¹ Inyuma we chinyanga chibiri yali khu mukholo kwa pasaka, nende mikati ekibulamo elimera; abakhongo ba bakukhani nende abandiki nibakonya ingira eyokhumudiira mubukodio bamwire. ² Arali babola, mbwe iraba inyanga eya imikholo, khurecha khwaba nende esioka okhurula khubandu. ³ Ne nibali Bethania munyumba ya Simoni omukere ngolwa yekhala khuli biakhulia, yengira omukhasi owali nende ichupa eya amafura akobukusi obukhongo, nafungula nachukha khumurwe khwaye. ⁴ Ne baliwo abandu bandi basinyisibwa mimioyo kiabwe, nibabola bari, mbwe sina okhunyasia amafura kano?. ⁵ Okhubera bakhakakusisie akulu we chidinari chindaru, mana bakabire abamanani."nibamubululira . ⁶ Naye Yeso nakalusia nabola, mumulekhe; khulwa sina okhumubeyiabeyia? niye akholere omulimo omukhongo khwesie. ⁷ Okhubera eng'we muli nende abamanani buli lwosi ne nimwenya munyala mwabakholera amalayi arali esie khaba khasi muli nange buli lwosi. ⁸ Ne akholere abia anyala; arangirire okhumbakha amafura imberi wobusikhi bwange. ⁹ Obwadieri mubolera, obubdu wosi owa ifanjili ino yakhayalwe musialo siosi, kano aka akholere kakhabolwe khulwa okhumwichulira. ¹⁰ Naye Yuda omusikarioti omulala khu ekhumi nababiri, nachia khu bakhongo babakukhani; khumukhoba khunibo. ¹¹ Ne ngolwa babulira, basangala muno, nibalaka okhumuberesia amapesa. Nakonya ingira yokhumukhoba mubikha ebikhoyere. ¹² Ne inyanga irangirira eya mikati ekibulamo elimera, nibamalire okhulia pasika, abeka baye nibamubolera ni ena owa wenya khuchia khukasie mbwe olireo pasaka? ¹³ Namala naruma babiri khubeka baye,nababolera ari, muchie mulidokho, ne munabukanana nende omusacha okingire isiongo eya machi mumulondekho. ¹⁴ Ne wosi wosi owachia okhwingira, mumubolere omwene inyumba eyo, omwekesia abola inyumba yabakeni iri ena? owa ndakhalira pasaka nende abeka bange? ¹⁵ Naye anabekesia inyumba ya akulu ikhongo ireresebwe bilayi abwene awo mukasie khulwefwe. ¹⁶ Nabo abeka nibachia, nibola mulidokho, nibanyola ngolwa yali nababolera; nibakasia abwene awo pasaka, ¹⁷ Ne mungolobe niyacha nende ekhumi nababiri ¹⁸ Ne nibekhala nibalia, Yeso nabola obwadieri mubolera, omulala khu eng'we olia alala nange anakhoba. ¹⁹ Nabo nibaberera muno, niba mubolera, mulala khu mulala bari ne esie? undi khandi ari ne esie?. ²⁰ Naye nakalusia nababolera, ni mulala khu ekhumi nababiri, odonga nange musani ndala. ²¹ Omwana womundu mubwadieri abwao, ngolwa kandikibwa khulwaye; arali ni uwii khu omundu oyo okhoba omwanna womundu! biakhabere ebilayi omundu oyo narakhebulwe. ²² Ne ngolwa balia, Yeso nabukula omukati nakhuba orio, nakumekula, nababeresia, nabola bukula, mulie; kuno nokwo omubiri kwange. ²³ Khandi nabukula esikombe, ne namalire okhusaba orio, nababeresia; nabangwesia biosi. ²⁴ Nababolera ari, kano niko amabanga kange akelilakano libiakha akedikha khulwa abangi. ²⁵ Obwadieri mubolera, khandi khaba khasi ndakhang'we khubiamo biomusabibu, okhuula inyanga ilia eye ndakhang'we obuyakha mubwami obwa Nasaye. ²⁶ Ne nibamalire okhwemba olwimbo, nibacha khulugulu olwe misaituni. ²⁷ Naye Yeso nababolera, engwe mwesi munarekekhebwa khulwange esiro sino; okhubera kandikwa, ndalakhuya omwayi, nako amakondi kanasakukha. ²⁸ Ne nimalire okhulamukha, ndacha imberi weng'we mu Galilaya. ²⁹ Naye petero namubolera, kata kario bosi banakhwekana, esie nasie khaba. ³⁰ Yeso namubolera, obwadieri khubolera, mbwe inyanga ino khandi musiro sino, idaywa nisiri okhukholiokha khabiri, onandekana khadaru. ³¹ Arali yalomaloma nalondamo,nibiri mbwe esie fwe nawe,khaba khasi ndakhwekana mungira yosi, abandu bosi nibabola bario. ³² Nibola abundu alangwa mbwa Getesemani; nababolera abeka baye ari mwikhale ano, esie nisaba. ³³ Nababukhula Petero nende Yakobo, nende Yohana, nachaka okhuberera muno, nende okhubeyabeya. ³⁴ Nabola omwoyo kwange kuberere esiako esiokhufwa, mundonge ano, ni mube meso. ³⁵ Nasida imberi adidi nakwa asi, nasaba ari nibinyalikha ebikha bimulikha. ³⁶ Nabola Aba, babb ebindu biosi binyalikhana khwewe, rusiayo esikombe sino khwesie; arali biraba khulwokhwenya khwange arali