¹ Ne ngolwa yali narula mukhekalu, omulala khu abeki baye namubolera, omwekesia, lingerakho amakina nende abiumbakhe ebili ano;. ² Naye Yeso namukalusia namubolera, olola ebiumbakhe ebikhongo bino? khaba khasi lichia okhudonga elikina akulu welindi, elilakwisibwe asi. ³ Ni ngolwa yekhala akulu wolugulu olwa Miseituni nalingera ikhekalu, Petero nende Yakobo nende Yohana nende Anderea nibamureba mubwekisi. ⁴ Rubolere efwe ebindu bino bicha okhwkhola lina? ne ni sina esilolero esiekesia ni rina ebindu bino biosi bicha okhusiribwa?. ⁵ Yeso naye mukhubakalusia yachaka okhubola, mwekenderesie omundu yesi aramubacha; ⁶ Okhubera abangi bacha okhwicha mulira liange nibabola nesie Kirisito; ni bachia okhubabacha abangi. ⁷ Ne ngolwa muchia okhubulira khu ka maye nende (chimberu) maye, murabeyabeya dawe: Okhubera ebindu ebia okhula biekholekhane; arali obumalirikhi bunaba nibusiri okhula. ⁸ Okhubera esialo sicha okhukalukhana akulu wesiolo sindi, khandi oburuki akulu wobururki bundi, khandi khucha okhuba nende okhurenga khwesialo echimbeka nende echimbeka, khandi khucha okhuba nende injala nende amanyakhano; bino nibio ebiokhuchaka okhwa budinyu. ⁹ Arali eng'we mwekederesie abene okhubera bachia okhubaiira mubiina, khandi mumasinagogi muchia okhukhuywa khandi muchia okhuyirwa imberi wa abemirisi nende abaruki khulwange, khulwa obuloli akulu wabwe. ¹⁰ Ni ifanjili biri mbwe iyalwe imberi musialo siosi. ¹¹ Arali nibamwimirira, nibamuyira imbeli, muradeba, ni sina esimunabola, kata murabeyabeya arali siosi esia munaberesebwa ebikha ebio, mubole esio eng'we, okhubere sineg'we munaba numulomaloma, arali roho omutakatifu. ¹² Bulano omusiani anamukhoba omusiani wabwe okhufwa, naye samwana khu musiani waye; ne abana bana kingukha akulu wa bebusi babwe, nibakera niberwa khwabwe, ¹³ Ni munakhaywa nende abandu bosi khulwa elira liange, naye ulia owakhesimirisie okhula okhumalirikha omwene oyo achia okhuwonisibwa. ¹⁴ Arali ngolwa muchia khulola ebisinyisio ebiobusasikhi, ebialomalomwakho nende Danieli omunabii, nibiemereowo, abirakhoyere,lekha osoma amanyirisie, bulano lekha abali ebu Yudea berukhire khuchingulu. ¹⁵ ni abo abali khu chinyumba akulu barekha bengira munyumba, kata okhwingira okhubukula esindu siosi. ¹⁶ Khandi omundu yesi oli mundala arakalukha inyuma okhubukula ingubo. ¹⁷ Arali wuuwi khu ulia oli inda, nende abanunia echinyanga echio. ¹⁸ Khandi musaba mbwe ako kosi karekhorekha chinyanga echia ifula. ¹⁹ Okhubera chinyanga echio khucha khuba nende okhunyakhana okhusiri okhubakhoo okhurula okhulongwa khwesialo esia Nasaye yalonga okhula inyanga yino, khandi khaba khasi khwakhabeo. ²⁰ Arali Nasaye okhududuya chinyanga echio, abulano omundu yesi owakhaonisibwe; arali khulwa abalobole, abo aba yalobola, yaduduya chinyanga echio. ²¹ Ni omundu yesi nakhubolera ari Kirisito nguno koseali eria ora musubira. ²² Okhubera Kirirsito bobubacha nende abanabii obobubacha bachia okhwicha nibekesia ebilolero nende ebiamakana okhuserera, nibiakhanyalikhane, kata abalobole. ²³ Arali mwekenderesie lingera malire okhubabolera ebindu biosi. ²⁴ Arali munyinyanga echia lunyuma wa manyakhano ako, eliuba licha okhwirima khandi omwosi khaba khasi khwekesia obulafu ²⁵ Nachio eching'ining'ini echiomwikulu chicha okhukwa, ne obunyala obuli bwakhandengeisibwe. ²⁶ Nabo bachia okhulola omwana womundu niyekha mumalesi nende obunyali obukhongo nende oluyali. ²⁷ Naye achia okhuruma abamalaika baye, nabo bachia okhubuusia alala abalobole baye okhurula muchimbeka chine echia emiyaka, okhurula khubumalirikhi ²⁸ Bulano yeka olukado olwa omusala kwomukhuyu; elisaga liakwo elidoro , nilirusia amasafu nomanya mbwe esiminyu siri ambi. ²⁹ Wesi mumbera eyo, ngolwa olonla ebindu nibiekholekha, omanye mbwe ebikha bili ambi ambi khumiliango ³⁰ Obwadieri mubolera, mbwe olwibulo luno khaba khasi lunabira, okhula ebindu bino biekholekhane. ³¹ Elikulu nende esialo biakhabire arali amakhuwa kange khaba khasi kakhabire. ³² Aali khulwa inynaga eyo nende ebikha ebio abulao omundu omanyire khaba kat abamalaika abali mwikulu, kata omwana, arali samwana.. ³³ Mwekenderesie mube meso nimusaba, okhubera khaba khasi mumanyire ebikha. ³⁴ Okhubera omwana womundu ali ngolwa omundu wachia olukendo olwa ale, owalekha inyumba yae, naberesia obunyala khubakholi baye, ne khubuli mulala omulimo kwaye, nabolera omulindi okhulingera. ³⁵ Mwesi mube meso, bulano okhubera khaba khasi mumanyire ebikha ebiokhwicha khwo mwene inyumba, ingolobe kose musiro akari, kose chingokho nichikholiokha, kose mumabwibwi. ³⁶ Arecha masindusia yanyolan ichibayirire. ³⁷ Ni ebia mubolera eng'we mbabolera bosi, mube meso.