¹ . Namala nababolera obwadieri mubolera, mbwe baliwo abandu khubemere ano, khaba khasi bakhabilire mulifwa, okhulange bakhalole obwami bwa Nasaye nibwicha nende amani. ² . Ne olunyuma lwe chinyanga chisasaba Yeso yabukula Petero, Yakobo nende Yohana nanina nabo khulugulu nilingera, elikondo liaye nilikalukhana imberi wabwe. ³ . Echingubo chiaye nichiba echindafu muno okhukira obulafu bwa elinang'ong'o, okhukhirakho kama omufuyi khusialo yakhanyala okhulabia ario. ⁴ . Naye nabalolekhera Eliya nende Musa nibalomaloma nende Yeso. ⁵ . Ne Petero nakalusia nabolera Yeso, omwekesia bikhoyera efwe okhuba ano; lekha khumbakhe ebiyumba bidaru, alala ao akhandi akha Musa khandi akha Eliya. ⁶ . Okhubera siyali nende esiokhubola, okhubeera bali nende oburi obungi. ⁷ . Manu elilesi nilibafunikha ne idoboosi nibulirikha okhurula mulilesi niibola, uno niye Omwana wange omukherwa; mumubulirenge. ⁸ . Mulwangu nibalingera echimbeka chiosi, nibaramubonakho omundu khandi dawe arali Yeso nende nibo ⁹ . Ne ngolwa bekha okhurula khulugulu, nabakerera oburabolera omundu yesi ebiabali nibabwene khulugulu, okhula ngolwa omwana womundu yakhabe nabukhire okhurula mubafu. ¹⁰ . Nibalinda amakhuwa ako abene nibarebana abene khubene ebia okhubukha mubafu biekesia sina?. ¹¹ . Manu nibamureba nibabola mbwe sina bandiki babolanga mbwe Eliya niye owakharangirire okhwicha?. ¹² . Naye nabakalusia nababolera, obwadieri Eliya achia okhurangirira okhwicha, akalusia ebindu biosi ne kandikwa kario khulwo omwana womundu, mbwe okhula abirire mumanyakhano mangi naraberesibwa oluyali. ¹³ . Arali mbabolera mbwe, Eliya yamala okhwicha nibamukhola ebia benya okhumukhola ngolwa kandikibwa. ¹⁴ . Ne ngolwa yecha khubeka baye , yalola omukhungano nikuli nabo, abandiki niberebanga. ¹⁵ . Ne mulwangu abandu bosi nibamulola baukisibwa muno nibamwirukhira nibamukhesia. ¹⁶ . Manu nareba abandiki muingananga sina. ¹⁷ . Omulala khuba omukhungano namukalusia nabola omwekesia khurerere omusiani wange, oli nende irokho yoburalomaloma, ¹⁸ . Ne buli bikha olwa amwingiramo amukoka asi, manu arusia elifiro, nende okhulumania ameno nende okhumungaya; mana nomanome nende abeka bao bamurusiemo, arali sibanyalire khaba. ¹⁹ . Namukalusia nabola, oh aba olwibulo olurasubira ndalaba nang'we okhula lina? ndalabanyakhanira okhula lina? mumunderere. ²⁰ . Manu nibamurera khu Yeso; ne ngolwa yamulola, mulwangu irokho eyo nimukhisia nakwa asi napapala narusia elifiro mumunwa. ²¹ . Namureba samwana yakhaba ario khulwa ebikha biyera birio/ naye namubolera, okhurula obudoro bwaye. ²² . khandi mubikha bingi yakhamukwisia mumuliro, kata khandi mumachi,mbwe amunyasie arali nonyala okhola siosi orubere esisa omukhonye." ²³ . Yeso namukalusia, nosubira ebindu biosi binyalikhana khu mundu osubirira. ²⁴ . Abwene awo samwana omwana oyo nalira masika nabola omwami subirire khonye sa muburasubira bwange. ²⁵ . Ne ngolwa Yeso yalola abandu nibecha echimbiro, yalabira rokho omubi oyo,namubolera, ewe rokho omudimbe