¹ Ne olwaboola ahambi Yerusalemu, muBethedage nende Bethania khushikulu shiamiseituni naruma babiri khubeechi. ² Nababolera batsie mulusoma olwabahengana ne olwa mulolamwo, mulanyola eshimosi shia lshisiri iboirwe eshia omundu ashiri okhuninakhwo ta, mushibolole munderere. ³ Ne omundu yesi nabareba mbu khulwa shinga nimubolola, mumubolere mbu Omwami alinelienya ninayo,naye alabalakhuula. ⁴ Mana nibatsia, nibanyola eshimosi nishiboyirwe hamuliango erwanyi ahatsinjira tsibiri tsiakaniranga mana nibashibolola. ⁵ Ne mulala khubali nibasinjireho nabareba mbu khulwa shiina nimumubolola?" ⁶ Mana nibabolola shinga olwa Yesu yali nababolere nano nibabalakhula nibatsia. ⁷ Mana nibarera eshimosi ewa Yesu yali nibaalakhwo tsingubo nende amaleso naye Yesu niyekhalakhwo. ⁸ Mana abaanji nibala tsingubo tsiabo khunjira abandi nibarema amasaka kemisala nibala khunjira. ⁹ Mana yabo abaranjirira nende abetsa inyuma nibayiba nibabola mbu" Alamirwe ikhabi owitsa mulira lioMwami. ¹⁰ Ni bweikhabi obwami bwa papa wefu Daudi, obwitsanga mulira lioMwami Hossana ouli hekulu mwikulu. ¹¹ Mana Yesu niyenjira muYerusalemu khandi muhekalu, ne olwa yali namalire okhulola ebindu biosi tsimbeka tsiosi, yarula natsia Bethania nende abeechi bebe ekhumi nende babiri. ¹² Ne mukamba olwa Bali nibarula Bethania yahulira inzala. ¹³ Ne nashirikhwo ehale yalola omukhuyu nikulikhwo amasafu nenasuta ahambi napara mbu alanyolakhwo eshiamo nebutswa shiyanyolakhwo eshindu ta Shichira eshise shia mikhuyu shiali nishishiri okhula. ¹⁴ Mana Yesu nakubolera mbu abulaho omundu oulalia khubiamo bio khandi tawe nabo abechi bebe Bali nibahuliranga. ¹⁵ Mana nibetsa muYerusalem, nay Yesu niyenjira muhekalu, nachaka okhubarusia erwanyi abeene yabo abali nibakusinjia nende okhurula, nafumamia tsimesa tsiabakalukhasii bamapesa nende bia abo abakusinjia amamhuusi . ¹⁶ Ne nalafuchirirakhwo omundu yesi okhuchingakhwo eshindu shiosi muhekalu ta. ¹⁷ Niyechesia nabola mbu shikahandikwa mbu inzu yanje ilalangwa mubialo boosi mbu inzu ya masayo, wenyu muchikholere imbinga ya banuuli ¹⁸ Mana abakuhani abakhulundu nende abahandichi nibakhaba shinga olwa banyala okhumwira nebutswa balia, Shichira abaandu boosi Bali nibauchisibungwa nende amechesio keke. ¹⁹ Ne olwa akoloba yola, narula mwitokho omwo. ²⁰ Ne khumukamba olwa Bali nibabiranga nibalola omukhuyu nikuumire okhurula khumisi ²¹ Ne Petero olwa yetsulira , namubolera Omwami Lola omukhuyu kwa walachire eshilaka munwa kuumire. ²² Yesu nakalusia nababolera mbu be nende obusubiri muNyasaye. ²³ Ebabolera Toto mbu omundu yesi oulabolera eshikulu shino sulikha otsie okwe munyanza ne nalakanakania mumwoyo kukwe ta, ebabolera toto liosi liosi Elia alasaba alahabwa. ²⁴ Khulwa ishio ebabolera mbu likhuwa liosi elia musaba subirenje mbu munyolire ne mulaba ninalio. ²⁵ Ne olwa muba nimusaaya , nimuba nimuli neshionono shiosi shiosi papa wenyu wO mwikulu ababere amabii kenyu. ²⁶ Ne nimuba nimulabera ta, kho nindio papa wenyu wOmwikulu shalababera amabii kenyu ta. ²⁷ Mana nibetsa khandi muYerusalemu ne olwa yali nachendanga muhekalu nibamwtsira abakuhani abakhulundu , abahandichi nende abakhulundu. ²⁸ Nibamureba mbu nikhubunyali bwa wina okholanga amakhuwa kano ne niwina owakhuheresia obunyali bwokholanga amakhuwa kano?. ²⁹ Mana Yesu nabakalusia nababolera mbu ndalabarebakhwo lirebo elala nimuba nimungalusia kho basi ndalababolera mbu nikhubunyali bwa wina ekholanga kano. ³⁰ Obubatisi bwa Yohana bwarula mwikulu nomba khubaandu, ngalusie? ³¹ Nibabolerana abeene mbu nikhuba nikhuboola mbu bwarula mwikulu, alakhureba mbu ne khulwa shina nikhulasubira. ³² Nenikhuba khuboola mbu okhurulana nende abaandu Shichira abaandu boosi basubira mbu Yohana nomulakusi Toto. ³³ Nibamukalusia nibamubolera mbu shikhumanyire tawe, Nate Yesu nababolera mbu nasi khandi shimbabolera mbu nikhubunyali bwa wina ekholanga amakhuwa kana tawe.