¹ Khandi inyuma we chinyanga Yeso yengira kaperenaumu ne nikamanyikhana mbwe ali munyumba. ² Abandu bangi bebusia okhula khumuliangiro ni bweyango bwosi bwabulao, naye nalomaloma nabo elikhuwa lia Nasaye. ³ Abasaacha bane barera omulwaye wa indulume khu Yeso. ⁴ Nibakhirwa khusuda ambi nende Yeso khulwobungi bwa bandu, bamala bafunula esirama sia inyumba nibekhia omulwaye khu sitanda sia yali nakonerekho. ⁵ Naye Yeso ngolwayalola obusibiri bwabwe, yabolera omulwaye wa indulume ari mwana wange olekherwe chimbi chiao. ⁶ Omukanda kwa baandiki baliwo, bereba mumioyo kiabwe, ⁷ "Khulwasina omundu uno alomaloma makhuwa kabisinyisio? ni wina onyala khulekhera chimbi orali Nasaye yeng'ene?" ⁸ Bikha ebio Yeso yamanyirisia lwangu mu rokho mulafu akabali nibarebananga mumioyo kiabwe. Yabareba ari sina esikera nimwereba makhuwa kano mumioyo kieng'we? ⁹ Sina siangu? okhubolera omulwaye wa indulume mbwe olekherwa chimbi chiao? kose bukha, bukula omufaliso kwao mani obweo? ¹⁰ Ne khumunyale khumanya mbwe mwana wa mundu ali nende obunyala bwo khulekhera chimbi musialo, ¹¹ yabolera omulwaye wa indulume "khubolera mbwe bukha bukula sitanda siao ochie munyumba mwao. ¹² Naye nasingira lwangu nabukula sitanda siaye nabira imberi wabwe, nabo abandu nibaukisibwa muno, nibafumia Nasaye, nibaboola bari khusiiri khulolakho imera nga ino. ¹³ Khandi Yeso yachia khulukuku lwa inyanja, nakwo mukanda kwa bandu kwecha owa Yeso yali naye nabekesia. ¹⁴ Naye ngolwayali nabira yalola Lawi mwana wa Alifayo niyekhale muliyema lia basololi, namubolera ari "nonde" lawi yabukha mani namulonda. ¹⁵ Yeso yali anyolaanga ebiakhulia munyumba ya lawi alala nende abasololi, abakholi bechimbi nende beki baye khuba bali bangi nibamulondere. ¹⁶ Na bandiiki nende bafarisayo nibalola mbwe Yeso alia nende basololi nende bechimbi bareba abeka baye mbwe, "khulwasian Yeso alie nende basololi nende abechimbi?" ¹⁷ Yeso niyaulira akababoola yabola mbwe, "bandu balamu bahenya musirihi; nibaliasaa abalwaye abenya musirihi. Yeso yabola mbwe sindecha khulwa batakatifu khaba arali khulwa bakholi be chimbi. ¹⁸ Bikha ebio beka ba Yohana nende aba Bafarisayo bali ni ba siiba . Abandu becha khu Yeso nibamureba bari, "Khulwasina beki ba Yohana nende ababafarisayo basiiba ,nebeki bao nabo sibasiiba dawe?" ¹⁹ Yeso yababolera ari, "binyalikhana aba mukhungano kwesiserero khusiiba owesiserero mwene nalinabo? sibakhasiiba owesiserero mwene naliwo. ²⁰ Chinyanga chicha echia owesiserero yakharusibweo, nichio chinyanga chiabahasiibe. ²¹ Aumao osonanga esiraka sikofi khu ngubo imbiakha. Siraka siyakha sibasinarandukha khurula khu ngubo ingofu bimanu muno. ²² Aumao orechanga malwa mayakha mundamo ingofu. ²³ Inyanga ya isabato Yeso yabira mundalo ya misabibu ne beki bae bachaaka khufuna ngolwa bachiririra. ²⁴ Abafarisayo babolera Yeso mbwe "linga, khulwasina bakhola akarakhoyera inyanga ya isabato?" ²⁵ Yeso yababolera mbwe, musiri khusomakho aka Daudi yakhola nari nende injala nende abasie bayali nabo. ²⁶ Yachia munyumba ya Nasaye chinyanga chia Abiata yali omukukhani mukhongo nalia migaati chia presence chia mundu yesi yesi arakhoyera kulia dawe orali omukhukhani khandi naberesia balia abayali babo. ²⁷ Yeso yaboola mbwe, "isabato yakasibwa khulwa olwibulo, oburali lwibulo khulwa isabato. ²⁸ khulwa kene ako mwana wa Nasaye ni Nasaye wa Isabato.