¹ Mana Yesu niyenjila eKaperinaum, ne likhuwa linyayila mbu alimunzu ² Yaho na yaho omukanda omukhongo kwetsa nikwakanila ewaYesu yali. Kata obwiyangu shibwaliho okhubayela ta. Bali abaanji kata hamuliango. Naye nabakambira likhuwa. ³ Abandu bandi nibamwitsira nibamulelera omulwale owafwokoya, owali nachinjiirwe nende abandu bane khushitalataliro . ⁴ Shibanyala okhumulakhwo tawe shichira omukanda kwali omunji. Nabo nibaniina ikulu nibasambula eshitsafu ewa yali; olwa bafwimbula, nibamwiishia khushitalataliro omulwale owali owafwokoya. ⁵ Naye Yesu olwa yalola obusubili bwabwe, omulwale owali niyafwokoya, mwana wanje, obeerilirwe tsimbi tsitsio. ⁶ Katakario baliho abahandichi nibeekhaale nibachaaka okhukanakania mumioyo! chiabwe, ⁷ mbu Shichila shiina omundu wuno afukulanga? Niwina ounyala okhubeela tsimbi nalali Nyasaye yenyene? ⁸ Naye Yesu mubwangu bweneibo namanyilisia mbu bakanakaninjia abene khu bene, nababoolera , shichira shiina muyiingananga ebindu bino mumioyo chienywe? ⁹ Nishiina eshiangu okhuboolera omulwale owafwokoya, tsimbi tsiitsio obeelilwe, noomba okhuboora mbu buukha, mana obukule eshitalataliro shio ochende? ¹⁰ Habutswa kenyekha mumanye mbu omwana womundu ali nende obunyali khushialo okhubeera tsimbi, (naboolera omulwale owaliniyafwokoya,) ¹¹ ekhulachilisia buukha, obukule eshitalataliro shishioo otsie euuwo. ¹² Naye bwangu bwangu nabuukha nabukula eshitalataliro , imbeli wabwe boosi; nabo abaliho boosi nibachenya, nibahelesia Nyasaye oluyali, nibaboolerana , khushili okhulolakhuo akafwana kari tawe. ¹³ Naye khandi yamala atsie khulukuku lweinyanza, nako omukanda kwosi nikumuloondakhwo, Naye nabechesia. ¹⁴ Naye olwa yali nabiranga, yalola Lawi omwana wa Alfayo niyekhale habundu wokhusolola obushuru, namubboolera mbu, Yitsa wunonde Sie, naye nabuukha namulondakhwo. ¹⁶ Khandi olwa abahandichi nende abaFarisayo balola nalitsanga nende abasololi bobushuru nende abononi, nibareba abeka bebe, Kali kariena mbu alitsanga nanywa nabasololi bobushuru nende abononi? ¹⁸ Khandi abeka ba Yohana nende aba abaFarisayo bali nibanala okhuhonga inzala: nabo nibetsa nibamureeba mbu, Shichira shiina abeka ba Yohana nende aba abaFarisayo bahonganga inzala, nabo abeka bobo shibahonganga inzala ta? ¹⁹ Yesu nabakalusia mbu, Kanyalikhana mbu abatendi aba omweeya weshiserero banyala bahonga inzala olwa omusatsa mwene eshiserero ashiri yinabo? Oluhono lwa omusatsa mwene eshiserero ashiri yinabo, shibanyala okhuhonga inzala tawe. ²⁰ Habutswa tsinyanga tsitsanga olwa omusatsa weshierero yakharusibweho okhubarulakhwo, olwene yilo nolwah bakhahonje inzala. ²¹ Habulaho omundu ounabanga elilaka eshiiyia khungubo ikhulu tawe: kalali kario, eshilaka eshiiya shilarandula ingubo ikhulu, mana oburandushe bulaba obukhongo po. ²² Abulaho omundu outsukhanga idivayi imbia mutsichupa tsiamasero tsikhulu tawe: kalali kario tawe, idivayi yitsa okhurulaka tsichupa tsiamasero nayo niyisundukha, mana tsichupa tsiamasero tsiononoshe: Habutswa idivayi imbia yirebwe mutsichupa tsiamasero tsimbia. ²³ Nikaba mbu inyangay yiindii, yali nabiranga mumikunda chieingano khunyanga yeisabato; abeka bebe nibanoka ingano nibafuunga mumikhono olwa bali nibatsitsanga. ²⁴ AbaFarisayo nibamureeba, Lola, shichira shiina bakholanga kalia akalakhoyeere mumalako ta? ²⁶ Shingana yatsia niyenjira munzu ya Nyasaye mutsinyanga tsia Abiatsa omukuhani omukhulundu, mana nalia omukate kwokhuhutswa, okulakhoyere okhulibwa tawe halali omukuhani yenyene, mana naheresia balia abali ninaye. ²⁸ Nikali kario, Omwana wOmundu niye khandi Omwami weisabato.