¹ Ne olwa yali narulanga muhekalu, mulala khu abeeka be namubiira, Omwami, olola oriena amachina kano nende kata emiombokho chino! ² Yesu namubiira mbu, Olola emiombakho emikhongo chino? Libulao lichina kata elala eliakhatoonye nilicherekhane khulindi tawe, eliakhabe nililakwisibwe hasi tawe. ³ Olwa yekhala hasi khushikulu shia Emutsabibu nachomane nende Ihekalu, Petero, nende Yakobo, nende Yohana, nende Andrea bamureeba mabiswi, ⁴ Khubiirekhwo, ebindu bino biakhekholeshe liina? Khandi nishiina eshiakhabe eshilolero olwa ebindu bino bioosi biakhabe nibikholeshe? ⁶ Shichira abanji bakhetse muliira lianje ninaboola, Lole, nesie Kristo; nabo bakhakatie abanji. ⁷ Khandi olwa mwakhaulire amahe, nende ifuma yamahe, mulabeyabeya tawe: ebindu bino okhuula bitse imberi, habutswa idukho yene yakhabe niyishiri. ⁸ Okhuba oburuchi bwakhachingushire oburuchi bundi, khandi obwami bwakhachingushire obwami bundi: ne khwakhabeo nende emirengo chiesialo emikhongo mutsimbeka tsiaukhane, khwakhabeo nende tsinzala nende eminyakhano: buno nibwo obuchachiro bwobutsuune bwokhwibula. ¹⁰ Nayo injili okhuula ikambwe mberio mushialo shioosi. ¹¹ Habutswa olwa mutiirwa nimuyirwa nimuhanwa imberi, shimuleparira mulaboola shiina tawe, kata okhuyiririsia eshia oboola tawe: habutswa liria elia wiitsa okhuhebwa ebise bieneyibo, oliboole: okhuba sholi yuwe ouboolanga tawe, habutswa ni Roho Omutsienukhu. ¹² Bulano, abasiani bakhakhobe abasiani baabo okhwiirwa, naye papa omusiani wuwe; nabo abaana bakhachingushire abebuli babo, nibachirira nibeerwa. ¹³ Nenyu mwakhasirwe nende abandu boosi khulwa eliira lianje: habutswa wulia owitsa okhwifiira okhuula khukhumalirikha, wuyo yakhahonibwe. ¹⁴ Olwa mwakhalole okusinyo kureranga obusasishi, okwa boolwa nende Danieli omunabi, nikusinjiire wokulakhoyeere tawe, (lekha ousooma amanyirisie,) nikali kario leshe wulia ouli ebuYaudi yerushire mubikulu; ¹⁵ Khandi wulia ouli khunzu ikulu shalekha munzu tawe, kata okhwijira mwo tawe, mbu abukule mwo eshindu tawe: ¹⁶ Khandi wulia ouli mumukunda yakalukha emukongo mbu abukule ingubo yiiye tawe. ¹⁷ Habutswa wowe khubali abali nende abana, nende balia abaliba nibanuninjia tsinyanga yitso! ¹⁸ Khandi musaye mbu shikalekholekha mutsinyanga tsiobushindu tawe. ¹⁹ Okhuba tsinyanga yitso tsiakhabe etsia eminyakhano emikhongo po, echishiri okhubao okhurula Nyasaye nalonga eshialo okhuula ebise bino, abulao owakhaonibwe. ²⁰ Nikalaba mbu Omwami shatitiiyia tsinyanga yitso ta, kubulao omubiri kwosi kwosi okunyala okhuhonibwa; habutswa khulwa abaule bonyene, abayamala okhwaula, yamalire okhutitiiyia tsinyanga. ²¹ Kho omundu yesi yesi nakhubiira mbu, Lola, Kristo ngwouno hano; nohomba, Lola, ali halia; sholamusubira tawe; ²² Okhuba Kristo bobubeyi nende abanabi abobubeyi bakhachingushe, ne bakhakhole ebilolero nende amangalimwa, ebiokhuserera, mbu nikanyalikhana, kata abaule boosi. ²³ Enywe mube meeso: lole emuboolera bulishindu nibishiri okhubao, ²⁴ Habutswa mutsinyanga yitso, obusandi nibuweere, eliuba liakherimibwe, nakwo omwesi shikwakhashe tawe, ²⁵ Natsio tsing'ining'ini tsiomwikulu tsiakhakwe, khandi obunyali bwomwikulu bwakhatechesibwe, ²⁶ Mana nilwo olwa bakhalole Omwana wOmundu niyetsanga mumalisi nende obunyali obukhongo nende oluyali. ²⁷ Mana nolwa aliruma malaika bebe, abalikhung'asia halala abaule bebe okhurula mutsimbeka tsine, okhurula khubumalirishi bweshialo okhuula khubumalirishi bwelikulu. ²⁸ Bulano mweche okhurula khuluchero lwomusala kwo mukhuyo; Olwa amasaka kachaka okhuromba nikwama amasafu, mumanyanga mbu ebise bioluuya bitsanga. ²⁹ Mumera yene yiyo yosi, olwa mwakhlole ebindu bino nibitsa nibibira, mumanye mbu obumalirisi buli ahambi, kata hamuliango. ³¹ Likulu nende eshialo biakhaweo: habutswa 'likhuwa lianje shiliakhaweo tawe.' ³² Habutswa khulwa inyanga yiyo kata liisa liene yilo, abulao oumanyire kata mulala tawe, Kata abamalaika mwikulu, kata Omwana, halali Papa yenyene. ³⁴ Okhuba Omwana wOmundu ali shinga omundu wutsiire oluchedo lwehale, naye nalekha inzu yiiye, nahesia obunyali khubatiiyi bebe, nakabulira buli shamulala omulimo kukwe, mana namulaka omulindi mbu abe meeso. ³⁶ Nohomba metsukhana mana abanyoole nimukonanga. ³⁷ Kalia akemuboolera nyuwe, emuboolera abandi boosi, Mube meeso.