² Habutswa nibabooola mbu, Shiyilaba inyanga yelisabo tawe, abandu banyala okhurera induli. ³ Naye nali eBethania munzu ya Simoni owobuchere, naliitsanga, omukhasi yeetsa nachinjire ichupa eyamafura keshing'aari nende obukusi bweikulu muno; naye niyekula ichupa yiyo mana namutsukha khumurwe. ⁴ Ne khwalio nende abandi abasinyikha, nibaboolerana, Mbushiina amafura kano kasasibungwa? ⁵ Amafura kano kakhakusibwe tsidinari tsimia tsitaru, mana kakhaherwe abamanani. Mana nibamubuululila. ⁶ Yesu naye naboola, Lekhane inaye abe; mumunyasirinjia shiina? Ye wukholere likhuwa lilayi. ⁷ Okhuba muli nende abamanani khasotsero, ne olwa muba nimwenya munyala mwabakholera amalayi: habutswa shimuli ninasi khasotso tawe. ⁸ Ye wumalire okhukhola eshia anyalirwe: aranjirire okhutsukha khumubiri kwanje amafura neshiri okhuyabirwa. ⁹ Emuboolera obwatoto mbu, Buli habundu weinjili yino yakhakambwe mushialo shioosi, eshia akholere shino shiakhrumbulwe, shingana eshitsuliro shishie. ¹⁰ Mana Yuda Iskariote, mulala khu balia ekhumi na babiri, narula natsia khu abakuhani abakhulundu, amukhobe khubo. ¹¹ Mana nabo olwa bahulirakhwo, bachama okhushira, nabo nibalaka okhumuheresia amapesa. Nibakhaaba mbu banyoole ebise biali nibikhoyeere mbu amukhobe. ¹² Khunyanga yamberi yelisabo liomukate kubulamwo limera, olwa bali nibeerere likondi lieipasaka, abeeka bebe bamureeba mbu, Ni hena ewa wenya mbu khukasie mbu obe ounyala okhulirayo ipasaka? ¹³ Naye naruma abeeka bebe babiri, nababoolera, Tsie mwinjire mwitookho, mulakana nende omundu nachinjire isiongo ya amaatsi: mumulondekhwo. ¹⁴ Ne halia ewa yetsa okhwinjira mwesi mwijire, muboolere omundu omulayi wuyo mbu, Omwami areeba mbu, Eshikoro shiabacheni shiri heena, ni heena ewanyala okhuliira ipasaka nende abeeka banje? ¹⁵ Naye alabamanyia eshikoro sheikulu eshikasibwe khandi eshirechekhwe: mukhukasirie abwene yao. ¹⁶ Nabo abeeka be nibatsia, nibenjira mwitookho, nibanyoola nikali shinga olwa bali nibaboolirwe: nabo nibarechekha ipasaka. ¹⁷ Mana niyetsa khubwiire nende abeeka bebe ekhumi na babiri. ¹⁸ Mana olwa bali nibekhaale nibalitsanga, Yesu yaboola, Emuboolera nywe obwatoto, Mulala wenyu oulitsanga ninasi alakhoba sie. ¹⁹ Mana nabo nibachaka okhubeerera, nibamureeba mulala mulala, Ekhali Ser noho? Khandi owundi nareeba, Ekhali Ser noho? ²⁰ Naye nabakalusia nababoolera mbu, Ni mulala khu ekhumi na babiri, wulia owitsa okhutonga mulutaabo ninasi. ²¹ Omwana wOmundu atsia shingana kahandikwa khuye toto: habutswa wowe khumundu wulia owa Omwana wOmundu alakhobwa okhubirira muye! Kakhabeere obulayi nikali mbu shiyakhebulwe tawe. ²³ Khandi nabukula eshikombe, ne olwa yali namalire okhuupa orio, nabaheresia: mana nabo boosi nibanywa okhurula mushikombe yisho. ²⁴ Mana nababoolera