oralomaloma khulagira murulemo uno khandi oramukalukhamo khaba. ²⁶ . Naye rokho yalira namuramo indulume, namurulamo; naba kama omundu ofwire; abandu nibaboola afwire. ²⁷ . Naye Yeso namubukula khumukhono namukingula namusingisia naye nasingira. ²⁸ . Ne ngolwa yali niyengira munyumba abeka baye nibamureba yeng'ene, mbwe sina efwe khaba khasi khunyalire okhumurusiamo? ²⁹ . Naye nabakalusia, ebifwana biri sibiakharula arali nende amasayo nende okhusiba. ³⁰ . Manu nibarula abundu awo, nibalondera Galilaya; narafukirira omundu yesi okhumanya ako makhuwa. ³¹ . Nabekesia abeki baye, nababolera, omwana womundu achia khuberesebwa mumakhono abandu, nabo banamwira; ne nibamalire okhumwira analamukha inyanga yokhudaru. ³² . Arali nabo khasi bamanyirisia amakhuwa ako, nibaria okhumureba. ³³ . Niyecha Kaperinaumu, nali munyumba nabareba, nisina esia muyingananga khungira?. ³⁴ . Nabo nibabulera khubera barebananga khungira ,niwina okhoyere okhuba omukhongo. ³⁵ . Manu niyekhala asi nende abeka baye ekhumi nababiri nababolera, omundu yesi owekomba okhuba oweyimberi,omwene oyo anaba owokhumalirikha khubosi, khandi abe omukholi wabosi. ³⁶ . Manu nabukula omwana arula akari wabwe; naye namalire okhumukinga mumakhono kaye, nababolera. ³⁷ . Omundu owingisia abana kama bano mulira liange yanyingisia esie; ne yesi onyingiia esia, khaba khasi anyingisianga esie, arali yengisia owanduma esie. ³⁸ . Yokhana namukalusia nabola omwekesia, khubwene oundi niyerusia ebikhieno mulira liao, naye khaba khasi alondananga nafwe; nafwe khumukanisie okhubera khasi alondana nafwe. ³⁹ . Naye Yeso nabola, muramukania khaba okhubera abulao omundu yesi okhola akamaya mulira liange, onyala okhulomaloma akobwaukhani kose amabi akulu wange. ⁴⁰ . Okhubera yesi orali owobukabukhani nafwe ali alala nafwe. ⁴¹ . Okhubera yesi okhuberesia esiokhung'wa mulira liange, okhubera muli aba kiristo, obwadieri babolera, khaba khasi anakosia esianwa siaye ⁴² . Ne oyo yesi onakosera abadiidi bano abasubira mwesie, bikhoyere elikina likhongo khuboywa mulikosi liaye, manu asukumwe munyanja. ⁴³ . Ne omukhono nikukhukosera, okhukhengayo ne bilayi okhwingira mwikulu nobula omukhono okhukhira okhucha mumuliro nende emikhono kibiri omuliro kurasima. ⁴⁴ . Omulimo chinyende echirafwa khandi omuliro okurasimisibwa. ⁴⁵ Ne okhukulu nikhukosera, khukhalakeyo; nebilayi okhwingira nodiekera mubulamu, okhukhira okhingira magombe nende amakulu kabiri, mumuliro okurasimisibwa. ⁴⁶ Omwa echinyende chirafwa, khandi omuliro sikusimisibwa. ⁴⁷ Ne imoni yao nikhukosera, oyirusiemo; okhubera nebilayi okhwingira mubwami bwa Nasaye nende imoni ndala, khukhira okhwingira mumuliro nende echimoni chibiri. ⁴⁸ Omwa chinyende chirafwa, khandi omuliro kurasimisibwa. ⁴⁹ . Okhubera buli mundu anarebwamo ichumbe nende omuliro, ne buli simala musango sinarebwa khu ichumbe. ⁵⁰ . Ichumbe neindayi; arali ichumbe nikosia esiuya siayakhoyera sina? mube nende ichumbe mweng'we bene, manu mube nende omulembe abene khubene.