¹ Ne ngolwa bali ambi nende Yerusalemu, nibali Bethphage nende Bentania, khulugulu olwa Olives, yaruma imbeli abeka baye babiri. ² Mana nababolera muchie mulukongo oluli imber wengwe; ne ngolwa munaba nimuliremo munanyola omwana waipunda naboyerwe, owomundu yesi asiri okhwikhalakho, mumubolole mumurere. ³ Naye omundu yesi namubolera mbwe sina mumubolola? mumubolera mbwe omwani amundakha ne ebikha ebio anamulekhula yecha awo. ⁴ Manu nibacha nibanyola omwana weipunda naboyerwe abundu wechinjira chibukanana nibamubolola. ⁵ Ne abandu khubali nibemere ambi awo nibabola, mukhola sina? okhubolola omwana weipunda? ⁶ Nibababolera kori Yeso yali nababolera: nibabalekha nibabwao. ⁷ Nibarera omwana weipunda khu Yeso, nibala echingubo chiabwe khuye;naye niyekhala akulu wayo. ⁸ Mana abangi nibala echingubo chabwe khwingira nabandi nibarema amasaga kemisala nibaala khwingira. ⁹ Ne abo bachia imbei nende abo ababalonda, bayula nibabola, Hossana! noweikhabi owicha mulira liomwami ¹⁰ Chikhabi chibe khu oburuki obwa sefwe Daudi, obwicha mulira liaye omwami, Hossana akulu mwikulu. ¹¹ Naye Yeso niyengira Jerusalemu, mukheekalu; naye namalire okhulingera echibeka chiosi khu bindu biosi, ne sialo nisirime, yarula nachia Bethania nende ekhumi na babiri. ¹² Ne nibukhiere, nibarula Bethania yabulira injala. ¹³ Nabona ale omusala okwomukhuyu nikwamire amasafu, nasuda nende obusangafu okhunyolakho esiamo; ne ngolwa yola ambi khumusala, siyanyolakho esiamo siosi arali masafu kongene; okhubera ebikha ebiemikhuyu biali nibisiri. ¹⁴ Yeso nakalusia nakubolera ari, omundu yesi khaba khasi achia khuliakho ebiamo biao chinyanga chiosi, abeka baye nibaulira. ¹⁵ Mana nibola Yerusalemu; naye Yeso niyengira mukhekalu nachaka okhurusia balia abali nibakusia nende okhukula muhekalu, nakalula echimesa echia abakaluhasi aba mapesa, nende ebisala abia balia abakusia. ¹⁶ Handi haba hasi yafukirira omundu yesi okhubira muhekalu nende esindu siosi. ¹⁷ Mana niyekesia nababolera, khabakhasi kandikibwa, mbwe inyumba yange ichakhulangwa inyumba yamasayo musialo siosi? arali engwe muyikhola okhuba obwina obwa abefi. ¹⁸ Mana abandiki nende abakuhani bakhongo nibabulira, nibakhoba ngolwa bakhamusasia okhubera bali bamuria okhubera abandu bosi baukisibwa nende amekesio kaye. ¹⁹ Ne olwa bwali nibwirire, yabwao narula mulindokho elio. ²⁰ Ne ichuli ngolwa babira, balola omusala okwomukhuyu nikumire akulu okhurula khumisii. ²¹ Naye Petero niyechulisia namubolera, omwani lingera, omusala okwomukhuyu okwa wachuba kuumire. ²² Yeso mukhukalusia nababolera, mube nende obusubiri muNasaye. ²³ Obwadieri mbabolera, mbwe yesi yesi onabolera olugulu luno, yiyikha oruleo, okwe munyanja, naye narabakho nende okhubeyabeya mumwoyo kwaye, arali asubire mbwe ebindu ebio biosi ebia abolere binekholekha; ananyola biosi biosi ebia abolere. ²⁴ Khulwako mbabolera, ebindu biosi ebiamwekomba, nimusaba, mubusubiri mbwe munyola, nende ne binaba ebieng'we munaba ninabio ²⁵ Ne nimwema okhusaba, mulekhere, nimuba nende siosi akulu womundu yesi, mbwe seng'we yesi oli mwikhulu anyala okhubalekhera amabi keng'we. ²⁶ Ne nimurarekhera kata seng'we womwikhulu yesi khaba khasi yakhabalekhera echimbi chieng'we. ²⁷ Khandi nibecha Yerusalemu, ne ngolwa yali nakendanga muhekalu, abakuhani abakhongo nibamwichira nende abandiki nende abakhulundu. ²⁸ Nibamubolera, khu obunyali sina obwokhola ewe ebindu bino? Ne niwina okhuberesia obunyala okhukhola ebindu bino? ²⁹ Yeso nakalusia nababolera, esie siesi ndabarebakho erebo lala mani mungalusie, nange siesi ndalababolera khubunyala bwa wina esie khola ebindu bino. ³⁰ Obubatisibwi obwa Yohana bwarula mwikulu kose khubandu? mungalusie." ³¹ Mana abene khubene nibayingana, nibabola, nikhubola mbwe bwarula mwikulu anabola, khubera sina simwamusubira? ³² Ne nikhubola mbwe, khurula khubandu baria abandu; okhubera abandu bosi bamubona Yohana mbwe yali omunabii mubwadieri. ³³ Mana nibakalusia nibamubolera Yeso, khaba khasi khumanyire, naye Yeso nakalusia nababolera, esie siesi khaba khasi ndababolera khubunyala sina esie khola ebindu bino.