mbu, Kano niko amatsaayi kanje akeindakano imbiakha, akaratsiribwaa abandu abanji. ²⁵ Emuboolera obwatoto mbu, shindakhanywe khandi eshiamo shiemitsabibu tawe, okhuula inyanga yilia olwa ndakhachinywe imbiakha mubwami bwa Nyasaye. ²⁶ Mana olwa bali nibakhemba olwimbo, nibarula nibatsia mushikulu shiemitsabibu. ²⁷ Mana Yesu nababoolera mbu, Mwesi pe mulanzirukha eshiro sheinyanga yino: okhuba kahandikwa mbu, Ndalakhupa omwayi, nako amakondi kalasalana. ²⁹ Petero namubiira mbu, Kata nikaba mbu abandi boosi balakhwirukha, esie shindirukha tawe, ³⁰ Yesu namubiira mbu, Ekhuboolera obwatoto, mbu inyanga yino, kata mushiro shino, itaywa niyishiri okhukholiokha khabiri, olaba wakhanzikaana khataru. ³¹ Habutswa naye naboola nalumirira okhushira, Nikakhaba mbu okhuula efwe ninawe, shiditsa okhukhwikaana tawe. Endio nilwa abandi boosi baboola khandi. ³² Mana niboola habundu alangungwa Gethsemane, Yesu nabiira abeeka bebe mbu, Yikhale hano, nasi olwa emba nesaaya. ³³ Nabukula Petero, Yakobo, nende Yohana halala ninaye, mana nachaka okhunyakhana mumapaaro nende okhusitoherwa muno: ³⁴ Naye nababoolera mbu, Omwoyo kwanje kuli nende eshibeera eshinji, kata okhuula khushichero shiokhufwa: nindire hano, mana mube meeso. ³⁵ Naye nasita hamberi hatiti, mana nakwa hasi nasaaya mbu, Nikakhaba kanyalikhana, mbu liisa lino limbirekhwo. ³⁶ Khandi naboola, Abba, Papa, ebindu bioosi ninyalikhana inawe; Yiniakhwo eshikombe shino shirulekhwo: kata kario elienya lianje tawe, habutswa elienya lirio. ³⁷ Mana niyetsa, nabanyoola nibakonanga, mana nabiira Petero, Simoni, Eyuwe okonanga? Shonyalire okhuba meeso liisa kata elala tawe? ³⁸ Ba meeso, khandi osaaye kalali kario olenjira mumateemo. Omwoyo kwikombanga Toto, habutswa omubiri nomutofu. ³⁹ Mana natsia khandi, mana nasaaya amakhuwa kalia kalia. ⁴⁰ Olwa yakalukha khandi, yabanyoola boosi nibakonere, (Shichira tsimoni tsiabo tsiali nitsisitoe,) nabo nikorwa balamukalusia shiina. ⁴¹ Yetsa olwakhataru, nababiira mbu, Mutsiririre okhukona, mana muhulushe: tsiyerere! Lisa liakhoola; lola Omwana wOmundu akhobirwa mumakhono ka abakholi betsimbi. ⁴² Buushe ikulu, chende khutsie; lola, wulia oukhobanga wulire. ⁴³ Mubwangu yibo, olwa yali nashiboolanga, Yudas yoola, nali halala nende omukanda omukhongo nibachinjire tsinganga nende tsindabushi, nibarulire khu abakuhani abakhulundu nende abahandichi nende abakofu. ⁴⁴ Ouli omukhobi yali nabebaalire eshilolesio, nababoolere, Wulia owenditsa okhutsunzuna, wuyo niye ye; mumubukule, mana mumwimirire nomulembe. ⁴⁵ Mana olwa yoola butswa, namutsiira shirunji, namulanga, Omwami, Omwami; mana namutsunzuna. ⁴⁶ Nabo nibamutiira, nibamubukula. ⁴⁷ Mana mulala khubo owali nasijiireo yayiinia olukanga, narema eshirwi eshiaomutiiyi womukuhani omukhulundu, nateta