¹ Mana Yesu nachaka okhwechesia muluchero mbu, omundu undi yaraaka emitsabibu mumukunda Mana nasira olukaka okhubotokhana , khandi nayaba obwina bwokhutinyiriramwo amatsi kemitsabibu , niyombokha omunara kwabalindi khumukunda ne nakuhosia khubalimi, Mana natsia mushialo shiehale. ² Ne olwa elichesa liola,yaruma omukholi khubalimi yabo, mbuanyolekhwo ebiamo biemitsabibu okhurula khubalimi. ³ Ne abalimi yabo bamutira, nibamurotsa nibamulonda nibamwima. ⁴ Khandi nabarumira omusumba uwe omweneyo nibamwara tsinguma, nibamukholera eshifwabi. ⁵ Mwene omukanda naruma omukholi undi uyo Naye nibamwira. Khandi bakholera abanji kafwana kario, banywekha nende okwira abaandi. ⁶ Yali nashiri nende oundi mulala wokhuruma, omwana omuherwa. mukhumalirikha yamuruma khubo naboola mbu, balaheresia omwana wanje oluyali. ⁷ Nebutswa abalimi yabo baboolerana abeene khubeene mbu, uno niye omwana oubulaame bwomukunda kuno, kho chenda khumwire, mana obulamebwe bulaba ubwefu.' ⁸ Kho bamutiira nende okhumwira nibamusukuna erwanyi womukunda kwemitsabibu. ⁹ Kho mwene omukunda kwemitsabibu alakhola shiina? Aletsa okhumalaho abalimi yabo nende okhuheresia abandi omukunda ikwo. ¹⁰ Mushiri okhusomakhwo elihandiko lino? ‘ lichina elia abombashi baloba likholeshe olwanziro lwomukona’. ¹¹ Buno bwali obukholi obwa Omwami ne kano nakamakana mumoni tsiefwe! ¹² kho nibatema okhumutiira, ne nibaria abomukunda Shichira bamanya shinga olwa Bali nakhupire oluchero olwa khubo, nibamurulakhwo nende okhutsia. ¹³ Abaandu abokhubafarisayo nende yabo abakhuHerode barumwa khu Yesu mbu bamureche namareebo. ¹⁴ Kho betsa khuye nibamubolera mbu “omwechesia khumanyire mbu oli owabwatoto ne shotebanga omundu yesi ta, habula obushuru khu Kaisaria nohomba tawe? khurunje nomba khuleshe? ¹⁵ Naye Yesu, namanyire obubatsa bwabo yabareeba mbu “ murechekhanga mbushiina? mumberesiekhwo eling'ondo elala endole.” ¹⁶ Nibarera, kho nabareeba mbu, “obukondo buno nobwa wiina, akahandikwakho kano nano naka wiina?” nebia Kaisari . ¹⁷ Yesu nabakalusia mbu“ Ebindu bia Kaisari muheresie Kaisari, nebili ebia Nyasaye mumuheresie Nyasaye” nabo nibahuchisibwa muno namakhuwa keke. ¹⁸ Abasadukayo bandi ababoolanga mbu obulamushi toto bubulaho betsa khu Yesu nibamureeba mbu, ¹⁹ “ Omwechesia, Musa yakhuhandichira mbu ‘omundu naba nali nomusiani wabo, Mana afwe ne aleshe omukhasi, nabula omwana omusiani wabo akhoyere akalusie omukhasi uyo yebule abaana okhuchinguula Elira liomusiani wabo” ²⁰ Baliho abasiani saba abomunzu ndala omukhulundu yalera omukhasi ne nafwa nalalekha omwana ta, ²¹ Owakhabiri namukalusia nafwa ,nalalekha omwana ta, kata owakhataru yesi ario, ²² Boosi musafu shibalekhakhwo omwana tawe.Olunyuma olwa yabo boosi, omukhasi uyo yesi yafwa. ²³ Aliba omukhasi wa wina khu yabo saba khunyanga eyobulamushi? ” ²⁴ Yesu nabareeba mbu, “Khane, shikali ko kano akachiranga nimukorwa mbu shimumanyire amahandika ta, kata shimumanyire obunyali bwa Nyasaye shinga olwa buli tawe?. ²⁵ Okhuba olwa abafu balilamukha