¹ Mana nachaka okhwechesia khandi nali khundulo khweinyanza: abomukanda nibetsa abanji, okhuula niyenjira muliaro, niyekhalamwo niliri khumatsi; nakwo omukanda nikuba khushialo eshumu. ² Naye nabechesia ebindu ebinji okhubirira mutsinjero, nababoolera endi mumechesio keke. ³ Hulire; Lole, khwalio nende omumiitsi wokhumiitsa; ⁴ . Olwa yamiitsa imwo, eyindi yakwa khunjira, mana amanyonyi niketsa nikaibootsa. ⁵ Nayo eyindi niyikwa mumachina ewa shiyaali nende liloba liyera ta: mana niyimera lwangu, habutswa shiyaali nende liloba elinji tawe: ⁶ Habutswa olwa eliuba liakha, nayo niyiniaala: khandi khulwa okhubula emisi, yamala niyuuma. ⁷ Nayo eyindi niyikwa mumarakalu, nako amarakalu nikakhula, nikayitiiya, nayo niyilaama ebiamo tawe. ⁸ Imwo yindi niyikwa mwiloba lilayi; niyikhula niyimetekha okhwama ebiamo; eyindi niyama amakhumi kataru, eyindi amakhumi kasasaba, khandi eyindi imia ndala. ⁹ Olunyuma nababoolera, Yesi yesi ouli namarwi, lekha ahulire!. ¹⁰ Olwa yali niyakhatonga yenyene, balia abali nibamubotokhane nende abeeka be nibamureeba eshifune shioluchero. ¹¹ Mana nababiira, Enywe muherwe obunyali bwokhumanya libiso lia Obwami bwa Nyasaye: habutswa khubalia abali erwanyi, buli shindu shilakholerwa mutsingano. ¹² Mbu okhulola, babe abokhulola, nabo balamanyirisia ta; khandi okhuhulira; balahulira, nabo shibalamanya ta: kalali kario ebise biakhabaho bamukalushire Nyasaye, mana babeerwa tsimbi tsiabwe. ¹³ Nabareeba mbu, Shimumanyire oluchero luno tawe? Kho bulano namumanye muriena tsinjero tsiosi? ¹⁴ Omumiitsi amiitsa likhuwa. ¹⁵ Yilia eyakwa khumuhanda njieyino, likhuwa liamitswa; habutswa olwa bahulira likhuwa, shetani yetsa lwangu lwangu nayiiniao liria eliarakwa mubo. ¹⁶ Nayo imwo yakwa mwiloba lia amachina; nibo balia bahulira likhuwa lwangu lwangu nibalinjisia nobutsatsafu; ¹⁷ Habutswa nabo babula emisi mubo beene, habutswa banyala okhwifiira khulwa ebise ebitiiti. Habutswa olwa okhusandibwa nohomba okhuyaasibwa khuchaka shichira khulwa likhuwa, lwangu lwangu balalekha injira. ¹⁸ Nayo yilia eyakwa mumarakalu; nibo balia abahuliranga likhuwa, ¹⁹ Nako amahendo komushialo nende obwikaati bwobuyiinda, nende obwikoombi bwebindu bindi bwinjira, ne, bumika likhuwa, ne shiyama ebiamo ta. ²⁰ Nayo yino niyo yilia eyamiitswa mwiloba lilayi: nibo balia abahulira likhuwa, nibalinjisia, mana nibaama ebiamo, abandi amakhumi kataru, abandi amakhumi kasasaba, khandi abandi imia ndala. ²¹ Mana nabareeba mbu, Itaya niyirerwa munzu, yirerungwa ifunishirwe mushimwero nohomba irebwe mulwalo mweshitanda? Shiirerungwa niyirebwa khushichibi sheitaya? ²² Okhuba shibulaho eshidu shiabiswa, eshiletsa okhumanyikha tawe: khandi libulaho Lilia eliri libiso, eliletsa okhurebwa habulafu ta. ²³ Omundu niyakhabao ouli namarwi, leekha ahulire ²⁴ Nababoolera mbu, Muhenjeresie obulayi kalia akamuhulira: okhuba eshichero shiorumushira okhuchera, nishio shilia eshia olacherirwamwo: ne nenyu abahuliranga mulameterwa ebinji. ²⁵ Okhuba wulia ouli ninabio, ye alameterwa; naye wulia oubula eshindu, kata shititi shiali ninashio shilabukulwa. ²⁶ Khandi naboola mbu, Endio nilwo olwa kaliba mubwami bwa Nyasaye, nishingana omundu araaka imwo mumukunda; ²⁷ Mana atsie akone eshiro nabuukha eshiteere, nayo imwo yiromba niyimera, naye kata shamanyire shinga yikhulanga ta. ²⁸ Liloba liamanga butswa ebiamo eliene; amasafu karanjirira, mana eshimuli, olunyuma lwene omurwe kwe ingaano. ²⁹ Olwa omumera kukhomera, naye lwangu lwangu yetsa nende olukhaayiro, shichira lichesa limalire okhuula. ³⁰ Khandi namala naboola, Nakhucherasie khulishiina obwami bwa Nyasaye? Nohomba noluchero shiina olwa khwa khekhonyera okhubwibaala? ³¹ Bwingana olufwa lwe lisaatsi, lulia, olwa luraakwa, nilwo olufwa olutiiti mutsiosi etsiraakwa mumukunda; ³² Habutswa nikumalire okhuraakwa, kukhula nikutsia ikulu, mana kuba omukhongo okhuyoomba ebirakwa bindi, nikubambula amasaka amakhongo; mbu kata amanyonyi komumuya kombakhamwo ebitsu nikamenya mushiinikha shiakwo. ³⁴ Habutswa shiyaboola yinabo nalarumushira oluchero tawe: nabo olwa bali nibakhatonga bonyene, yebaalira abeka bebe ebindu bioosi. ³⁶ Mana olwa bali nibasebuule abomukanda, nibatsia shinga olwa bali ninaye muliaro. Halala ninaye kaliyo amaro kandi amatiiti. ³⁷ Mana imbumbuyeka yomuyeka niyichiingukha, nako amarunda nikakhupa nikenjira muliaro, niliba ahambi okhwitsulwa nende amaatsi. ³⁸ Naye yali nali inyuma weliaro, nakonanga khumuto: nabo nibamubusia, nibamubiira, Omwami, Shotebakhwo mbu khutibanga tawe? ³⁹ Mana naye nabuukha, nakondoshera omuyeka, naboolera inyanza, Omulembe! Wihotseresie. Mana omuyeka nikusinjira okhuhutsa, nikhubao obuholerefu obukhongo. ⁴⁰ Olunyuma nababoolera mbu, Shichira shiina muli neindenga? Kali kariena mbu mubula kata obusubiri? ⁴¹ Nabo indenga yali niyibatirire ikhongo po khandi nibaboolerana abeene khubene, Mbu kata omuyeka nende inyanza bimuhuliranga?