¹ Abwene awo nibukhiere abakhongo babakukhani nibarebana abakhulundu nende abandiki nende abolubarasa [council] nibamuboya Yeso, nibabwao naye nibamwira owa Pilato. ² Naye Pilato namureba, ewe newe omuruki wa bayaudi?" naye namukalusia nababolera, ewe obola orio. ³ Nabo abakukhani abakhongo nibamurakho omusango khulwa ebindu bingi; arali naye siyakalusia esindu siosi dawe. ⁴ Pilato khandi namureba, nabola, khaba khasi okalusiakho sindu siosi? lingera ebindi ebiabarusia obuloli akulu wao. ⁵ Arali naye Yeso khaba khasi yakalusia esindu! mani Pilato naukisibwa. ⁶ Bikha ebio mumukholo olwao nabalekhulira omuboye mulala, yesi yesi owabenya. ⁷ Ne yaliwo omulala olangwa mbwe Baraba, owaboywa alala nende balia abakhola obubucha nende balia abakhola obubacha khulwa khwira. ⁸ Ne omukanda mukhwayula khukhongo bachaka okhwekomba mbwe akhole ngolwa yali nabakholerekho ⁹ Arali Pilato yabakalusia, nabola mwenya mbabolorere omwani wa Bayaundi?. ¹⁰ Okhubera yali namanyire mbwe abakukhani abakhongo bali nibamurusisie khulwe ikhandi. ¹¹ Arali bakukhani abakhongo babachunjubania abandu mbwe nebilayi abalekhulire Baraba. ¹² Pilato nakalusia nababolera ari, nisina esiamwenya khole khu uno owamulanga omuruki wabayaudi ¹³ Nabo nibayule khandi mbwe mumubambe . ¹⁴ Pilato nababolera mbwe mabi sina akakholere? nibayula lukali kali, mbu mubambe. ¹⁵ Ne Pilato okhubera yenya okheresia abandu, nabalekhulira Baraba namurusia Yeso namalire okhumukhuya mbwe abambwe. ¹⁶ Abasikari nibamuira munyumba ikhongo, ilangwa mbwe Practorium nibalanga abomukanda bosi. ¹⁷ Nibamufuala echingubo echeisambarau, nibamurakho khumurwe ingara yamabwa. ¹⁸ Nibachaka okhumukhesia amaakhesio, omuruki wa Abayaudi. ¹⁹ Nibamukhuya khumurwe nende elidaywa nibamufuchakho amare, nibasigama asi nibamwinamira. ²⁰ Manu nibamalire okhumubayirakho, nibamufualula chingubo echeisambarau nibamufuala chingubo chiaye, nibamurusia okhucha okhumubamba. ²¹ Niba muika Simoni omuserano, owali nabira ambi ao, narula erwanyi we sialo, samwana Alexanderi nende Rufus okhukinga omusalaba ²² Nibamurera abundi alang'wa mbwe Gologota, owa nibakalukhania, abundu we esinga. ²³ Nibamuberesia mbwe ang'we ifini eya basasisie nende imanemane mbwe ang'wa naye nakhaya. ²⁴ Naye nibamalire okumubamba, nibakabana echingubo chiaye, nibachikhubira ikura, mbwe buli mulala anabukula bulekaa sina. ²⁵ Chali echisa chidaru nibamubamba. ²⁶ Ne obwandike bwobusitaki bwaye nibwandikwa akulu, "Omuruki wa Bayaudi." ²⁷ Ni alala naye nibabamba abefi babiri, omulala khumukhono kwaye omusacha oundi omukhono kwaye omukhasi. ²⁸ Amandiko nikorerera, akabola, mbwe yabalwa alala nende abakholi bechimbi. ²⁹ Ne ababira khungira nibamunyeka nibayuya emirwe kiabwe, nibabola, "ewe! ounyala okhunyasia Ikhekalu, nende okhuyumbakha khunyanga chidaru, ³⁰ Weonie omwene, orule khumusalaba!' ³¹ Khandi baria abakuhani abakhongo nibamuchekha nibabola abene akari wabwe nende abandiki, ye yaonia abandu bandi naye khasi anyala okhweonia. ³² Lekha Kirisito omuruki wa Isreali yekhe bulano okhurula khumusalaba mbwe khubone manu khusubire, nekata abo ababambwa ninabo khumusalaba nibamunyeka. ³³ Ne nichola saa chisasaba, esirima nisifunikha esialo okhwola ebikha bia echisa tisa. ³⁴ Ne nichola echisa tisa Yeso nalira nende omwoyo omukhongo nabola Eloi Eloi, lama sabakinani? ebifwana nende ebikalukhanisibwa mbwe, "Nasaye wange, Nasaye wange mbwe sina niundekha? ³⁵ Ni bandu bali ni bemere abi ao nibabulira, babola lingera alanganga Eliya. ³⁶ Ni mulala niyerukha niyechusia ifini musiangu naboya khulikada namuberesia mbwe ang'we,nabola, murekhe saa khubona Eliya nanecha okhumwikhia asi. ³⁷ Naye Yeso nalira nende omwoyo omukhongo, nakhalaka omwoyo. ³⁸ Ne isuka yo muhekalu niirandukha ebitundu bibiri okhururila akulu okhula asi. ³⁹ Ne omulinde owali niyemere ambi naye, ngolwa yamubona nalira,nakhalaka omwoyo nabola, obwadieri omundu uno abere omwana wa Nasaye. ⁴⁰ Baliyo abakhasi abalingereranga okhururila ale, alala nabo yali Maria Madadelena, nende Maria ngina Yakobo mudidi nende Yose nende Salome. ⁴¹ Owa yesi, ngolwa yali Galilaya, yamulondakho, namukhalabanira nende abakhasi bangi abecha naye okhwola Yerusalemu. ⁴² Ne ngolwaa biola mungolobe, okhubera yali okhwerekekhera, niyo, inyanga eyirangirira isabato. ⁴³ Yosefu owa Arimatea, omundu owesiribwa omukerali, owalindiriranga oburuki obwa Nasaye yecha nachia khu Pilato nende ichuoni nasaba omubiri kwa Yeso. ⁴⁴ Naye Pilato naukisibwa mbwe nikaba amalire okhufwa; namulanga omulindi namureba nikaba mbwe afwire ebikha ebirambi. ⁴⁵ Ne namalire okhunyola erikalusio okhurula khumulindi, namuberesia Yosufu omubiri. ⁴⁶ Naye nakula isanda namufwikha, namuboyamo namwalisia musirindwa esiabachwa mulwanda niyekala omuliango okwe sirindwa nende elikina elikhongo. ⁴⁷ Naye Maria Magadalene nende Maria ngina Yeso nibabona owabamusikha.