shibaliteshia khandi ta, kata okhuteshibwa ta, ne baliba shinga abamalaika bomwikulu. ²⁶ Ne khumakhuwa akabafu, shinga olwa balamusibungwa, shimwasomakhwo mushitabo shia Musa, mubunyali bweshitsakha, shinga Nyasaye olwa yamubolera mbu ‘ Nisie Nyasaye wa Aburahamu nende Nyasaye wa lsaka nende Nyasaye wa Yakobo? ²⁷ Shali Nyasaye wabafu ta, habutswa wabalamu. mwakorwa po?. ²⁸ Ne mulala khubahandichi bamalako nibetsa ahabali Mana nahulira nibayingananga nende Yesu. ne olwa yalola mbu Yesu abakalusiye obulayi, kho namureba mbu “ Ne nelilako shiina eliamberi khukoosi?” ²⁹ Yesu nakalusia mbu, “Eliamberi ndielino, mbu, Oh! lwe Israeli, hulira, Omwami Nyasaye wefu niye Omwami mulala yenyene. ³⁰ Ne okhuula omuherenje Omwami Nyasayewo nomwoyokwo kwosi, namakani koosi, nende amaaniko koosi. ³¹ Eliakhabiri ndielino, mbu “ Okhuula oherenje owashio shinga olwa wiheranga omwene! libulaho lilako Lindi okhushira kabiri kano. ³² Omwechesia wamalako uyo, nomubolera mbu, “Toto mwene omwechesia oboolere akatoto oli habwene, Nyasaye ni mulala, ne shaliho oundi ta habula ye yenyene. ³³ Ne olamuheera nomwoyo kwosi, nomwoyokwo kwosi, nende amaaniko koosi, nomuheera omumenyaniwo shinga olwa wiheera omwene, nelikhongo muno okhushira ebihanwa biemilukha nende emisango chiosi.” ³⁴ Ne olwa Yesu yalola, shinga omuhandichi wamalako uyo nakalusia nobuchesi, yamuboolera mbu “sholi ehale nende obwami bwa Nyasaye ta” Nokhurula olwenelo yabulaho owetsalikha okhumureeba lirebo liosi ta. ³⁵ Ne olwa yechesia muhekalu yareeba abaandu mbu, abahandichi bamalako bakhuboolera bariena mbu, Kristo oyo nomwana wa Daudi? ³⁶ Daudi mwene niyabalirwa nende omwoyo obutsinukhu yaboola mbu, ‘Omwami yaboolera Omwami wanje mbu, yikhale khumukhono kwanje omusatsa, okhurula olwa endira abasukubo hasi wa makulu koko!’ ³⁷ Daudi omwene amulanganga mbu Omwami, kho yakhaba arie omwana wa Daudi?” Mana abomukanda omukhongo okwamakana nibamuhulira nobusangali. ³⁸ Ne mukhwechesia khukhwe Yesu nababolera mbu, “mube meso khubahandichi bamalako abachamanga okhuchendachenda nibafwalira etsikanzu tsirambi, nende okhushesibwa mubiiro. ³⁹ Bachama okhwikhala khubifumbi ebiemberi ebilayi mutsiSinagogi nende okhwera habundu aholuyali mumasabo. ⁴⁰ Abamalirinanga tsinzu etsia abakhasi abalekhwa, ne khulwa okhwikatia nibasaaya amasayo amarambi, abenabo nibo abalikhalachirwa eshina eshikhongo okhushirakhwo. ^{42 41} Kho Yesu niyenjira aha ahengana nende lisanduka eliebihanwa, nahenga nalola shinga abomukanda baretsangamwo ebihanwa mwisanduku abayiinda nibayinyia amapesa amaanji. v 42 Mana omukhasi mulala omulekhwa omumanani niyetsa, naramwo ebihela bibiri,“ Emuboolera Toto mbu,omukhasi omulekhwa uno, areremwo amapesa amanji okhushira boosi ⁴³ Nalaanga abeechibe Mana nababolera, Toto mwene ebaboolera, omukhasi omulekhwa areremwo amanji okhushira boosi mwisanduku liebihanwa. ⁴⁴ Shichira boosi bayiinyie mubiinji biabali ninabio, habutsa Nate mubumanani bubwe areremwo amapesa koosi kalininako mubulamu bubwe.