¹ Khuchaaka khwe ifanjili ya Yeso Kirisito , Omwana wa Nasaye; Ngolwa kaandikwa mubanabii, "Mbwe lole ² Ngolwa kaandikwa nende munabii Isaya, nduma omurumwa wange imberi khukasia ingira. ³ Idoboosi ya mulala alangirisianga musichiimi, 'kasia ingira yo Owami; musilungifu." ⁴ Yohana yecha, nabatisia musichiimi na yaala khu khubatisia khwo khwekanira nende khuleherwa chimbi. ⁵ Sialo sioosi esia ebuyudea nende Yerusalemu bamuchiakho. Babatisibwe ninaye mumwalo kwa Yorodani nibekanira chimbi chiambwe. ⁶ Yohana yafwala ingubo ya bwoya bwa ingamia nende musibiro kwe liseero musibuno, yalichanga madeede nende buhii. ⁷ Yayaala nabola mbu, owicha inyuma wange nomukhongo khuhira; sikhoyera kata khunguunama khuboya chisia chie vilaro biaye. ⁸ Esie babatisia nende machi arali niye anababatisa nende Roho mulafu. ⁹ Kekholekha munyinga chia Yeso yarula Nasareti eya Galilaya nabatisibwa nende Yohana mumwalo kwa Yorodani. ¹⁰ Yeso ngolwa ya rula mumachi yalola likulu likuhe ni roho yamwihirakho kori eliusi. ¹¹ Idoboosi yarula mwikuli niiboola mbwe, "Uno niye omwana wange muheerwa. Sangasibwa naye." ¹² Manu roho mulafu yamwongosia khuula musichiimi. ¹³ Yaba musichiimi chinyanga makhumi kane, natemwa nende sikhieno. Yali nende bisolo bia musino, ni malaika bamurumihira. ¹⁴ Yohana niyakharebwa musiboye , Yeso yecha Galilaya nayaala ifanjili ya Nasaye. ¹⁵ Naboola mbwe, "bikha biulire no bwami bwa Nasaye buli ambi, mwekanire mani musubire mu injili. ¹⁶ Niyali nakenda khu ndulo khwo mwalo kwa Galilaya yabona simoni nende Anderea musiani wabwe nibara chinjro munyanja khulwokhuba bali banaabi. ¹⁷ Yeso yababoolera mbwe, icha munoonde ndabakhola abanaabi ba bandu. ¹⁸ bikha ebio balekha chinjero nibamuloonda. ¹⁹ Yeso nakendakho budiidi yalola Yakobo nende Yohana bana ba zebbedayo muliaro nibakasia chinjero. ²⁰ Yabalanga manu nibalekha saabwe Zebedayo nende bandu bayali nabukule khumukhonya nibamulonda. ²¹ Becha kaperenaumu, ni inyanga ya sabato Yeso yacha mu sinagogi khwekesia. ²² Baukisibwa nende mekesio kaye, khuba yekesia nende ichwoni okhukhira abandiiki. ²³ Yaliwo musaacha musinagogi owali nende bikhieno, yalira nabona ari ²⁴ "huli nende sina nawe Yeso wa nasareti? yareba mbwe wichire khurusasia? manyire mbwe ori omutakatifu wa Nasaye" ²⁵ Yeso yabialabira nabibolera mbwe mubulere manu mumurulemo ²⁶ Bikhieno biamukwisia asi mani nibimurulamo nibilira nende idoboosi ikhungo. ²⁷ Bandu boosi baukisibwa nibarebana mbwe sino ni siina? Amekesio kaye nikeichwoni kata bikhieno boosi bimuria. ²⁸ Makhuwa kaye kalandaala mulukongo lwa Galilaya lwoosi. ²⁹ Nibakharula musinagogi, bachia munyumba ya simoni nende Andereya alala nende Yakobo nende Yohana. ³⁰ Babolera Yeso mbwe masalangene simoni nomulwaye. ³¹ Yeso yachia namudira mukhono namukingula, nebikha ebio yaona manu nachaaka khubarumikhira ³² Ingolobe eyo liuba niliakhakwa bamurerera abalwaye abaliimo bikhieno. ³³ Mukanda kwoosi kwakhungana amuliango. ³⁴ Yeso yaonia amalwaye koosi narusia kata bikhieno nikhasi yabifukirira okhulomaloma khuba biamumanya. ³⁵ Yeso yabukha mumabwibwi sialo nisisiri esirima nachia mumebiso eyo na saba. ³⁶ Simoni nende balia abayali nabo bamukoonya. ³⁷ Nibamunyoola bamubolera mbwe bandu boosi bakhukoonya. ³⁸ Yeso yaboola mbwe khuchie muchingongo chidi njaaleyo wosi.Nisio esikera ninjicha ano. ³⁹ Yachia Galilaya yoosi nayaala nende okhurusia bikhieno. ⁴⁰ 40 Mukere yamwichakho nasigama namusaba mbwe"Nojama mbonie" ⁴¹ Yeso yamubonera sisa namudira nabola mbwe fukirire wona ⁴² Bikhasa ebio bukere bwamulekha naona. ⁴³ Yeso yamweunja namubolera abweo. ⁴⁴ Yeso yamubolera mbwe orabolerakho mundu yesi yesi dawe abula chaweyekesie khu makukhani mani orusie esianwa ngolwa musa yalakirisia bwebube ngobuloli khu nibo ⁴⁵ Yachia nasalasia likhuwa lukali, kata Yeso siyanyala okhwngira mulidokho mubwakhakhu abula yandongasa khulukongo. kata kario bandu bachiririra okhwicha khu Yeso khurula muchingongo chioosi.