¹ Manu narula, niyecha khundulo khwa Ebuyudea ingerekha wa Yorodani; abomukhung'ano abangi nibamwichira khandi, ne ngolwa yarula ,nabekesia khandi. Abafarisayo nibamwichira, nibamureba, "mbwe bikhoyera omundu okhumulekha omukhaye waye nibamutema. ³ "Naye nakalusia nababolera, Musa yabalagira ariye?" ⁴ Nabo nibabola, "Musa yalagira okhurusia abwandike obwokhulekhana, manu bamwirusie". ⁵ Manu Yeso nakalusia nababolera okhubera obwomu obwa mioyo kieng'we yabandikira elilako elio. ⁶ Arali mukhulongwa khwesialo Nasaye yabakhola omusacha nende omukhasi. ⁷ Okhubera elio, omundu anamulekha samwana nende ng'ina, niyambana nende omukhasi waye. ⁸ nabo babiri banaba omubiri omulala; khandi bulanu khaba khasi bari babiri, arali mubiri mulala. ⁹ Mbwe bulanu esia Nasaye yambania alala, omundu yesi arabakabukhania. ¹⁰ Ne nibali munyumba abeka baye nibamuremba khandi khumakhuwa akene ako. ¹¹ Naye nababolera omundu yesi onalekhana nende omukhasi waye, namudekhia oundi, akhola obuyeyi khuye, ¹² Ne omukhasi yesi olekhana nende omusacha waye, nadekhesibwa nende oundi akhola obuyeyi. ¹³ Manu nibamurerera abana abadiidi mbwe abarekho omukhono; nabo abekabaye nibabalabira balia abarera abana. ¹⁴ Naye Yeso nalola, obusinyifu muno, manu nababolera ari mulekhe abana bechie khwesie murabakaira khaba, okhubera obwami bwomwikulu bufwanana ninabo. ¹⁵ Obwadieri mbabolera oyo yesi orafukirira obwami bwomwikulu kori omwana mudiidi, khaba khasi yakhengiremo. ¹⁶ Manu nabakinga mumukhono kwaye nabarakho amakhono nabasabira echikhabi. ¹⁷ Naye nachakire olukendo oundi niyecha niyerukha namusigamira namureba, omwekesia omulayi, esie khola sina khunyole obulamu obulalibwayo?. ¹⁸ Naye Yeso namubolera mbwesina nonanga esie omulayi? abulao omulayi yesi arali mulala yeng'ene, omwene oyo niye Nasaye. ¹⁹ Ewe omanyire ebilagiro, orayeya da, orera da, orebanga da, orabachanga da, orarusia obuloli khukobubacha, orichenge soo nende mao. ²⁰ Nakalusia namubolera omwekesia, ako kosi kholanga okhurula obwana bwange. ²¹ Manu Yeso namulingera tiiri namukhera, manu namubolera, olemerwa esindu silala, bwao ochie okusie emiandu ekioli nakio oberesie abamanani, manu onaba nende imbikhiro mwikulu manu obukule omusalaba kwao onondekho. ²² Naye naberera khulwa amakhuwa ako nabwao nasinyikhe okhubera yali nende emiandu mingi. ²³ Yeso nalingera chimbeka chiosi, nababolera abeka baye biakhabe ebidinyu abayinda okhwingira mubwami obwa Nasaye. ²⁴ Abeka baye nibaukisibwa khumakhuwa kaye. Naye Yeso nakalusia khandi nababolera, "Abana, nebidinyu bia ingeri sina khubalia abasubira mubuyinda okhwingira mubwami obwa Nasaye! ²⁵ Ne ebiangu ingamia okhubira mumulu okwe isindani khukhira omuyinda okhwingira mubulamu obwa mwikulu. ²⁶ Manu nibaukisibwa okhukhira esikero, nibabola abene khubene, ni wina mani onyala yaonesibwa? ²⁷ Naye Yeso nabalingera nabakalusia, khubandu khandi khasi binyalikhana, arali khuNasaye, khubera khuNasaye ebindu biosi binyalikhana. 