¹ Ne inyanga eya isabato nibirire, maria Magadalena, nende Maria ngina Yakobo, nende salome,bali nibakulire amafura akesing'ari mbwe bachie bamubakhe. ² Ne ichuli mumabwibwi khu inyanga ya mberi eya ijuma, becha khusiridwa eliuba nilirula. ³ Nibereba abene, niwina onarurusirieo elikina khu muliango okwe sirindwa?. ⁴ Ne ngolwa balingera, balola elikina nilirusibweyo, okhubera liali elikhongo. ⁵ Ne nibengira musiridwa, nibalola omusiani muraga niyekhale omukhono omusacha , nende ebiefwalo ebirambi ebiarachari, nibadirwa nende oburi. ⁶ Naye nababolera, muraria dawe, mukonyanga Yeso owaNazareti, owa babambire; abukhire haba hasi ali ano; mulingere kata owabamwalisia. ⁷ Arali mubweo, mubabolere abeka baye nende Petero mbwe achia Galilaya okhubarangirira; eyo muchia okhumubona nglwa yamubolera. ⁸ Nibarula lwangu niberukha okhurula musiridwa, okhubera barengerekha khandi nibauka, khandi nibalamubolerakho omundi yesi sindu siosi khaba. ⁹ Bulano Yeso ngolwa yabukha ichuli khunyaga ya imberi eye iwiki[idominka] yarangira okhumubonekhera Maria Magadalena, oyo owayarusiamo ebikhieno saba. ¹⁰ Naye nachia nababolera abo abali ninaye, ngolwa baberera nende okhulira. ¹¹ Nabo ngolwa babulira mbwe ali omulamu, ne khandi amubonekhanire, khaba khasi basubira. ¹² Olunyuma lwa awo yalolekha mumbera yindi khu babiri khubo , nibakendanga nibachia musialo. ¹³ Nibacha nibabolera abali nibadong'ere; nabo bosi khaba khasi basubira. ¹⁴ Olunyuma nabalorekhera ekhumi namulala ngolwa bali nibalia ebiakhulia, nabalaabira khulwo khubula nende obusubiri nende obwomu bwo emioyo kiabwe, okhubeera khaba khasi babasubira balia abamulola nglowa yali nabukhire. ¹⁵ Mana nababolera muchie musialo siosi, muyale ifanjili khubuli esilonge. ¹⁶ Yesi onasubira khandi abatiswe anaonesibwa, ne yesi arasubira dawe anakhalakirwa ¹⁷ Ne ebilorero bino binabalonda balia abasubira, mulira liange banerusia ebikhieno, banalomaloma chinimi echimbiakha. ¹⁸ Banadira echinjukha khandi kata nibang'wa esia obufwisi khaba khasi sinabaumisia, banabarakho abalwaye mikhono nibanyola obulamu. ¹⁹ Ne ngolwa omwani yamala okhubalomalomera, yabukhulwa akulu mwikulu niyekhala khumukhono musacha okwa Nasaye. ²⁰ Nabo nibachia nibayalira buli abundu, omwami nakhola ninabo, nafukirisania elikhuwa khulwa ebilolereo ebibalonda. Kabe kario.