narusia eshirwi shishie. ⁴⁸ Mana Yesu nabareeba, Murulire nimwitsa shinga abetsera omwifi, ne tsinganga nende tsindabushi, okhumbukula? ⁴⁹ Ndaberenje ninenyu muhekalu buli nyanga nindechesinjia, nenyu shimwaibukulenje tawe: habutswa amahandiko okhuula kosibwe. ⁵⁰ Mana boosi bamuloba, mana nibamwirukha. ⁵² Yalekha ingubo yeikitani yiyo, niyerukha tsimbiro natsia eshihechenye. ⁵³ Mana nabo nibemirira Yesu okhuula ewa omukuani omukhulundu: halala inaye balio abakuhani abakhulundu bandi abanji, abakofu nende abahandichi. ⁵⁴ Naye Petero yamulondanga khwo nali ehale, okhuula munzu eya omukuhani omukhulundu: mana niyekhala nende abatiiyi, naye niyooranga omuliro. ⁵⁵ Mana abakuhani abakhulundu nende boosi abe shiina bakhaba abakobosheri abetsa okhumuyiinga Yesu mbu banyale okhumwiira; nibalanyoola ta. ⁵⁶ Kata kali abanji bayiinia obuloli bwobubeeyi khu ye, obuloli bwabo shibweenjirananga tawe. ⁵⁷ Mana nikhubao nende abandi, nabo nibaboola obuloli bwobubeyi khu ye, naboola mbu, ⁵⁸ Khwamuhulire nabolanga mbu nasasie Iihekalu yino eyombakhwa namakhono, mana achumbashe mutsinyanga tsitaru ne ndumbakha eyindi eyiloombakhwa namakhono tawe. ⁵⁹ Habutswa abulao khubo abobuloli bwabo bwenjisania tawe. ⁶⁰ Mana omukuhani omukhulundu nasinjira hakarikari waabo, mana namureeba Yesu, Shokalusia kata eshindu tawe? Ni shiina shino eshia bakhuyiinirinjia obuloli nibakhuyiinga? ⁶¹ Habutswa naye naholeera, khandi nabakalusia eshindu ta. Khandi omukuhani omukhulundu namureeba khandi, Neyuwe Kristo, Omwana wa ulia Oweikhabi? ⁶² Mana Yesu naboola, Nesie ye, khandi mwakhamulole Omwana womundu niyekhaale omukhono omusatsa kwobunyali, khandi niyetseranga mumalesi komwikulu. ⁶³ Olunyuma omukuhani omukhulundu narandula tsingubo tsitsie, mana naboola mbu, Khwenyera shiina abuloli bandi? ⁶⁴ Enywe muhuliire obufukuli: mupaara shiina? Mana nabo boosi nibamukhalachira eshiina okhumufwiira mbu yeerwe. ⁶⁵ Abandi nibachaka okhumufutsa khwo amare, khandi nibamufimba mumoni, khandi nibamukhupa, nibamutiira mbu, Yiinia obunabii: abasikari nibamupama nende emikhono chiabo. ⁶⁷ Olwa yalola Petero niyetunduminjia, yamuyenga, mana naboola, Khandi wesi wabeere nende Yesu weNazareti. ⁶⁸ Habutswa naye nakaana, naboola, Esie shemumanyire tawe, nohomba okhumanyirisia yisho eshia obolanga ta. Naye narula natsia mushikoro; mana itayuwa niyikholiokha. ⁷⁰ Habutswa yakana khandi. Khubise ebititi, balia abali nibasinjireo nibaboolera Petero, Toto mwene eyuwe oli mulala khubo: okhuba oli omuGalilaya, kata imboola yo yikhubuulanga. ⁷² Mana itayuwa niyikholiokha olwa khabiri. Mana Petero niyetsulira amakhuwa kalia aka Yesu yali niyamubiira, Mbu itayuwa niyishiri okhukholiokha khabiri, wakhabe wakhatsikaana khataru. Mana olwa yapaara endio, yamala nalira.