¹ Mana niboola olucherekha lweinyanza, mushialo shia aba Gerasine. ² Olwa yali niyakhekha muliaro, yaho na yaho omundu niyetsa okhumwakanira owali niyamenya mubirindwa ebishieno nibiamumenyamwo. ⁴ Shichira yali niyaboyungwa nemikoye kata eminyololo, naye yakhalakanga eminyololo, emikoye chiatonyolungwa mubitonye tonye: ne yabulaho omundu wakhamutirire. ⁵ Ne tsinyanga tsiosi, eshiro nende shiteere, yalinji mubikulu nende mubirindwa, nakhupanga obuyoka niyeteta namachina. ⁶ Habutswa olwa yalola Yesu nashiri ehale, yerukha tsimbiro niyetsa namwinamira, ⁷ Nakhupa omwoyo omukhongo naboola mbu, Nishiina eshia enyala okhukhola ninawe, Yesu, yuwe Omwana wa Nyasaye oli ikulu muno? Ekhusaba yuwe khulwa Nyasaye, sholasandia ta. ⁸ Shichira yali namuboolere, Rula mumundu wuno, yuwe eshishieno shieshifwabi. ⁹ Mana Yesu namureeba mbu, Eliira lllio neywe wiina? Naye namukalusia, naboola mbu, Eliira lianje nesie Ligioni: okhuba khuli abanji. ¹⁰ Naye namusaya nakalushira mbu shalamulonda okhurula mushialo yisho tawe. ¹² Mana ebishieno bioosi nibimusaaya nibiboola mbu, Khurume mbu khutsie khwinjire mutsimbiitsi, mbu khutsinjire mwo. ¹³ Namala nabisibula. Mana nabio ebishieno bieshifwabwi nibirula, nibinjira mutsimbiitsi: mana natsio tsimbiitsi nitsirukha tsimbiro nobuyoka nitsitsia abundu akholomokha khunyanza, nitsikwa munyanza, (tsiali ahambi wetsihelefu tsibiri;) nitsiyibira nitsifwa. ¹⁴ Nabo abali nibayanga tsimbiitsi berukha, nibatsia mwitookho nende mutsisoma, nibarula okhutsia okhulola eshiali nishikholeshe. ¹⁵ Mana nibetsa khu Yesu, mana nibamulola wulia owebishieno biali nibiamumenya mwo, khandi yali nende legioni, niyekhaale, khandi niyeefwalire tsingubo, khandi nali namapaaro amalayi: mana nibaba noburii. ¹⁷ Mana nabo nibamusaya mbu arule mushialo shiabo yisho. ¹⁸ Olwa yali niyenjiire muliaro, wulia owali owebishieno namusaya mbu atsie ninaye. ¹⁹ Habutswa Yesu namukaya, namubiira,"Tsia ingo khubeekho bobo, mana obabiire amakhuwa amakhongo aka Omwami akhukholere, nende shingana akhulolere tsimbabasi". ²⁰ Namala natsia, nachaka okhukamba mumatookho ekhumi shinga Yesu yali namukholere amakhuwa amakali: nabo abandu boosi nibauka. ²² Ne, lola, yetsa mulala khubemirisi beisinagogi, oweliira mbu Yayiro; naye olwa yamulola namukwa mumakulu. ²³ Namusaya nomwoyo kwosi, mbu, Omukhana wanje omutiiti akonere hasi ali ahambi okhufwa: ekhusaya khutsie omurekhwo omukhono kukwo, mbu anyoole okhuhona naye amenye. ²⁴ Kho Yesu natsia ninaye; abandu abanji nibatsia ninaye, nibamwikhulusinjia khwo. ²⁵ Mana omukhasi wundi, owali neshirulutso khulwa emihika ekhumi na chibiri, ²⁶ Naye yali niyanyakhana mubindu ebinji mubasirishi abanji, ne yali niyarumushira bioosi ebia yali ninabio, ne shiyanyoola okhusosa ta, halali yametekha okhuba obubi po. ²⁷ Olwa yahulira aka Yesu, yetsa niyefindikasiria emukongo, mana natiira khungubo yiiye. ²⁸ Okhuba yali naboolere mbu, Nikakhaba enyala okhutiira khwo butswa ingubo yiiye, ndalaba omulamba. ²⁹ Mana habwe nahabwenewene, eshirulutso shiamatsayi nishisinjira; naye niyehulira mumubiri kukwe mbu amalire okhuhona okhurula mumunyakhano kukwe. ³⁰ Habene nabene yao Yesu namanya mbu obunyali bumuruliremwo, nashukhana nareeba abali nibabiirikananga mbu, Ni wiina oundiirire khungubo yanje? ³¹ Abeeka bebe nibamukalusia mbu, Eywe ololanga omukanda nikukhubirikanira khwo, nawe oreebanga mbu, Wiina oundirire khwo? ³² Naye nayenga eyi nende eyi okhulola omukhasi owali nakholere eshindu yisho. ³³ Naye omukhasi wuyo namanyire eshiali nishimwikholeshere, natirirwe nende oburii nokhutechera, yetsa nakwa imberi wuwe, namwinosia koosi pe. ³⁴ Naye namubiira mbu, Omukhana wanje, obusubiri bubwo bukhukholere okhuba omulamba; otsie nomulembe, mana obe omulamba okhurula mumunyakhano kukwo. ³⁵ Olwa yali nashiboolanga, abandu bandi abali nibarulire ingo womusinjiriri weisinagogi, nibetsa nibamubiira mbu, Omukhana wuwo afwiire: shichira shiina otsiririre okhunyasia Omwami khandi? ³⁶ Ebise biria ebia Yesu yahulira amakhuwa kali nikabolirwe, nabiira omusinjiriri weisinagogi mbu, Sholaria tawe, subira butswa. ³⁷ Naye nakaya abandu shibalamulonda khwo tawe, halali Petero, Yakobo nende Yohana, omusiani wabo Yakobo bonyene. ³⁸ Nibetsa munzu yomusinjiriri weisinagogi, nibalola obukoyanu bwalio, obwa balia abali nibekhuulanga nende nibayulanga obutinyu. ³⁹ Olwa yenjira munzu yabareeba mbu, Shichira shiina nimwayula nimwikhuula? Omwana shafwiire tawe habutswa akonanga. ⁴⁰ Nabo nibachaka okhumutsesherera. Habutswa olwa yali namalire okhubarusia boosi erwanyi, yabukula samwana nende nyinamwana omukhana, nende balia aba yali ninabo, nibenjira ewa omukhana yali niyalisibwe. ⁴¹ Nabukula omukhono kwomwana omukhana wuyo, namubiira mbu, " Talitsa Kumi", nikakalulwa, kaboola mbu, Omukhana omutiiti, ekhubiira mbu, buukha. ⁴² Lwangu lwangu omukhana omutiiti wuyo nabuukha, mana nachenda, okhuba yali owemiyika ekhumi na chibiri. Mana nabo nibauka namauko amakhongo. ⁴³ Naye nabalaka nobululu mbu omundu yesi yesi shalamanya ta; nabalaka mbu bamuhesie eshiokhulia alie.