8 Naye Petero nachaka okhumubolera, lingera efwe khwalekha biosi manu nikhukhulonda ²⁹ Naye Yeso nakalusia nabola, obwadieri ebabolera, abulao omundu yesi owalekha inyumba yaye, kose abana babwe, kose abakhana babwe, kose simwana, kose ng'ina, kose omukhasi waye, kose abana baye, kose omukunda khaye khulwa esie, nende khulwa ifanjili. ³⁰ Orakhaberesebwe khula imia khubikha biabulanu, chinyumba abana babwe, nende abakhana babwe, nende bang'ina, abana baye, nende emikunda, nende mumanyakhano; nende musialo esichayo, obulamu oburalibwayo. ³¹ Ne abo bali imberi baliba inyuma, nabo bali inyuma baliba imberi. ³² Ne bali khungira nibacha Yerusalemu. Yeso nacha imber wabwe nabo nibaukisibwa muno; ne ngolwa bamulonda bali noburi. Manu khandi nababukula ekhumi nende babiri, nachaka okhubabolera amakhuwa akali ni kamwekholekhekho. ³³ Nababolera, lingera khuchia Yerusalemu omwana wo mundu anarebwa imberi wa bakukhani abakhongo, nende abandiki; ne bacha okhumukhalakira esina esio khufwa ne bachia okhumwana khubanasialo. ³⁴ Nabo banamukholera amabii nibamukhoba echikhobo nibamufuchakho amare, nibamwira; ne khunyuma wechinyanga chidaru alalamukha khandi, ³⁵ Naye Yakobo nende Yokhana abana Bazebedayo nibamwichira nibabola, omwekesia khwenya orukholere siosi esie khwekomba. ³⁶ Naye nababolera, nisina esiamwekomba esia mwenya bakholere? ³⁷ Nibamubolera mbwe mulala khwefwe yekhale, khumukhono kwao omusacha noundi khumukhono kwao omukhasi muluyali lwao. ³⁸ Naye Yeso nabakalusia, khaba khasi mumanyire esimusaba eng'we munyala mwang'wa musikombe esia esie ng'wamo; kose obubatiswi obwa esie mbatisibwa? ³⁹ Nabo nibamukalusia bari khunyala, naye Yeso nababolera nobwadieri munang'wera musikombe esiang'weramo; khandi batisimo yambatisibwa mwesi munabatisibwamo. ⁴⁰ Arali akokhwikhala omukhono kwange omusacha nende omukhono kwange omukhasi, khaba khasi nesie oberesia; arali kanaberesibwa balia abakakhoyerwa. ⁴¹ Ne ekhumi abo ngolwa babulira, bachaka okhusinyisibwa nende Yakobo nende Yokhana. ⁴² Naye Yeso nabalanga nababolera ari; mumanyire mbwe balia abalobolwe okhuruka banasialo abaami akulu wabwe. ⁴³ Nako sikali kario khueng'we khaba, arali yesi owenya okhuba omukhongo akulu weng'we, oyo anaba omukholi weng'we. ⁴⁴ Naye oyo onaba okhiramo bosi, anaba omukhalabani wabosi. ⁴⁵ Kata kario omwana womundu khaba khasi yecha khulwo khukholerwa arali yecha okhukholera nende okhurusia obulamu bwaye khulwa abangi. ⁴⁶ Manu nibola Yeriko; ne ngolwa bali nibarula muyeriko nende abeka baye nende omukanda omukhongo okwa bandu, omwofu Batulumayo omusiani wa Timayo, yekhaala khwingira ikhongo nasabanga amapesa. ⁴⁷ Ne ngolwa yabulira mbwe yali Yeso owa Nasareti; yachaka khulira, nabola ewe omwana wa Daudi mberekho esisa. ⁴⁸ Ne bangi nibamwalabira mbwe abulere: naye nalira lukali kali, ewe omwana wa Daudi mberekho esisa. ⁴⁹ Manu Yeso niyema nalagira mbwe bamulange. Nibamulanga omwofu oyo, nibamubolera bari weberesie omwoyo singira akhulanganga ewe. ⁵⁰ Naye nasukuna echingubo chiaye, nasingira niyecha khu Yeso. ⁵¹ Yeso namukalusia namubolera ari, nisina esia wenya khukholere? Omundu omwofu oyo namubolera, omwami mbwe nyole okhulola. ⁵² Yeso namubolera ari, bwao, obusubiri bwao bukhuonisie. Abwene na bwene yanyola okhubona, namulonda Yeso.