ne khumani ako arusianga ebikhieno." ²³ Manu nabalanga owayali, nababolera muchingado, sikhieno siakherusia esikhieno siasie? ²⁴ No obwami bukabukhane bwene, khasi bwakhema dawe. ²⁵ Kata inyumba ikabukhana khasi inyala okhwema khaba. ²⁶ Ne kata kario sikhieno nisikabukhanamo khasi siakhema arali khukwa sa. ²⁷ Omundu yesi siyengira munyumba yomundu wa maani mana anyasie ebindu biaye naramudira yamuboya amubukula amuboye mberi khu anyasie inyumba yaye. ²⁸ Obwadieri mbabolera chimbi chiosi chiabandu cha khalekherwe nende manyeko koosi akayabanyeka. ²⁹ arali yesi onyeka mwoyo mulafu khaba salekherwa, arali yamala okhwingira mumuliro okuralibwayo. ³⁰ Khubera, babola mbwe "ali nende sikhieno." ³¹ Mani nibamwichira abasiani babwe nende ngina, nibema rwanyi, ne nibaruma khumulanga. ³² Ne abomukanda bali naye, nibamubolera bari, lingera mao nende abana beng'we bali rwanyi bakhukonya. ³³ Naye nabakalusia nabola niwina mama, nende abana befwe? ³⁴ Mani nabalingera abali nibekhale ninaye, nabola, "lingera bano nibo mama nende abana befwe! ³⁵ Buli mulala okhola okhwenya khwanasaye omwene oyo niye omusiani nende omukhana wefwe nende mama."