khulwo khwenya khwao. ³⁷ Nakalukha , nanyola nibakona echindolo, namubolera Petero, Simoni, wesi okona? khaba khasi wakhabere meso kata isa ndala?. ³⁸ Mube meso nimusaba, murecha mwakwa mumatemo.Owmoyo obwadieri nomwerekekhe, arali omubiri nomudekhere. ³⁹ Khandi nabwao, nasaba nabola amakhuwa akafwanana. ⁴⁰ Ne ngolwa yakalukha , nanyola nibakona khandi, okhuba chimoni chiabwe chalimo echidolo nibaraba nende esiokhumukalusia. ⁴¹ Nakalukha olwa khadaru, nababolera, bulano mweyalisie, mubulukhe; biyerere ebikha biulire, lingera omwana womundu akhobwa mumakhono aka abakholi be chimbi. ⁴² Mubukhe khubweo, ee ulia okhoba ali ano. ⁴³ Ne mulwangu nasiri nalomalomanga, Yuda niyecha, mulala khu ekhumi na babirir alala ninay omukanda omukhongo nende echimbaaga nende ebiraniro, nibecha okhurula khu bemirisi baba kuhani nende abandiki nende abakhulundu. ⁴⁴ Ne oyo owaalinamukhoba yali nababere esilolero, nabola ulia owa ndachunjuna, oyo niye, mumubukule, mubweo naye bilayi. ⁴⁵ Ne ngolwa yola, nachulula khuniye, nabola omwekesia, omwekesia, namuchunjuna. ⁴⁶ Nibayira amakhono khuniye nibamubukula. ⁴⁷ Ne mulala khunibo awali ambi naye yarusia olunganga, namurema omukholi womukuhani omukhongo, namukhenga okhurwi. ⁴⁸ Yeso nakalusia nababolera, mwichire eng'we, kori abechera omwifi; nende echimbanga nende ebikhokho okhubukula? ⁴⁹ Ndaberenge buli nyanga nang'we mukhekalu, nimwekesia, khaba khasi mwambukula; arali amaandiko biri mbwe korerere. ⁵⁰ Nibamulekha niberukha. ⁵¹ Naye omusiani omuranga namulondanga, niyeboyere ingubo ye liboya; ne basiani baranga nibamudira. ⁵² Nabalekhulira ingubo yeliboya, niyerukha okhubarulamo esiekenye. ⁵³ Nibamwimirisia Yeso okhumuira owa mukukhani omukhongo; ne alala naye bali ni babakhunganire abakukhani abakhongo nende abakhulundu nende abandiki. ⁵⁴ Naye Petero namulondakho nachia ale okhuula mulubiriri lwa omukukhani omukhongo; niyekhala alala nende abakholi, niyora muliro ⁵⁵ Ne abakukhani abakhongo nende olubarasa bakonya obuloli khulwa okhumwira Yeso; arali khaba khasi banyola siosi. ⁵⁶ okhubera abangi barusie obulori obwobubacha khuuye arali buloli bwabwe khaba khasi bwafukirisania. ⁵⁷ Ne oundi nasingira narusia obuloli bwobubacha akulu waye nabola. ⁵⁸ Khwamubulira nabola, ndalasasia ihekalu ino eyombakhwa nende amakhono, ne muchnyanga chidaru ndalombakha yindi, irakholwa nende amakhono. ⁵⁹ Arali kata buloli bwabwe khaba khasi bwafukiririsinia. ⁶⁰ Omukukhani omukhongo nasingira akari wabwe namureba Yeso, nabola ewe khaba khasi okalusia siosi? ni sina obuloli buno akulu wao? ⁶¹ Arali ye nabulera, narakalusia esindu siosi, khandi omukukhani omukhongo namureba namubolera ewe ne ewe Kirisito, omwana wa chikhabi. ⁶² Naye Yeso namukalusia nesie; ni munabona omwana womundu niyekhale khumukhono omusacha kwo bunyali, niyekha mumalesi akomwikulu. ⁶³ Omukukhani mukhongo narandula chingubo chiaye, nabola mbwe sina khukonya khandi obuloli bundi? ⁶⁴ Mwakhabulira amanyeko, mupara sina eng'we? boosi nibakhalaka okhufwa kwaye. ⁶⁵ Abandi nibamufuchakho amare, nibamufunikha obweni, nibamukhuya echingumi, nibamubolera, rusia obunabii; abakholi nibamupama echikofi. ⁶⁶ Ne ngolwa Petero yali mukari mulubiriri mulala khu abakhana abakhosi bomukukhani yecha. ⁶⁷ Ne ngolwa yamubona Petero niyoranga muliro, namulingala nabola ewe wesi obere nende Yeso owa Nasareti. ⁶⁸ Naye nakana, nabola, khaba khasi mumanyire, khandi khaba khasi manyire ebiobolanga, narula nacha amuliangiro; idaywa nikholiokha . ⁶⁹ omukhana omukhosi namubola khandi nababolire abali abi nibemere, uno yesi ni mulala khunibo? ⁷⁰ Khandi nakana, khandi ebikha bididi nibibirire, arali nibemere ambi naye nibamubolere Petero, nobwadieri ewe oli mulala khunibo; khubera ewe oli muGalilaya khandi inomanoma yao ifukirisania. ⁷¹ Naye nachaka okhwechuba nende okhwekana, nabola esie khaba khasi mumanyire omundu uno owamubolanga. ⁷² Mani khandi olwakhabiri idaywa nikholiokha, Petero niyechulira elia Yeso yamubolera, idaywa nisiri okhukholiokha khabiri, onandekana khadaru. Ne namalire okhumanyirisia yalira.